1 Pita 1:19 - Ŋwaʼaŋlɨ Kɨǹ a Fhi

¹⁹ Pi ni njuoŋ vəɨ pi ni mbwa chhǐ Krishto, mbɔ chhǐ ŋa a pɔ nɔ yi muuŋ minjɨɨ ŋa a lɔ njiʼi mfāʼo ntəɨ ki kɔ̀rɔ nɛ.

1 Pita 1:19 ပူးပေါင်းရင်းမြစ်များ

Matio 20:28

Wuʼɔ nɔ haʼaŋ Muuŋ Ŋoŋmishua shini ndɔ nthɔ pi ŋa pi fāʼa mbhɔ yu, a ni nthɔ pi nɔ fāʼa nu ndɔ mfɛ chɔmbhi yi nɔ nchúoŋ yuoŋ thɔ ntou ŋgwa.”

Matio 26:28

Nthɛ ŋa làʼo yei chhǐ a ŋa a krao *kɨ̀na yɛ ŋa Minnwi wrā pugu pɔ ŋgwa pi nɛ, ŋa a ni ŋkwrī nthɛ ntou ŋgwa nɔ līʼɛ nu pa phɨ.

Jouŋ 1:29

Mbhi gha ndaŋ, Jouŋ yəɨ Jishɔ a thɔ nu yəɨ yu, a chhu ŋa, “Līi njəɨ! Muuŋ Minjɨɨ Minnwi ŋa a kwe phɨ ŋgwa ŋkuoŋ mbhi nɛ.

Jouŋ 1:36

mbɛʼi Jishɔ nɔ haʼaŋ a ni ntɔgɔ nu nɛ nchhu ŋa, “Līi njəɨ, Muuŋ Minjɨɨ Minnwi!”

Fàʼa 20:28

“Nɛnnɛ, p̂əɨ lɨna ni noŋ pəɨ ndɔ mbɨnɨ ndɨna ni pa ŋgwa Minnwi ŋa Jijwɛ Minnwi nūʼɔŋ vəɨ ŋa pəɨ tigi ligi yəɨ mbɨŋ pugu nɛ, nɔ lɨna nu ni chɔshi Minnwi ŋa a yuoŋ ni chhǐ Muuŋ vi nɛ.

Roma 3:25

Minnwi fɛ Jishɔ pi nɔ yaoŋ fɛʼiŋgiɛŋ ŋa a fuʼu pɨgɨtua ju Minnwi nthɛ phɨ ntɔgɔ pi moŋ chhǐ yi. Minnwi līʼɛ phɨ ŋgwa ndɨɨ ŋa pugu fāʼo piŋ mbɨŋ Jishɔ Krishto nɛ. Minnwi ni nchwīe yei nɔ nōoŋ nu ŋa a ŋoŋ ndɨndɨ, nthɛ ŋa moŋ wɛ̄iŋ njùʼɔ ŋa a ni mfāʼo ni ghaŋ phɨ nɛ, a ni mieŋ ki lɔ mfɛ njɔ́ phɨ ŋa pi ni ŋkwo chwīe nɛ.

Ɛfɛshɔ 1:7

Ntɔgɔ pi ŋkuoŋ chhǐ Krishto, a yuoŋ via mfuʼu moŋ ghrɨ́ phɨ, nnɛ Minnwi līʼɛ phɨ yia pi wuʼɔ nɔ fɨʼɨ pwapuŋ yi, yi yiɛŋyiɛŋ,

Koloshe 1:14

mbɔ Muuŋ vi yɛ ŋa pi tɔgɔ mbhɔ yu njuoŋ via mfuʼu, phɨ yia pɔ yi līʼɛ nɛ.

1 Pita 1:2

Minnwi Tǎa ni nji vəɨ, ndɔ nchuʼɔ vəɨ ŋa pəɨ pɔ yi taoŋtaoŋ ntɔgɔ pi ŋkuoŋ Jijwɛ yi, nnɛ nɔ yaʼo nu nchò Jishɔ Krishto ndɔ mbɨnɨ mbɔ yi shɨ̄gao ni chhǐ yi. Pwapuŋ pugu pa ghɨghrɨ pɔ yəɨ ti nja njiɛŋ.

