2 Jouŋ 1:5 - Ŋwaʼaŋlɨ Kɨǹ a Fhi

⁵ Ndwɛ ǹchhɔ mbie ghɔ, ma ŋkiɛŋ miŋgwɛ vei, a lɔ njiʼi mbɔ pi ŋa ǹchhɔ nāʼaŋ pi kɨ̀na fhi mfɛ nu ni pəɨ, a wuʼɔ yɛ ŋa pia ni mfāʼo llɔ nɔ njɛ̄ yi nɛ, ŋa p̂ia khwā noŋ pia.

2 Jouŋ 1:5 ပူးပေါင်းရင်းမြစ်များ

Jouŋ 15:12

Yei kɨ̀na a, ŋa pəɨ ŋkhwā noŋ pəɨ nɔ haʼaŋ ŋkhwā vəɨ nɛ.

Jouŋ 15:17

M̀fɛ kɨ̀na pei ni pəɨ, nnɛ ŋa pəɨ khwā noŋ pəɨ.

Galashia 5:22

Ndɔ ntíɛŋ Jijwɛ pɔ pi khwǎ, pwanjuʼɔ, ghɨghrɨ, wɛ̄iŋ njùʼɔ, pwapuŋ, mbha nnu shiʼi, taʼanjuʼɔ,

Ɛfɛshɔ 5:2

P̂əɨ chhɔ moŋ khwǎ wuʼɔ nɔ haʼaŋ Krishto ni ŋkhwā vəɨ ŋkaa yu ti mfɛ chɔmbhi yi nthɛ vəɨ nɔ yaoŋ fɛ pugu pa yaoŋ fɛʼiŋgiɛŋ ni Minnwi haʼaŋ luŋ yi fɨgəɨ nɛ.

1 Teshalonika 4:9

Nɔ chrā nu nɔ nnu khwā noŋ ghɛ̀rɛ lɔ nuʼuŋ mbɔ ŋa shesheŋoŋ nāʼaŋ mfɛ ni pəɨ, nthɛ ŋa Minnwi nduthɔ yi yɛʼi vəɨ ŋa pəɨ khwā noŋ.

Hibru 13:1

P̂əɨ ghə̄ɨ shhɨ nchhɔ ŋkhwā noŋ pəɨ nɔ pa ghaŋ piŋ.

1 Pita 4:8

Ŋkiɛŋ mmɛ nnu ŋa a nchaa ŋguoŋ yi nɛ pɔ ŋa p̂əɨ khwā noŋ pəɨ ni taʼanjuʼɔ, nthɛ ŋa khwǎ ghà ŋkuru ntou phɨ.

2 Pita 1:7

ŋkuoŋ pɔgɔ Minnwi pīgi khwǎ moŋ piŋ, ŋkuoŋ khwǎ moŋ nda piŋ pīgi khwǎ ŋguoŋ ŋgwa.

1 Jouŋ 3:11

Yei ŋkɨ̀nɨ ŋa pəɨ kwo yaʼo llɔ moŋ njɛ̄ yi nɛ, ŋa p̂ia khwā noŋ pia.

1 Jouŋ 3:23

Kɨ̀na yi pɔ ŋa pia fāʼo piŋ mbɨŋ Muuŋ vi, mbɔ Jishɔ Krishto, ndɔ ŋkhwā noŋ pia wuʼɔ nɔ haʼaŋ a fɛ gɨ́ ni p̂ia ŋa pia khwā nɛ.

1 Jouŋ 4:20

S̈hesheŋoŋ nchhu ŋa, “Ŋ̀khwā Minnwi,” ndɔ mbɨ̄na ndǐŋ vi, kaŋ a ndɛʼiŋgiɛŋ, nthɛ ŋa ŋoŋ ŋa a lɔ njiʼi ŋkhwā ndǐŋ vi, mbɔ ŋoŋmishua ŋa yəɨ nu nɛ, nthɛ paʼa a lɔ ŋkhwā Minnwi ŋa lɔ njiʼi njəɨ nɛ.

2 Jouŋ 1:1

Ŋwaʼaŋlɨ yei llɔ pi mbhɔ mu, Jouŋ, mbɔ nthishɨ moŋ chɔshi, ŋgə̄ɨ nu mbhɔ miŋgwɛ yei ŋa pi chuʼɔ vi nɛ, pugu pa puoŋ pi ŋa ŋ̀khwā moŋ nnu shini, ndɔ ki lɔ ŋguʼɔ mbɔ pi mmu təʼɨ a. Ŋguoŋ ŋgwa ŋa pugu ji nnu shini nɛ khwā vəɨ ŋkaa pugu,