2 Koriŋ 6:13 - Ŋwaʼaŋlɨ Kɨǹ a Fhi

¹³ Ndwɛ, nɔ khwɛ̄ nu, p̂əɨ ŋaʼaŋ njùʼɔ yəɨ ni pigi ŋkaa pigi. Ǹchrā yei ni pəɨ ndwɛ pi nɔ puoŋ paŋ.

2 Koriŋ 6:13 ပူးပေါင်းရင်းမြစ်များ

Maaku 11:24

Nthɛ yie ghɔ, ǹshwei vəɨ, sheshe yaoŋ ŋa pəɨ pie moŋ luoŋ Minnwi nɛ, pəɨ mfāʼo piŋ ŋa pəɨ kwo fāʼo yaoŋ ghɔ, kaŋ a shi mbɔ yəɨ.

Galashia 4:12

Pa lǐŋ paŋ, m̀baʼo mbhɔ ŋa p̂əɨ pɔ nɔ mmu, nthɛ ŋa mummu kwo pɔ nɔ pəɨ. Pəɨ lɔ njiʼi mfāaŋ nnu mbɨŋ mu.

Galashia 4:19

Pa puoŋ mi puoŋ paŋ, m̀bɨnɨ nchhɔ ŋgwie noŋ a nɔ miŋgwɛ shūu ŋa a phi nu nɛ, nnɛ ti pəɨ nuʼuŋ ntɨnɨ moŋ Krishto.

1 Teshalonika 2:11

Pəɨ ji ŋkwaŋ nɔ haʼaŋ pigi ni ntuo shesheŋoŋ vəɨ nɔ haʼaŋ tǎa ghà ntuo puoŋ pi nɛ.

1 Jouŋ 2:1

Pa puoŋ mi puoŋ paŋ, ǹchhɔ nāʼaŋ pa nnu pei ni pəɨ nnɛ ŋa kiʼi pəɨ chwīe phɨ. Ndɔ ti s̈hesheŋoŋ nchwīe phɨ, kaŋ pia fāʼo ŋgaŋ lɨ̄gəɨ ŋa a shi ndɨ̄gəɨ Tǎa mfɛ via nɔ, mbɔ Jishɔ Krishto ŋoŋ ndɨndɨ.

1 Jouŋ 3:18

Puoŋ mi puoŋ paŋ, kiʼi khwǎ yia wuʼɔ mbɔ pi ni nchò ki chrà. P̂ia nōoŋ nnu khwǎ ntɔgɔ pi moŋ fàʼa yia pugu pa nnu shini.

1 Jouŋ 3:7

Puoŋ mi puoŋ paŋ, kiʼi shesheŋoŋ fɨ̄ɨ vəɨ, shesheŋoŋ ŋa a thɔ nchwīe nnu ndɨndɨ nɛ pɔ ŋoŋ ndɨndɨ nɔ haʼaŋ juju ŋoŋ ndɨndɨ nɛ.

3 Jouŋ 1:4

Ǹdɔ njiʼi mfāʼo pwanjuʼɔ a yiɛŋ nchaa yei: yaʼo nu ŋa pa puoŋ paŋ chhɔ nu moŋ nnu shini.