1 Timoti 1:20 - Ŋwaʼaŋlɨ Kɨǹ a Fhi

²⁰ Moŋ shɨna ŋgwa pei, pia fāʼo Haimenu pugu Alɛshanda ŋa ŋ̀kwo chaʼa vugu mfɛ ni Shata, nnɛ ŋa pugu yɛʼi ŋkwaŋ haʼaŋ a nthɛ pugu mieŋ wɛʼi nu ligi Minnwi fɔ nɛ.

1 Timoti 1:20 ပူးပေါင်းရင်းမြစ်များ

Matio 18:17

Ndɔ ti ä ndāa ki lɔ njaʼo vugu, ɔ shwei chɔshi nɔ ghɔ. Ti ä mieŋ ki yaʼo njiʼi nthɛ pi mbhɔ chɔshi, pəɨ tuo vi nɔ haʼaŋ pi ghà ntuo ŋoŋ ŋa a lɔ mbiŋ Minnwi nɛ pugu pa ŋgwɛ̄iŋ taashi.

Fàʼa 13:45

Pa ŋgwa Juu ni ŋga njəɨ yú ŋgwa pighɔ, ndɨnaoŋ ni kighɨʼə, ndāa nnu ŋa Pɔɔ ni nchhu nu nɛ ndɔ ŋgwɛʼi vi.

Fàʼa 19:33

Pichəɨ pa ŋgwa moŋ Kɨrɨ ghɔ fɛ ntɨgɨ ni Alɛshanda, ŋa pa Juu ni ntuʼɔ pi ju ntigi shhɨ, nnɛ, Alɛshanda nōoŋ ni mbhɔ yi ŋa ŋgwa lɛrɛ laŋ, ŋkaa nɔ fɨ̄ʼɨ nu mooŋ nnu pighɔ.

1 Koriŋ 11:32

Ndɔ ndɨɨ ŋa Taathɔ shaʼa via nɛ, a yuʼu via yuʼu nnɛ ŋa kiʼi pia ma mbɔ pa ŋgushaʼa pia pa ŋkuoŋ mbhi kaʼa.

2 Koriŋ 10:6

Ndɨɨ ŋa pəɨ yaʼo nchò ti ŋgə̄ɨ mīʼɛŋ nɛ, pigi fɛ njɔ́ ni shesheŋoŋ ŋa a lɔ njiʼi nthɔ njaʼo nchò nɛ.

2 Koriŋ 13:10

Nthɛ yie ghɔ, ǹaʼaŋ nnu pei mfɛ ni pəɨ ndɨɨ ŋa pia lɔ njiʼi mbɔ kaʼa nɛ, nnɛ ŋa ndɨɨ ŋa ǹthɔ nɛ, m̀baʼa nuʼuŋ nōoŋ nnu ghrɨ́ ŋa Taathɔ fɛ vəɨ nɛ mbɨŋ pəɨ ni njɨ, mbɔ ghrɨ́ ŋa a fɛ vəɨ ŋa ŋ̀kugwi vəɨ nɔ ghɔ ki lɔ nshāaŋ vəɨ shāaŋ nɔ ghɔ nɛ.

2 Teshalonika 3:15

Ndɔ kiʼi pəɨ lɔ̄gɔ vi pi nɔ mbɨ̌na vəɨ, pəɨ shūu tə́nə yi nɔ ndǐŋ vəɨ.

1 Timoti 5:15

Nthɛ ŋa pichəɨ kwo kara nthɔ njōu njiŋ Shata.

2 Timoti 2:14

Kwiŋ vugu ni pa nnu pei, ndɔ mfɛ gɨ́ yei ni pugu ki lɔ ntɔnɔ shhɨ Minnwi, ŋa kiʼi pugu fɛ̄ʼi fɛ̀ʼi nthɛ pa chrà ŋa a lɔ mfāʼo ghɛ̀rɛ ndɔ ŋka pɨrɨ ŋgwa pɛ ŋa pugu yaʼo nɛ pɨrɨ.

2 Timoti 2:17

Chrà ŋkwaŋ ŋgwa pei ghà ŋguʼɔ ŋgɨʼəghɨʼə ŋgə̄ɨ nu nɔ fɨ́ ki tɨnɨ. Paa ŋgwa ŋa pugu yɛʼi ŋkwaŋ nnu pei nɛ Haimenu pugu Filetu,

2 Timoti 3:2

Nthɛ ŋa ŋgwamishua shi ŋkhwā pi noŋ pugu mbɔ pi pa ghaŋ khwā mbɨŋ, nōoŋ noŋ, ŋkwēi njùʼɔ, ŋgwɛʼi ŋgwa, nchɨ̄ʼə nchò pa tǎa pugu, pugu pa mǔuŋ pugu, paʼa ndɔ nji shiʼi, ki lɔ mfāʼo pɔgɔ Minnwi,

Hibru 12:5

ki pəɨ līʼɛ māʼaŋ njùʼɔ yɛ ŋa a chrā ni pəɨ nɔ pa puoŋ pi nɛ. “Muuŋ a, kiʼi ndɔ̄gɔ pi ni thɔ mbhɔ ndɨɨ ŋa taathɔ yuʼu ghɔ nɛ, ki mfāʼo lɨʼənoŋ ndɨɨ ŋa a fɛ̄ʼi ghɔ nɛ.

Nnu Nōoŋ 13:1

Ǹjəɨ yichəɨ minyieŋ a taoŋ nu moŋ ŋkhǐ ni wuŋ ndua pugu pa khwachəɨ thɔ ni wuŋ ŋkie ŋkuoŋ pa ndua pi, ni pa ligi nchɨʼəshə ŋkuoŋ pa thɔ pi.

Nnu Nōoŋ 3:19

Ŋgwa pɛ ŋa ŋ̀khwā vugu nɛ, ŋ̀ga mfɛ̄ʼi vugu mbɨnɨ njuʼu vugu, nnɛ, pəɨ fāʼo ntou niʼiŋ njùʼɔ, mbāʼa ŋkǔnu yəɨ ni phɨ.