1 Pita 1:13 - Ŋwaʼaŋlɨ Kɨǹ a Fhi

¹³ Nthɛ yie ghɔ, p̂əɨ pīri njùʼɔ yəɨ nɔ fàʼa, nchhɔ ni lɨna, nūʼɔŋ ŋguoŋ njùʼɔ yəɨ ŋkuoŋ pwapuŋ ŋa pi shi nōoŋ ni pəɨ ndɨɨ ŋa Jishɔ Krishto pɨnɨ nōoŋ noŋ yi nɛ.

1 Pita 1:13 ပူးပေါင်းရင်းမြစ်များ

Matio 20:4

a chhu ni pugu ŋa, ‘Pəɨ ŋkaa pəɨ ghə̄ɨ moŋ nyìeŋ a, sheshe yaoŋ ŋa a kāʼo nɛ ǹshi mbe vəɨ nɔ ghɔ.’

Luka 12:35

“Pəɨ pīri noŋ yəɨ ni sheshe nnu ŋa a shi nthɔ nɛ, ŋkrao ŋkandaŋ yəɨ a tɨnɨ, nchuʼu laŋ yəɨ a kɨɨ nu,

Luka 17:30

A ŋkwaŋ haʼaŋ a lɛ mbɔ llɛ́ yɛ ŋa Muuŋ Ŋoŋmishua shi mbɨnɨ nōoŋ noŋ yi nɛ.

Luka 17:8

Ŋga! A shi ŋka chhu ghɔ pi ŋa, ‘Nyiaŋ maoŋ jɨ vəɨ, mbīri noŋ yɔ, nthɔ mfɛ vəɨ ti ŋ̀ga njɨ ndɔ nnu, ɔ ghə̄ɨ kiʼɛ njɨ jɔ ndɔ nnu.’

Roma 13:13

A pie ŋa p̂ia chhɔ chɔmbhi yia moŋ shɛndaoŋ ŋa a kāʼo nɛ nɔ ŋgwa ŋa pugu chhɔ pi moŋ líʼɛ. Ki lɔ mbɔ pi moŋ pa jɨ ki tou pugu pa nnu nu mbaa, ki lɔ mbɔ pi moŋ kwo nu shúoŋ pugu pa mbha nnu tɔtrɔ, ki lɔ mbɔ pi moŋ fɛ̀ʼi pugu kighɨʼə.

Roma 8:19

Ŋguoŋ maoŋ pɛ ŋa Minnwi ni mbuoŋ nɛ thɔ njūa nu njwɛrɛ ndɨɨ ŋa Minnwi shi nōoŋ puoŋ yi nɛ.

1 Koriŋ 1:7

nnɛ ŋa kiʼi pəɨ pou sheshe fɛ́ moŋ Jijwɛ nɔ haʼaŋ pəɨ thɔ njwɛrɛ nu ŋa pi nōoŋ Taathɔ via mbɔ Jishɔ Krishto nɛ.

1 Koriŋ 13:13

Trɛi nnu pei shi ma ŋkɨna: piŋ, kwàʼa ni khwǎ, ndɔ yɛ ŋa a chaa ŋguoŋ yi ghao nɛ khwǎ.

Ɛfɛshɔ 6:14

Nthɛ yie ghɔ kiʼɛ, p̂əɨ pīri noŋ yəɨ ntithi a tɨnɨ, ŋkrao ntuʼu yəɨ ni ŋkandaŋ nnu shini, chɔmbhi ndɨndɨ pɔ tɨ́nɨ kɨʼɨ njùʼɔ yəɨ,

Koloshe 3:4

Ndɨɨ ŋa Krishto, ŋa a ya chɔmbhi yəɨ, shi nōoŋ noŋ yi nɛ, kaŋ pəɨ ŋkaa pəɨ shi nōoŋ noŋ yəɨ moŋ ndighaʼo pəɨ pugu.

2 Teshalonika 1:7

A shi mfɛ fɛrɛnoŋ ni pəɨ ŋa pi thɔ mfɛ ŋgəʼɨ ni pəɨ nɛ, mbɨnɨ mfɛ ni pigi ŋkaa pigi, ndɨɨ ŋa pi nōoŋ Jishɔ Taathɔ llɔ po pugu pa tɨtɨnɨ ghaŋ ntaoŋ pi nɛ.