1 Pita 3:18

Nthɛ ŋa Krishto ni njəɨ ŋgəʼɨ ŋkaa yu taʼa ŋgɛ́ nthɛ phɨ, mbɔ ŋoŋ ndɨndɨ nɔ ligi ŋgwa pɨphɨ, nnɛ nɔ thɔ nu ni pia njəɨ Minnwi nɔ ghɔ. Pi ni njwi vi moŋ frɛinoŋ, ndɔ pi chwīe a pɔ yi maoŋ moŋ Jijwɛ Minnwi.

1 Jouŋ 1:7

Ndɔ p̈ia nyīeŋ pi moŋ líʼɛ, nɔ haʼaŋ Minnwi nduthɔ yi pɔ moŋ líʼɛ nɛ, pia ni noŋ pia pɔ kaʼa, chhǐ Jishɔ Muuŋ vi shɨ̄gao ŋguoŋ phɨ yia ghao.

1 Jouŋ 2:2

A ju nduthɔ yi mbɔ yaoŋ fɛʼiŋgiɛŋ ŋa a fuʼu pɨgɨtua Minnwi nthɛ phɨ yia, ki lɔ ŋguʼɔ mbɔ pi yia təʼɨ via, ndɔ mbɨnɨ mbɔ yi ŋguoŋ mbhi ghao ŋkaa pugu.

Nnu Nōoŋ 1:5

pugu pa llɔ mbhɔ Jishɔ Krishto mbɔ miŋkwentie ŋa a ghà ŋguʼɔ mfɨ̄ʼɨ pi nɔ haʼaŋ a yəɨ nɛ, mbɔ fǔoŋ ŋoŋ nɔ kuʼɔ nu moŋ gu, mbɔ ŋgaŋ shaʼa ŋguoŋ pa fùoŋ ghao moŋ mbhi. Ni ju ŋa a khwā via, ŋkwe via llɔ moŋ pa phɨ pia ntɔgɔ pi moŋ chhǐ yi,

Nnu Nōoŋ 14:1

Nnɛ m̀bɛʼi, ŋga njəɨ nu nɛ, Muuŋ Minjɨɨ ghɔ thi ŋkuoŋ Mbra Shayaoŋ pugu pa taʼa ŋkɨɨ ŋkaŋ ni khwɛ wuŋ ŋkaŋ ni ŋkaŋ ŋgwa yi khwɛ ŋa pugu ni mfāʼo ligi yi pugu ligi Tǎa vi choyei pugu.

Nnu Nōoŋ 14:5

Pugu shini ndɔ naa ma ndɛʼi ŋgiɛŋ, nthɛ ŋa pugu lɔ njiʼi mfāʼo ntəɨ.

Nnu Nōoŋ 5:6

Ndɔ shɨna faaŋ ghɔ pugu pa khwɛ mimaoŋ maoŋ pighɔ, pugu pa thishɨ chɨɨchɨɨ pighɔ, mi ni njəɨ Muuŋ Minjɨɨ a tithi, nɔ haʼaŋ pi sho vi sho, ni khwachəɨ ndua pugu pa khwachəɨ ligi, mbɔ khwachəɨ Jijwɛ Minnwi ŋa pi taoŋ moŋ ŋguoŋ shhɛ ghao.

Nnu Nōoŋ 5:9

Pugu yrāo ŋkhǐ fhi, nchhu nu ŋa, “A kāʼo gɔ̀ nɔ lɔ̄gɔ nu ŋwaʼaŋlɨ ghɔ mbāʼa pa lěi ŋa pi lēi nɔ ghɔ nɛ. Nthɛ ŋa pi ni nsho ghɔ, ndɔ ntɔgɔ pi ŋkuoŋ chhǐ yɔ ɔ yuoŋ ŋgwa mfuʼu mfɛ ni Minnwi llɔ moŋ ŋguoŋ kɨrɨ ndaaŋoŋ pugu pa llɔ moŋ ŋguoŋ ŋkwaŋ chrà taoŋtaoŋ pugu pa kɨrɨ pa ŋgwa pugu pa laʼataoŋ.

Nnu Nōoŋ 7:14

Ǹchhu ghɔ ŋa, “Masha, ɔ ji.” A chhu vəɨ ŋa, “Yei pa ŋgwa pɛ ŋa pugu taoŋ moŋ mmɛ ŋgəʼɨ. Pugu shɨ̄gao mmɛ ndhwí fhu yugu nchwīe a fugu pi ni chhǐ Muuŋ Minjɨɨ.