Ɛfɛshɔ 1:6 - Ŋwaʼaŋlɨ Kɨǹ a Fhi

⁶ nnɛ ŋa pia ghaʼo ndìpwa pwapuŋ yi, ŋa a fɛ ni pia ghagha ntɔgɔ pi mbhɔ taʼa Muuŋ vi ŋa a ŋkhwā ŋgaʼa nɛ.

Ɛfɛshɔ 1:6 ပူးပေါင်းရင်းမြစ်များ

Matio 17:5

A ni ŋguʼɔ nchrā nu ŋga njəɨ nu nɛ, lúluŋ chiachia kuru vugu, ŋggì chhu moŋ lúluŋ ghɔ ŋa, “Yei ŋkiɛŋ Muuŋ a ŋa ŋ̀khwā, m̀fāʼo pwatua nthɛ vi. P̂əɨ yaʼo mbhɔ yu.”

Matio 20:9

Ŋgwa pɛ ŋa pi ni ndɔ̄gɔ vugu moŋ tiɛŋ minaoŋ ni ŋga nthɔ, pi pe vugu ni fɨʼɨ mbɨŋ ŋa ŋoŋ ghà mfāʼa taʼa llɛ́ pi pe vi nɔ ghɔ nɛ.

Matio 3:17

Ŋga njəɨ nu nɛ, yichəɨ ŋggì chhu po ŋa, “Yei muuŋ a ŋa ŋ̀khwā ǹja mfāʼo pwanjuʼɔ nthɛ vi.”

Luka 2:14

“Ndighaʼo pɔ ni Minnwi ti ŋgə̄ɨ nchəɨŋ fie moŋ ndugwi po, ghrɨnjuʼɔ pɔ ni ŋgwa pɛ ŋkuoŋ shhɛ ŋa pwapuŋ Minnwi pɔ mbɨŋ pugu nɛ.”

Jouŋ 10:17

Yei nnu ŋa a chwīe Tǎa a khwā a nɛ, ŋa m̀fɛ chɔmbhi a nɔ khu nu, nnɛ ŋa mimfɛ m̀bɨnɨ nɔ ghɔ ŋkamuʼɔŋ.

Jouŋ 3:35

Tǎa khwā Muuŋ vi, mfɛ ŋguoŋ yaoŋ liɛŋ mbɔ yu ghao.

Roma 8:1

Nthɛ yie ghɔ, gū nu sháʼa lɔ nuʼuŋ mbɔ ndwɛ ni pa ŋgwa pɛ ŋa pugu taʼa yi pugu pa Krishto Jishɔ nɛ.

2 Koriŋ 4:15

Nthɛ ŋa ŋguoŋ yi ghao pɔ nthɛ pi pəɨ, nnɛ ŋa pwapuŋ Minnwi ŋa a thɔ nshɛ̄rɛ nu ni ntountou ŋgwa nɛ, shi nchwīe tōo nu pīgi nɔ fɛ nu ndighaʼo ni Minnwi.

2 Koriŋ 5:21

Nthɛ via Minnwi ni nchwīe vi a pɔ phɨ, mbɔ ju ŋa a shini ndɔ nji phɨ nɛ, nnɛ ŋa moŋ pɔ nu taʼa yi pigi pugu, pigi shi mbɔ ndɨndɨ Minnwi.

Ɛfɛshɔ 1:12

nnɛ ŋa pigi, ŋa pigi ni mbɔ fǔoŋ ŋgwa nɔ fāʼo nu kwàʼa mbɨŋ Krishto nɛ, shi ŋgaʼo ndighaʼo yi.

Ɛfɛshɔ 1:14

Jijwɛ Minnwi pɔ pi fɛ́ ni pia nnɛ ŋa pia fāʼo tɨnɨnjuʼɔ ŋa Minnwi shi mfɛ yaoŋ ŋa a kāʼa via nɔ nɛ, ni kwàʼa ŋa a shi ndugwi mīʼɛŋ mfɛ ŋguoŋ maoŋ pighɔ ni pia, nnɛ ŋa pia ghaʼo ndighaʼo yi.

