1 Pita 4:6 - Ŋwaʼaŋlɨ Kɨǹ a Fhi

⁶ Nthɛ yei nnu, pi chīi ŋkɨ̀nɨ pwa pishaʼakhɔ njiʼi nthɛ ni ŋgwa pɛ ŋa pugu khu nɛ, ŋa njiʼi nthɛ nɔ haʼaŋ pi shaʼa vugu moŋ frɛinoŋ nɔ haʼaŋ pi ghà nshaʼa ŋgwamishua nɛ, minthɛ pugu fāʼo chɔmbhi moŋ jijwɛ ŋkwaŋ haʼaŋ Minnwi ghà nchhɔ nɛ.

1 Pita 4:6 ပူးပေါင်းရင်းမြစ်များ

Matio 24:9

“Nnɛ pi shi nchaʼa vəɨ mfɛ ŋa pi fɛ ŋgəʼɨ ni pəɨ ndɔ njwi vəɨ. Ŋguoŋ pa laʼataoŋ shi mbɨ̄na vəɨ nthɛ a.

Roma 8:2

Nthɛ ŋa moŋ pɔ nu taʼa yi pəɨ pa Krishto Jishɔ, gɨ́ Jijwɛ chɔmbhi kwo fuʼu ghɔ, ɔ lūgu mbhɔ gɨ́ phɨ pugu gu.

Galashia 2:19

Nthɛ ŋa mi ni fǔoŋ nchhɔ chɔmbhi, mbaʼo pi nɔ nūʼɔŋ nu gɨ́ ndūgu, ndɔ mi ni ŋga ndūgu mbhɔ gɨ́, mfāʼo ghrɨ́ nɔ chhɔ nu chɔmbhi mbhɔ Minnwi.

Galashia 5:25

Ŋa pia fāʼo chɔmbhi pi llɔ mbhɔ Jijwɛ nɛ, pia wuʼɔ nchhɔ chɔmbhi yia pi nɔ haʼaŋ Jijwɛ chhu nɛ.

1 Pita 1:12

Minnwi ni nōoŋ ni pugu ŋa pugu lɔ njiʼi mfāʼa nu nthɛ pi noŋ yugu, pugu fāʼa nthɛ pi pəɨ, nɔ haʼaŋ pi kwo chīi ndwɛ ni pəɨ ntɔgɔ pi mbhɔ ŋgwa pɛ ŋa pugu ni nchīi ŋkɨ̀nɨ pwa pishaʼakhɔ ni pəɨ ntɔgɔ pi mbhɔ Jijwɛ Minnwi ŋa pi taoŋ llɔ po. Pa nnu pei ni mbɔ pa nnu ŋa njiʼi nthɛ pi ghaŋ ntaoŋ Minnwi shigi nɔ pɛʼi nu.

1 Pita 3:18

Nthɛ ŋa Krishto ni njəɨ ŋgəʼɨ ŋkaa yu taʼa ŋgɛ́ nthɛ phɨ, mbɔ ŋoŋ ndɨndɨ nɔ ligi ŋgwa pɨphɨ, nnɛ nɔ thɔ nu ni pia njəɨ Minnwi nɔ ghɔ. Pi ni njwi vi moŋ frɛinoŋ, ndɔ pi chwīe a pɔ yi maoŋ moŋ Jijwɛ Minnwi.

1 Pita 3:19

Moŋ Jijwɛ ghɔ, a ni ŋgə̄ɨ nchīi chrà ni pa jijwɛ ŋa pugu pɔ moŋ chə́ɨŋ nɛ,

Nnu Nōoŋ 14:18

Yichəɨ taʼa ŋgaŋ ntaoŋ Minnwi taoŋ lɨʼɨ fɛʼiŋgiɛŋ, mbɔ yɛ ŋgaŋ ntaoŋ ŋa a ni mfāʼo ghrɨ́ móŋoŋ nɛ, mɛ̄iŋ yɛ ŋa a ni mfāʼo minwi chəchɨgəɨ ghɔ nɛ ni njɨ ŋa, “Lɔ̄gɔ minwi yɔ njaʼa ntíɛŋ thɨ grape moŋ faaŋ grape ŋkuoŋ shhɛ, nthɛ ŋa pa ntíɛŋ thɨ grape pi kwo tɨnɨ.”