2 Koriŋ 13:7 - Ŋwaʼaŋlɨ Kɨǹ a Fhi

⁷ Ndɔ pigi luoŋ ni Minnwi ŋa kiʼi pəɨ fāaŋ sheshe nnu, ki lɔ mbɔ pi ŋa pigi nōoŋ noŋ yigi ŋa pigi kaʼokaʼo moŋ ŋguoŋ nnu. A pɔ pi ŋa pəɨ chwīe nnu yɛ ŋa a kāʼo nɛ, njiʼi nthɛ pi nɔ haʼaŋ a shi mbɔ nɔ haʼaŋ pigi gugu.

2 Koriŋ 13:7 ပူးပေါင်းရင်းမြစ်များ

Matio 6:13

Kiʼi nchwīe pigi nii moŋ tɨtɨnɨ mōoŋ nu ndɔ kwe vigi mbhɔ ŋoŋ mbɨmbhɨ.

Jouŋ 17:15

Ǹdɔ njiʼi nchhu pi ŋa ɔ fuʼu vugu moŋ mbhi, ǹchhu pi ŋa ɔ kɛ̄ʼi vugu mbhɔ ŋoŋ mbɨmbhɨ.

Roma 1:28

Ndɔ nɔ haʼaŋ pugu shini ndɔ mbīʼi a kāʼo nɔ ji nu Minnwi nɛ, Minnwi chaʼa vugu mfɛ ni mbīʼi nu nnu pa ŋgwa pɨphɨ ŋa pugu chwīe pa nnu pɛ ŋa a pie ŋa kiʼi pugu chwīe nɛ.

Roma 12:17

Kiʼi pəɨ luʼu phɨ ni phɨ, ndɔ pəɨ kāa pi nɔ chwīe nu nnu ŋa a yi chɨɨchɨɨ ligi ŋguoŋ ŋgwa nɛ.

Roma 13:13

A pie ŋa p̂ia chhɔ chɔmbhi yia moŋ shɛndaoŋ ŋa a kāʼo nɛ nɔ ŋgwa ŋa pugu chhɔ pi moŋ líʼɛ. Ki lɔ mbɔ pi moŋ pa jɨ ki tou pugu pa nnu nu mbaa, ki lɔ mbɔ pi moŋ kwo nu shúoŋ pugu pa mbha nnu tɔtrɔ, ki lɔ mbɔ pi moŋ fɛ̀ʼi pugu kighɨʼə.

Roma 16:10

Chrā ni Apele, mbɔ ŋkiɛŋ ŋoŋ ŋa pi piŋ vi moŋ Krishto nɛ. Chrā ni pa ŋgwa haʼaŋ pugu pɔ moŋ mbaanda Arishtobulu nɛ.

1 Koriŋ 11:19

Ndɔ khuthɔ lɔ mbɔ, a yiʼi ŋa minduoŋnduoŋ fāʼo nɔ pɔ nu shɨna pəɨ, nnɛ ŋa minthɛ pi ji pa ŋgwa ndɨndɨ shɨna pəɨ.

2 Koriŋ 10:10

Nthɛ ŋa pi chhu ŋa, “Pa ŋwaʼaŋlɨ pi lrī ndɔ ntɨnɨ, ndɔ ndɨɨ ŋa a pɔ ju shhɛ nɛ, paʼa nduthɔ yi lɔ ntɨnɨ, ndɔ chrà yi pɔ nnu gha.”

2 Koriŋ 10:18

Nthɛ ŋa a lɔ njiʼi mbɔ pi ŋoŋ yɛ ŋa a nōoŋ noŋ yi nɔ ŋkiɛŋ ŋoŋ nɛ ŋa pi piŋ vi, a pɔ pi ŋoŋ yɛ ŋa Taathɔ nōoŋ vi ŋa a ŋkiɛŋ ŋoŋ nɛ.

2 Koriŋ 13:6

Ŋ̀kwāʼa ŋa pəɨ shi njəɨ ŋa pigi lɔ njiʼi ŋgū moŋ ywɛʼi nu ghɔ.

2 Koriŋ 13:8

Nthɛ ŋa minthɛ paʼa pigi lɔ njiʼi nchwīe sheshe nnu ŋa a nōoŋ nu ŋa pigi lāa nnu shini lāa. Minthɛ pigi wuʼɔ nchwīe sheshe nnu nthi pi ŋkuoŋ nnu shini.

2 Koriŋ 13:9

Pigi fāʼo pwanjuʼɔ ndɨɨ ŋa pigi pou ghrɨ́, ndɔ pəɨ fāʼo ghrɨ́ nɛ. Pigi luoŋ nu ŋa pəɨ pɨnɨ mbɨnɨ mbɔ shiʼi.

