1 Pita 2:6 - Ŋwaʼaŋlɨ Kɨǹ a Fhi

⁶ Nthɛ ŋa a pɔ moŋ Ŋwaʼaŋlɨ Minnwi ŋa, “Līi njəɨ, ǹūʼɔŋ ŋgùʼɔ chəɨ Shayaoŋ, mbɔ ŋgùʼɔ nchini nda ŋa nchuʼɔ nūʼɔŋ, mbɔ ŋgùʼɔ pwapwa. Shesheŋoŋ ŋa a piŋ vi nɛ mbaʼa a lɛ ma mfāʼo lrithɔ.”

1 Pita 2:6 ပူးပေါင်းရင်းမြစ်များ

Matio 12:18

“Līi njəɨ, muuŋ fàʼa a yei ŋa ǹchuʼɔ, mbɔ muuŋ yɛ ŋa ŋ̀khwā nɛ, m̀fāʼo pwanjuʼɔ mbɨŋ yu. Ǹshi nūʼɔŋ Jijwɛ a mbɨŋ yu, a shi nchīi ndɨndɨ ni ŋgwa pa taoŋ nduoŋ.

Maaku 12:10

Pəɨ lɔ naa mɛ̄iŋ lɨʼɨ Ŋwaʼaŋlɨ Minnwi yei ŋa a chhu ŋa, ‘Ŋgùʼɔ yɛ ŋa ghaŋ nūʼɔŋ nda ni ndāa ŋa a lɔ njiʼi mfāʼo ghɛ̀rɛ nɛ pɨnɨ nɛ ŋkara ju mbɔ ndugwi ŋguʼɔ shiʼi nchaa ŋguoŋ yi.

Luka 20:17

Jishɔ tigi ligi yi mbɨŋ pugu nchhu ŋa, “Ti njiŋ chrà Minnwi yei pɔ pi ŋa? ‘Ŋgùʼɔ yɛ ŋa ŋgaŋ nūʼɔŋ nda ni ndāa ŋa a lɔ mfāʼo ghɛ̀rɛ nɛ, pɨnɨ nɛ ŋkara ju mbɔ ndugwi ŋgùʼɔ shiʼi nchaa ŋguoŋ yi.’

Luka 23:35

Pa ŋgwa thi fɔ mbɛʼi nu, pa thishɨ māʼaŋ vi ni kwə̀ɨŋ ŋa, “A ni nthɔ ŋkwe ŋgwa, a kwe nɛ noŋ yi pia nɔ haʼaŋ a mbɔ Ju ŋa Minnwi Chuʼɔ Ntaoŋ nɔ Ŋkwe, llɔ mbhɔ Minnwi, yɛ ŋa Minnwi chuʼɔ vi nɛ.”

Jouŋ 7:38

Shesheŋoŋ ŋa a piŋ a nɛ, pa nɨnəɨ ŋkhǐ fɛ chɔmbhi shi ŋkhī ntaoŋ nu njùʼɔ yu, nɔ haʼaŋ Ŋwaʼaŋlɨ Minnwi chhu nɛ.”

Fàʼa 1:16

“Lǐŋ paŋ! A ni mbie ŋa nchò Ŋwaʼaŋlɨ Minnwi chəɨŋ ŋkwaŋ haʼaŋ Jijwɛ Minnwi ni ŋkāoŋ Devi a nāʼaŋ nthɛ Judashi ŋa a ni ŋgə̄ɨ nōoŋ Jishɔ ni ŋgwa pɛ ŋa pugu ni nthɔ nu ŋgwɛ̄iŋ vi nɛ.

Roma 10:11

Nthɛ ŋa Ŋwaʼaŋlɨ Minnwi chhu ŋa, “Ŋoŋ ŋa a piŋ vi nɛ, mbaʼa pi lɛ ma māʼaŋ lrithɔ thɔ yu.”

Ɛfɛshɔ 1:4

Wuʼɔ nɔ haʼaŋ a chuʼɔ via nthɛ Krishto ŋkaoŋ maa nchwīe mbhi nɛ, ŋa p̂ia pɔ yi taoŋtaoŋ ki lɔ mfāʼo ntəɨ shhɨ yu. Moŋ khwǎ,

Ɛfɛshɔ 2:20

Pi krao vəɨ ŋkuʼɔ nɔ ghɔ ŋkuoŋ kwonda ŋa a nūʼɔŋ ghaŋ ntaoŋ Jishɔ pugu pa njəɨlɨʼɨ Minnwi nɛ, Krishto Jishɔ nduthɔ yi pɔ ŋkiɛŋ muuŋ nchíʼa nchini nda ghɔ.

2 Timoti 3:16

Ŋguoŋ Ŋwaʼaŋlɨ Minnwi jwɛ Minnwi a taoŋ, ŋgɛ̄rɛ nɔ yɛʼi nu nnu shini, pɨ̄ga nu ntəɨ, yuʼu nu fàŋ, pīri nu ŋoŋ nɔ chhɔ nu chɔmbhi ndɨndɨ

1 Pita 2:4

Nɔ haʼaŋ pəɨ thɔ nu njəɨ vi nɔ ŋgùʼɔ ŋa a yi maoŋ, ŋgwamishua lāa, ndɔ ŋga mbɔ ligi Minnwi nɛ, mbɔ pi ŋgùʼɔ ŋa pi chuʼɔ ndɔ mbɔ ŋkiɛŋ yi.

1 Pita 2:8

mbɨnɨ mbɔ, “Ŋgùʼɔ kɨʼɨŋgɨnɨ, mbɨnɨ mbɔ ŋgùʼɔ māʼaŋ ŋgwa shhɛ.” Pugu kɔ̄rɔ nthɛ ŋa pugu chɨ̄ʼə chrà Minnwi, nɔ haʼaŋ pi ni nūʼɔŋ vugu ŋa pugu chwīe nɛ.

2 Pita 1:20

A pwa ŋa pəɨ fǔoŋ nji yei, ŋa ŋkɨ̀nɨ Minnwi ŋa pa Njəɨlɨʼɨ Minnwi nāʼaŋ moŋ Ŋwaʼaŋlɨ Minnwi nɛ lɔ mbie ŋa ŋoŋ tūgu pi ŋkwaŋ haʼaŋ a ywɛrɛ ji nɛ.

2 Pita 3:16

Yei ŋkwaŋ nɔ haʼaŋ a ghà nāʼaŋ ŋguoŋ pa ŋwaʼaŋlɨ pi ghao, ndɨɨ ŋa a chrā nu nthɛ nnu pei nɛ. Pichəɨ pa maoŋ pɔ moŋ ghɔ ŋa a ghaʼa nɔ ji nu ŋa pichəɨ pa ŋgwa ŋa pugu lɔ nji nnu, ndɔ ki lɔ nthi a tɨnɨ moŋ piŋ, kara nchhu nnu nduoŋ, wuʼɔ nɔ haʼaŋ pugu ghà nuʼuŋ nchwīe ni pichəɨ lɨʼɨ moŋ Ŋwaʼaŋlɨ Minnwi nɛ, nnɛ mbɨrɨ noŋ yugu.