Ɛfɛshɔ 1:18

Ǹduoŋ ŋa njùʼɔ yəɨ pɨ̄gəɨ ni líʼɛ, nnɛ ŋa pəɨ ji kwàʼa ŋa a fɛ ni pəɨ, mbɔ ŋgwa ŋa a gɛ̄ nɛ, ni fɨʼɨ fàʼo ŋa a pɔ moŋ mbwa mbɔrɔ ŋa Minnwi kāʼa ŋgwa pi nɔ nɛ,

Ɛfɛshɔ 2:7

nɛnnɛ ŋa moŋ pa ndɨɨ ŋa a thɔ nu nɛ, minthɛ a nōoŋ mmɛ pwapuŋ yi ŋa minthɛ paʼa pi lɔ mfɨ̄ʼɨ nɛ, moŋ shiʼi yi ŋa a nōoŋ ni pia ntɔgɔ pi mbɨŋ Krishto Jishɔ nɛ.

Filipai 1:11

ndɨnaoŋ ni ntíɛŋ ndɨndɨ ŋa a ghà nthɔ ntɔgɔ pi mbhɔ Jishɔ Krishto nɔ fɛ nu ndighaʼo pugu tōo nu ni Minnwi nɛ.

Filipai 3:9

ndɔ ǹja mbɔ taʼa yi pigi yu, ki lɔ mfāʼo ndɨndɨ ŋa a pɔ pi nyaŋ, ŋa a llɔ pi ŋkuoŋ nūʼɔŋ nu gɨ́ nɛ. M̀fāʼo pi yɛ ndɨndɨ ŋa a llɔ pi ŋkuoŋ piŋ moŋ Krishto, mbɔ yɛ ŋa a llɔ pi mbhɔ Minnwi, nthi pi ŋkuoŋ piŋ nɛ.

Filipai 4:19

Minnwi a shi mfɛ ŋguoŋ yaoŋ ŋa a pie ŋa pəɨ fāʼo nɔ pɨʼɨ nu chà pəɨ nɔ ghɔ nɛ, wuʼɔ nɔ fɨʼɨ fāʼo yi moŋ ndighaʼo yi moŋ Krishto Jishɔ.

Koloshe 1:13

A fuʼu via moŋ mbhi njiŋ, nchaʼa via mfɛ moŋ shaʼafuoŋ Muuŋ vi ŋa a khwā nɛ,

1 Pita 2:5

Pəɨ nduthɔ yəɨ pɔ nɔ pa ŋgùʼɔ maoŋ ŋa pi thɔ ŋkrao nu ŋkuʼɔ nu nɔ ghɔ nɔ nda moŋ Jijwɛ nɔ pɔ nu ghaŋ fɛʼiŋgiɛŋ Minnwi yi taoŋtaoŋ, nɔ fɛ nu maoŋ fɛʼiŋgiɛŋ ŋa Minnwi piŋ nɛ, mbɔ yi moŋ jijwɛ ntɔgɔ pi mbhɔ Jishɔ Krishto.

1 Pita 2:9

Ndɔ pəɨ pɔ pi ŋgwrɛiŋgwa ŋa pi chuʼɔ, mbɔ ghaŋ fɛʼiŋgiɛŋ Minnwi ndɔ mbɔ pa pifuoŋ, ŋgwa taoŋtaoŋ, ŋgwa ŋa pugu pɔ pi ji nɛ, ŋa pəɨ chīi ndìpwa Ju ŋa a gɛ̄ vəɨ mfuʼu vəɨ moŋ njiŋ niʼiŋ vəɨ moŋ líʼɛ pwapwa yi.

1 Pita 4:11

Shesheŋoŋ ŋa a chrā nɛ, chrā nɔ ŋoŋ ŋa a chhu pi pa ŋkɨ̀nɨ llɔ mbhɔ Minnwi, shesheŋoŋ ŋa a fāʼa nu nɛ, fāʼa nɔ haʼaŋ a fāʼa pi ni ghrɨ́ ŋa Minnwi fɛ nɛ, nnɛ ŋa moŋ ŋguoŋ yaoŋ ghao, Minnwi shi mfāʼo ndighaʼo yi ntɔgɔ pi mbhɔ Jishɔ Krishto, mbɔ ju ŋa ndighaʼo pugu pa ghrɨ́ pɔ pi ji ki ndugwi yi nɛ. A pɔ nɛnnɛ.