2 Koriŋ 6:4

Ndɔ nɔ puoŋ fàʼa Minnwi pigi nōoŋ noŋ yigi ŋa pigi ŋkiɛŋ ŋgwa ntɔgɔ pi moŋ tiishii, pa ŋgəʼɨŋgəʼɨ, pa ghaghaʼa pugu pa nnu tɨtɨnɨ,

2 Koriŋ 8:21

Pigi fāʼo njùʼɔ pigi nɔ chwīe nu nnu yɛ ŋa a lɔ ŋguʼɔ nchɨɨ pi ligi Taathɔ, ndɔ a chɨ̄ɨ ŋkaa yu ligi ŋgwamishua nɛ.

Filipai 4:8

Nɔ lūgwi nu, ma pa lǐŋ paŋ, sheshe yaoŋ ŋa a nnu shini nɛ, sheshe yaoŋ ŋa a yi chɨɨchɨɨ, sheshe yaoŋ ŋa a yi ndɨndɨ nɛ, sheshe yaoŋ ŋa a yi taoŋtaoŋ nɛ, sheshe yaoŋ ŋa minthɛ ŋgwa khwā nɛ, sheshe yaoŋ ŋa pi chiʼa nɛ, sheshe yaoŋ mbɔ ŋa a pwa ti ŋgaʼa, s̈heshe yaoŋ mbɔ ŋa a pie ŋa pi ghaʼo, p̂əɨ chhɔ mbīʼi pa ŋkwaŋ maoŋ pighɔ.

1 Teshalonika 5:23

Ndwɛ, Minnwi ŋa a ghà mfɛ ghɨghrɨ nɛ, chwīe pəɨ pɔ yi taoŋtaoŋ moŋ ŋguoŋ shɛndaoŋ ghao, nūʼɔŋ ŋguoŋ jijwɛ yɔ ni nchə̌ɨ yɔ pugu pa noŋ yɔ ki ntəɨ ti Taathɔ via, mbɔ Jishɔ Krishto, nuʼuŋ nthɔ.

1 Timoti 2:2

Pəɨ luoŋ Minnwi mfɛ ni pa fùoŋ pugu pa ŋguoŋ ŋgwa ŋa pugu pɔ moŋ pa mɛmmɛ nthɨŋkwo nɛ, nnɛ ŋa minthɛ pia chhɔ chɔmbhi ghɨghrɨ pugu pa juju, ŋa a fāʼo pɔ́gɔ Minnwi ndɔ nchɨɨ moŋ ŋguoŋ puoŋ shɛndaoŋ nɛ.

2 Timoti 2:15

Kāa ni ŋguoŋ ghrɨ́ yɔ ghao nɔ thi nu shhɨ Minnwi nɔ ŋgaŋ fàʼa ŋa ju Minnwi piŋ nɛ, mbɔ ŋgaŋ fàʼa ŋa a lɔ njiʼi mfāʼo nɔ lrī nu thɔ, ŋa a tɛrɛ chrà nnu shini shishiʼi.

2 Timoti 4:18

Taathɔ shi mfuʼu a moŋ ŋguoŋ ghaghaʼa pɨphɨ ŋa pi thɔ nɔ vəɨ nɛ, nii ni mmu ki kàʼa lɔ ŋkēe a moŋ Shaʼafuoŋ yi Po. Ndighaʼo pɔ ghɔ ŋguoŋ ndɨɨ ghao. A yie.

Jɛiŋ 1:12

Mbɔrɔ yi ŋoŋ yɛ ŋa a kɨna ntithi a tɨnɨ moŋ mōoŋ nu nɛ, nthɛ ŋa a shi ŋga nthi a tɨnɨ ti mōoŋ nu ghɔ tɔgɔ, a fāʼo ŋgáʼo chɔmbhi, ŋa Minnwi kāʼa ni ŋgwa pɛ ŋa pugu khwā vi nɛ.

1 Pita 2:12

Mbha nnu pəɨ shɨna pa ŋgwa pɛ ŋa pugu lɔ njiʼi mbiŋ Minnwi nɛ pɔ yi chɨɨchɨɨ, nnɛ ŋa ndɨɨ ŋa pugu chrā nthɛ vəɨ nɔ ghaŋ phɨ nɛ, pugu nthɛ pugu yəɨ mbha nnu shiʼi pəɨ ŋgaʼo Minnwi llɛ́ ŋa a lɛ nthɔ nɛ.