2 Timoti 4:14 - Ŋwaʼaŋlɨ Kɨǹ a Fhi

¹⁴ Alɛshanda mbɔ ŋgaŋ lìɛŋ, ni nchwīe ŋkiɛŋ nnu pɨphɨ mbɨŋ a. Taathɔ shi mbe vi wuʼɔ nɔ fɨʼɨ fàʼa yi.

2 Timoti 4:14 ပူးပေါင်းရင်းမြစ်များ

Roma 12:19

Kiʼi pəɨ luʼu phɨ haʼaŋ pi chwīe mbɨŋ pəɨ nɛ, ma ŋkiɛŋ lǐŋ paŋ, ndɔ ka mieŋ pi shɨ̀na ni pɨgɨtua Minnwi, nthɛ ŋa pi nāʼaŋ ŋa, “Taathɔ chhu ŋa, ‘M̀fāʼo njɨ nɔ fɛ nu njɔ́, ǹshi nthu.’ ”

Roma 2:6

Minnwi ma ŋkɨnɛiŋ shesheŋoŋ wuʼɔ nɔ fɨʼɨ fàʼa yi.

2 Teshalonika 1:6

Ŋa Minnwi ghà ŋguʼɔ nshaʼa sháʼa yi pi ndɨndɨ nɛ, a shi nduʼu ŋgəʼɨ ni ŋgwa pɛ ŋa pugu thɔ mfɛ ŋgəʼɨ ni pəɨ nɛ.

1 Timoti 1:20

Moŋ shɨna ŋgwa pei, pia fāʼo Haimenu pugu Alɛshanda ŋa ŋ̀kwo chaʼa vugu mfɛ ni Shata, nnɛ ŋa pugu yɛʼi ŋkwaŋ haʼaŋ a nthɛ pugu mieŋ wɛʼi nu ligi Minnwi fɔ nɛ.

2 Timoti 4:15

Chhɔ ndɨna vi ŋkaa ghɔ, nthɛ ŋa a ghà ndāa ŋkɨ̀nɨ yia ŋkiɛŋ yie ghɔ.

1 Jouŋ 5:16

S̈hesheŋoŋ njəɨ ndǐŋ vi a thɔ nchwīe phɨ ŋa a lɔ njiʼi ndugwi moŋ gu moŋ jijwɛ nɛ, a luoŋ Minnwi mfɛ ghɔ, Minnwi fɛ chɔmbhi ghɔ, mbɔ pa ŋgwa pɛ ŋa pugu chwīe phɨ ŋa mbaʼa a yiʼi ndugwi moŋ gu nɛ. Yichəɨ phɨ pɔ ŋa a ghà ndugwi pi moŋ gu, ǹdɔ njiʼi mfɛ pi gɨ́ ŋa pi luoŋ Minnwi mfɛ ni ŋgwa pɛ ŋa pugu chwīe ŋkwaŋ phɨ ghɔ nɛ.

Nnu Nōoŋ 18:20

Fāʼo pwanjuʼɔ nthɛ vi, ma po, pugu pa ŋgwa Minnwi pi taoŋtaoŋ, pugu pa ghaŋ ntaoŋ Jishɔ, ni pa njəɨlɨʼɨ Minnwi. Nthɛ ŋa Minnwi shaʼa vi mfɛ njɔ́ ghɔ nthɛ vəɨ!

Nnu Nōoŋ 18:6

P̂əɨ fāʼa mbɨŋ yu wuʼɔ nɔ haʼaŋ juju fāʼa mbɨŋ ŋgwa nduoŋ nɛ. P̂əɨ luʼu mbha fàʼa yi ghɔ paa lɨʼɨ. N̂iʼiŋ làʼo moŋ ndua yi a tɨnɨ ti mbɔ paa lɨʼɨ ŋkwaŋ haʼaŋ juju ni niʼiŋ yi ŋgwa nɛ.

Nnu Nōoŋ 6:10

Pugu kə̄ɨ ni njɨ ni mmɛ ŋggì ŋa, “Yo! Taathɔ ŋa a chaa ŋguoŋ ghrɨ́, mbɔ taoŋtaoŋ ndɔ mbɔ ŋgaŋ nnu shini, ɔ shi nchhɔ pi fɨʼɨ yi nɛiŋ ŋkaoŋ maa nshaʼa mfɛ njɔ́ ni ŋgwa ŋkuoŋ shhɛ nthɛ jwi nu vigi?”