2 Jouŋ 1:6 - Ŋwaʼaŋlɨ Kɨǹ a Fhi

⁶ A yei mbɔ khwǎ, ŋa p̂ia chhɔ ŋkwaŋ haʼaŋ kɨ̀na yi chhu nɛ. Yei kɨ̀na yi, wuʼɔ nɔ haʼaŋ pəɨ ni njaʼo moŋ njɛ̄ yi nɛ, ŋa p̂əɨ chhɔ moŋ khwǎ.

2 Jouŋ 1:6 ပူးပေါင်းရင်းမြစ်များ

Jouŋ 14:15

“P̈əɨ ŋkhwā a, kaŋ pəɨ shi nūʼɔŋ pa kɨ̀na paŋ.

Jouŋ 14:21

Ŋoŋ yɛ ŋa a piŋ pa kɨ̀na paŋ ndɔ nūʼɔŋ nɛ, a ju mbɔ ŋoŋ ŋa a khwā a nɛ. Ndɔ ti ju ŋa a khwā a nɛ, Tǎa a shi ŋkhwā vi ŋkaa yu, mummu khwā vi nōoŋ noŋ a ghɔ.”

Jouŋ 14:23

Jishɔ khwɛ̄ ghɔ ŋa, “S̈hesheŋoŋ ŋkhwā a, kaŋ a shi njaʼo nchò a, Tǎa a khwā vi, pigi thɔ njəɨ vi, nchhɔ pigi pugu.

Jouŋ 15:10

P̈əɨ nūʼɔŋ pa kɨ̀na paŋ, kaŋ pəɨ shi ŋkɨna moŋ khwǎ a, wuʼɔ nɔ haʼaŋ mummu nūʼɔŋ kɨ̀na Tǎa a nnɛ ŋkɨna moŋ khwǎ yi nɛ.

Jouŋ 15:14

Pəɨ pa taannu paŋ, nɔ haʼaŋ p̈əɨ nūʼɔŋ kɨ̀na a.

1 Jouŋ 2:24

Ni gɔ̀, a pie ŋa yaoŋ ŋa ɔ ni njaʼo nɔ njɛ̄ yi nɛ kɨna njùʼɔ ghɔ. Yaoŋ ŋa ɔ ni njaʼo llɔ nɔ njɛ̄ yi nɛ ŋ̈kɨna njùʼɔ ghɔ, kaŋ gɔgɔ shi ŋkɨna mbɨŋ Muuŋ pugu Tǎa.

1 Jouŋ 2:5

ndɔ ŋgwa pɛ ŋa pugu ghà nūʼɔŋ chrà yi nɛ, ŋgwa pɛ ŋa khwǎ yɛ ŋa pugu fāʼo mbɨŋ Minnwi nɛ ya mbɔ yi kaʼokaʼo. A ŋkwaŋ haʼaŋ minthɛ pia ji ŋa pia pa Minnwi taʼa yi nɛ.

1 Jouŋ 2:7

Ŋkiɛŋ lǐŋ paŋ, ǹdɔ njiʼi nthɔ nāʼaŋ pi kɨ̀na fhi ni pəɨ, a pɔ pi yi ndunu ŋa pəɨ ni ŋkwo fāʼo nɔ njɛ̄ yi nɛ. Ndunu kɨ̀na ghɔ yɛ ŋa pəɨ ni ŋkwo yaʼo nɛ.

1 Jouŋ 5:15

Ŋa p̈ia nji ŋa a ghà njaʼo via moŋ ŋguoŋ nnu ŋa pia pie vi nɔ nɛ, pia pɨnɨ nji ŋa a shi mfɛ yaoŋ ŋa pia pie nu nɛ.

1 Jouŋ 5:3

Nthɛ ŋa a yei mbɔ khwǎ Minnwi: ŋa pia nūʼɔŋ pa kɨ̀na pi. Ndɔ pa kɨ̀na pi pighɔ lɔ njiʼi mbɔ pi lrì.

2 Jouŋ 1:5

Ndwɛ ǹchhɔ mbie ghɔ, ma ŋkiɛŋ miŋgwɛ vei, a lɔ njiʼi mbɔ pi ŋa ǹchhɔ nāʼaŋ pi kɨ̀na fhi mfɛ nu ni pəɨ, a wuʼɔ yɛ ŋa pia ni mfāʼo llɔ nɔ njɛ̄ yi nɛ, ŋa p̂ia khwā noŋ pia.