Ɛfɛshɔ 1:10 - Ŋwaʼaŋlɨ Kɨǹ a Fhi

¹⁰ Nnu yei ŋa Minnwi ni ŋkāʼa nɔ chwīe nu, ndɔ shi nchwīe ndɨɨ ŋa ndɨɨ kāʼo nɛ, pɔ nɔ thɔ nu ni ŋguoŋ pa maoŋ, nchwīe pugu pɔ taʼa yi, ŋguoŋ pa maoŋ ŋa a pɔ po pugu pa ŋkuoŋ shhɛ nɛ, Krishto pɔ Taathɔ vugu.

Ɛfɛshɔ 1:10 ပူးပေါင်းရင်းမြစ်များ

Matio 25:32

Ŋguoŋ pa laʼataoŋ ghao shi ŋkɨrɨ shhɨ yu, a shɛrɛ vugu pugu taoŋ lɨʼɨ yi paa, wuʼɔ nɔ haʼaŋ ŋkɛ̄ʼi pa minjɨɨ ghà shɛrɛ pa minjɨɨ mfuʼu shɨna pa mimbhi nɛ.

Maaku 1:15

nchhu nu ŋa, “Ndɨɨ kwo kāʼo, Shaʼafuoŋ Minnwi kwo para, pəɨ pāʼa ŋkǔnu yəɨ ni phɨ, ŋkara mbiŋ pwa pishaʼakhɔ.”

1 Koriŋ 10:11

Nnɛ nnu pei ni ndɔ̄gɔ lɨʼɨ mbɨŋ pugu nɔ pa lì ndɔ pi nāʼaŋ nɔ tɨgɨ nu via nɔ ghɔ. Nthɛ ŋa pia pɔ yia pi moŋ ndɨɨ ŋa mbhi kwo chhɔ ndugwi nu nɛ.

1 Koriŋ 11:3

Ndɔ ǹtāʼa nu pəɨ ji ŋa thɔ sheshe mimbia pɔ pi Krishto, thɔ miŋgwɛ láŋ pɔ ndaoŋ vi, thɔ Krishto pɔ Minnwi.

Galashia 4:4

Ndɔ ndɨɨ ni ŋga ŋkāʼo, Minnwi taoŋ Muuŋ vi, miŋgwɛ phi vi, a fāʼo nɔ nūʼɔŋ nu gɨ́ Mushi,

Ɛfɛshɔ 1:22

Minnwi nūʼɔŋ ŋguoŋ yaoŋ ghao laʼo kwò yu, mfɛ vi ni chɔshi nɔ Taathɔ ŋguoŋ yaoŋ ghao.

Ɛfɛshɔ 2:15

a ni mfuʼu kipɨna ŋa a ni nthɔ nthɛ gɨ́, pugu pa nnu ŋa gɨ́ chhu nɛ, nnɛ ŋa a nthɛ a taoŋ ni taʼa ŋoŋ fhi shɨna kɨrɨ paa ŋgwa pei ŋkie pi mbɨŋ yu, nnɛ nthɔ ni taʼaŋggi,

Ɛfɛshɔ 3:15

ŋa ŋguoŋ ndaaŋoŋ po pugu pa ŋkuoŋ shhɛ fāʼo ligi yugu pi llɔ mbhɔ yu nɛ,

Ɛfɛshɔ 3:2

Nɔ haʼaŋ ä mbɔ yɛ ŋa shishini, pəɨ kwo yaʼo fàʼa yɛ ŋa Minnwi fɛ vəɨ moŋ pwapuŋ yi nthɛ vəɨ nɛ,

Koloshe 1:16

Ntɔgɔ pi mbhɔ yu, pi ni nchwīe ŋguoŋ yaoŋ ghao, po pugu pa shhɛ, pa yaoŋ ŋa minthɛ pi yəɨ, pugu pa yɛ ŋa minthɛ paʼa pi lɔ njiʼi njəɨ, pa njɨ moŋ jijwɛ, pa taathɔ, pa ghaŋ shaʼa ŋgwa ni pa thishɨ. Pi ni nchwīe ŋguoŋ yaoŋ ghao ntɔgɔ pi mbhɔ yu ndɔ nthɛ pi ju.

Koloshe 1:20

Ndɔ ntɔgɔ pi mbhɔ yu, Minnwi pɨnɨ mbɨ̄nɨ ni ŋguoŋ yaoŋ ŋkuoŋ mbhi ŋa pugu pugu chīni ŋggì, ki a pɔ pi maoŋ ŋkuoŋ mbhi ki moŋ po. Minnwi chīni ŋggì pugu pugu ntɔgɔ pi ŋkuoŋ chhǐ yi ŋkuoŋ wáʼa.

Koloshe 3:11

Moŋ chɔmbhi fhi yei, kwrí lɔ njiʼi mbɔ shɨna ŋoŋ ŋa a lɔ mbɔ ŋoŋ Juu pugu pa ŋoŋ Juu, ŋoŋ ŋa a nii ŋgunu mbrɛi pugu ŋoŋ ŋa a shi lɔ nii ŋgunu mbrɛi nɛ, ni pa ghɨ̀nɨ ni ghaŋ ki ji nnu pugu pa kǔna pugu pa ŋgwa ŋa pugu lɔ mbɔ pa kǔna nɛ, ndɔ Krishto ŋguoŋ yi ndɔ mbɔ moŋ ŋguoŋ yi.

Hibru 1:2

Ndɔ moŋ ndugwi llɛ́ pei, a chrā ni pia ntɔgɔ pi mbɨŋ Muuŋ vi ŋa a ni nūʼɔŋ vi ŋa ŋguoŋ yaoŋ moŋ mbhi hɛiŋ ma mbɔ ji nɛ. Minnwi ni nchwīe mbhi yei ntɔgɔ pi mbhɔ yu.

Hibru 11:40

nthɛ ŋa Minnwi ni nūʼɔŋ yaoŋ ŋa a pwa nchaa yie nɛ ni pia, nnɛ ŋa pia ŋkiɛŋ, paʼa pi lɔ nchwīe pugu pɔ ki ntəɨ.

Hibru 9:10

nthɛ ŋa pugu wuʼɔ ndīi pi pa nnu maoŋ jɨ pugu pa maoŋ nnu, pugu pa ŋkwaŋ ŋkwaŋ nnu wɛ̄iŋ ŋkhǐ, mbɔ pa gɨ́ nthɛ frɛinoŋ ŋa a fāʼa ti nthɔ nchəɨŋ moŋ ndɨɨ nnu fhi nɛ.

1 Pita 1:20

Ŋkaoŋ Minnwi maa nchwīe mbhi, a ni ŋkwo chuʼɔ Krishto, ndɔ nōoŋ vi moŋ ndugwi llɛ́ pei nthɛ pi pəɨ,

Nnu Nōoŋ 5:9

Pugu yrāo ŋkhǐ fhi, nchhu nu ŋa, “A kāʼo gɔ̀ nɔ lɔ̄gɔ nu ŋwaʼaŋlɨ ghɔ mbāʼa pa lěi ŋa pi lēi nɔ ghɔ nɛ. Nthɛ ŋa pi ni nsho ghɔ, ndɔ ntɔgɔ pi ŋkuoŋ chhǐ yɔ ɔ yuoŋ ŋgwa mfuʼu mfɛ ni Minnwi llɔ moŋ ŋguoŋ kɨrɨ ndaaŋoŋ pugu pa llɔ moŋ ŋguoŋ ŋkwaŋ chrà taoŋtaoŋ pugu pa kɨrɨ pa ŋgwa pugu pa laʼataoŋ.