1 Timoti 3:1 - Ŋwaʼaŋlɨ Kɨǹ a Fhi

¹ Chrà yei ŋa pi ghà nchhu nɛ nnu shini ŋa: S̈hesheŋoŋ ŋkhwā nɔ pɔ nu nthishɨ nɔ ŋgaŋ chhu chrà Minnwi, kaŋ a khwā ŋkiɛŋ fàʼa.

1 Timoti 3:1 ပူးပေါင်းရင်းမြစ်များ

Luka 15:10

Nɛnnɛ, Jishɔ lūgwi ŋa, “Wuʼɔ nɛnnɛ, ǹchhu nu vɛ ŋa, pwatua shi mbɔ shɨna pa ghaŋ ntaoŋ Minnwi nthɛ taʼa ŋgaŋ phɨ ŋa a pāʼa ŋkǔnu yi ni phɨ nɛ.”

Fàʼa 1:20

Pita chhu ŋa, “Nthɛ ŋa pi nāʼaŋ moŋ Ŋwaʼaŋlɨ Ŋkhǐ ŋa, ‘Nda yi kuʼɔ fùŋ. Kiʼi ŋoŋ ma ndaʼa fɔ.’ Pi pɨnɨ nāʼaŋ ŋa, ‘Ŋoŋ nduoŋ lɔ̄gɔ lɨʼɨ yi.’

Fàʼa 20:28

“Nɛnnɛ, p̂əɨ lɨna ni noŋ pəɨ ndɔ mbɨnɨ ndɨna ni pa ŋgwa Minnwi ŋa Jijwɛ Minnwi nūʼɔŋ vəɨ ŋa pəɨ tigi ligi yəɨ mbɨŋ pugu nɛ, nɔ lɨna nu ni chɔshi Minnwi ŋa a yuoŋ ni chhǐ Muuŋ vi nɛ.

Roma 11:13

Ndwɛ ǹchrā pi ni pəɨ ŋa pəɨ pa ŋgwa taoŋ nduoŋ nɛ. Nɔ haʼaŋ Minnwi chuʼɔ a nɔ ŋgaŋ ntaoŋ Jishɔ ni pa ŋgwa taoŋ nduoŋ nɛ, ŋ̀gaʼo fàʼa a ghɔ,

Ɛfɛshɔ 4:12

nɔ pīri nu ŋgwa Minnwi pi taoŋtaoŋ nɔ fāʼa nu fàʼa ju Krishto, nnɛ nɔ kugwi nu noŋ yi a kuʼɔ,

Filipai 1:1

Ŋwaʼaŋlɨ yei llɔ mbhɔ mu Pɔɔ pigi Timoti, mbɔ puoŋ fàʼa Krishto Jishɔ. Ǹāʼaŋ mfɛ pi ni pa ŋgwa Minnwi pi taoŋtaoŋ moŋ Krishto Jishɔ laʼataoŋ Filipai pugu pa thishɨ moŋ chɔshi pugu pa ŋgwa ŋa pugu ghà ŋgɛ̄rɛ fàʼa moŋ chɔshi nɛ.

1 Teshalonika 5:14

Pigi māʼaŋ ghrɨ́ yəɨ, ma pa lǐŋ paŋ, ŋa p̂əɨ shūu tə́nə ghaŋ chhɔ ghaa, māʼaŋ ghrɨ́ ŋgwa pɛ ŋa pugu pa mbɔgɔ gu nɛ, ndɔ ŋgɛ̄rɛ ŋgwa pɛ ŋa pugu lɔ njiʼi ntɨnɨ nɛ, mfāʼo wɛ̄iŋ njùʼɔ ni pugu ghao.

1 Timoti 1:15

Chrà yei ŋkiɛŋ nnu shini ŋa minthɛ ŋoŋ yɨʼə noŋ yi ŋkuoŋ ghɔ ndɔ mbiŋ ŋguoŋ yi ghao, ŋa Krishto Jishɔ ni nthɔ ŋkuoŋ mbhi hɛiŋ nɔ kwe nu pa ghaŋ chwīe phɨ, mi ni mbɔ nchɔchhɔ vugu.

1 Timoti 4:9

Nnu yei nnu ŋa pinthɛ ŋoŋ yɨʼə noŋ yi ŋkuoŋ ghɔ, mbɔ nnu ŋa a pie ŋa pi piŋ ghao.

2 Timoti 2:11

Chrà yei chrà ŋa minthɛ ɔ yɨʼə noŋ yɔ ŋkuoŋ ghɔ, P̈ia ŋkwo ŋkhu pia pa Krishto kaʼa, pia pɨnɨ mfāʼo chɔmbhi pia pugu.

Taitu 1:7

Nthɛ ŋa ŋgaŋ lɨna nu ni nnu Minnwi fāʼo nɔ pɔ nu ŋoŋ ki ntəɨ. A lɔ mfāʼo nɔ pɔ nu ŋgaŋ nōoŋ noŋ ki njiʼɛ mbɨgɨ túa, ki lɔ mbɔ mbaa làʼo, ki ŋgaŋ kɨkrɨ, ki mbɔ ŋgaŋ njùʼɔ mbɨŋ.

Taitu 3:8

Chrà yei chrà ŋa minthɛ ŋoŋ yɨʼə noŋ yi ŋkuoŋ ghɔ. Ǹtāʼa nu ŋa ɔ wuʼɔ nthi pi ŋkuoŋ nnu pei, nnɛ ŋa ŋgwa pɛ ŋa pugu ni ŋkwo piŋ Minnwi nɛ shi ndɨna nɔ fɛ nu noŋ yugu ni fāʼa nu fàʼa shiʼi. Nnu pei ya mbwa ndɔ mfāʼo shéi ni ŋgwa.

Hibru 12:15

P̂əɨ lɨna nɔ yəɨ nu ŋa shesheŋoŋ lɔ nshūu mbɨnɨ njiŋ ntaoŋ moŋ pwapuŋ Minnwi. P̂əɨ lɨna nɔ yəɨ nu ŋa kiʼi shesheŋoŋ pɔ nɔ ŋǐeŋ thɨ lwillwi ŋa a ghà ŋkuʼɔ nthɔ ni ghaghaʼa ntou ŋgwa kie ŋkuoŋ ghɔ mfuo noŋ yugu nɛ.

1 Pita 2:25

Pəɨ ni nchhɔ fāaŋ ndaoŋ nɔ pa minjɨɨ, ndɔ ŋkwo pɨ̄nɨ ndwɛ njəɨ ŋkɛ̄ʼi vəɨ, mbɔ ŋgaŋ lɨna ni nchə̌ɨ yəɨ.

1 Pita 4:15

Ndɔ kiʼi shesheŋoŋ vəɨ yəɨ ŋgəʼɨ nthɛ pi ŋa a njwi ŋoŋ, ki ŋgɨna, ki ŋgūo nnu mbɨmbhɨ, ki chəɨŋkichini.

1 Pita 5:2

ŋa p̂əɨ kɛ̄ʼi minjɨɨ Minnwi shɨna pəɨ, ndɨna ni pugu ki lɔ nthɛ pi ŋa pi yīʼi vəɨ yīʼi, ndɔ a pɔ pi moŋ khwā njùʼɔ yəɨ ŋkwaŋ nɔ haʼaŋ Minnwi tāʼa nu ŋa pəɨ chwīe nɛ, ki lɔ mbɔ nthɛ pi njùʼɔ mbɨŋ, mbɔ nthɛ pi khwā njùʼɔ nɔ fàʼa.