2 Timoti 4:5

Ndɔ ni gɔ̀, wɛ̄iŋ noŋ yɔ nɔ ŋguoŋ ndɨɨ ghao, ntīi shii moŋ yəɨ ŋgəʼɨ, mfāʼa fàʼa ŋgaŋ chīi chrà Minnwi, nchwīe ŋguoŋ fàʼa yɔ ghao nɔ ŋgaŋ fàʼa Minnwi.

2 Timoti 4:8

Jɛ̄ ndwɛ ŋgə̄ɨ nu shhɨ, pi kwo nūʼɔŋ ŋgáʼo chɔmbhi ndɨndɨ vəɨ, ŋa Taathɔ, mbɔ ŋoŋ ŋa a ghà nshaʼa ni ndɨndɨ nɛ, shi mfɛ vəɨ llɛ́ ghɔ, ndɔ ki lɔ ŋguʼɔ mbɔ pi vəɨ təʼɨ a, mbɨnɨ mbɔ ni ŋguoŋ ŋgwa pɛ ŋa pugu khwā thɔ nu mi nɛ.

Hibru 10:35

Nthɛ yie ghɔ, kiʼi pəɨ mīʼaŋ tɨnɨnjuʼɔ yəɨ, nthɛ ŋa a shi nthɔ ni mmɛ kɨ̀nɛiŋ.

Hibru 3:6

Ndɔ Krishto fāʼo niʼiŋ njùʼɔ moŋ mbaanda Minnwi pi nɔ Muuŋ. Ndɔ pia pɔ pi mbaanda yi nɔ haʼaŋ pia nthi ŋkuoŋ tɨnɨnjuʼɔ yia pugu pa khwā njùʼɔ yia moŋ kwàʼa ŋa pia fāʼo nɛ.

Hibru 6:19

Pia fāʼo kwàʼa yei nɔ yaoŋ ŋa a tuo chɔmbhi yia, mbɔ kwàʼa ŋa mbaʼa yaoŋ kāoŋ ndɔ ti ŋoŋ nthɛ a yɨʼə noŋ yi ŋkuoŋ ghɔ, ŋa a nii moŋ lɨʼɨ taoŋtaoŋ njiŋ ndhwí kɨʼɨ lɨʼɨ Nda Minnwi,

Hibru 9:28

wuʼɔ nɛnnɛ, pi fɛ Krishto taʼa ŋgɛ́ nɔ yaoŋ fɛʼiŋgiɛŋ nɔ kwe nu phɨ ntou ŋgwa, a shi mbɨnɨ nōoŋ noŋ yi mbra ŋgɛ́ ki lɔ nuʼuŋ nthɛ pi shɨ̄gao nu phɨ, ndɔ nthɛ pi kwe nu ŋgwa pɛ ŋa pugu chhɔ njwɛrɛ vi ŋkiɛŋ yie nɛ.

1 Pita 1:10

A ni mbɔ nthɛ pi lūgu nu yei ŋa pa njəɨlɨʼɨ Minnwi ni ntaʼa, ndɔ mbie pɔpɔrɔ njəɨ, nchrā nthɛ fɛ́ yei ŋa Minnwi shi mfɛ ni pəɨ nɛ.

1 Pita 3:15

Ndɔ p̂əɨ ghaʼo Krishto nɔ Taathɔ moŋ njùʼɔ pəɨ, mbīri noŋ yəɨ ŋguoŋ ndɨɨ nɔ fɛ nu khwɛ̀ ni shesheŋoŋ ŋa a pie vəɨ ni nnu nthɛ kwàʼa ŋa pəɨ fāʼo mbɨŋ pəɨ nɛ,

1 Pita 4:7

Ndɨɨ ŋa ŋguoŋ pa yaoŋ ghao shi ndugwi nɛ kwo para, nthɛ yie ghɔ, p̂əɨ fāʼo wɛ̄iŋ noŋ, nchhɔ ni lɨna məɨ nnɛ ŋa minthɛ pəɨ luoŋ Minnwi.

1 Pita 5:12

Shaila, ndǐŋ via, ŋa minthɛ ŋoŋ yɨʼə noŋ yi mbiŋ yu nɔ haʼaŋ njəɨ nɛ, ghɛ̄rɛ a nɔ nāʼaŋ nu muuŋ kuo ŋwaʼaŋlɨ yei. Ǹthɔ māʼaŋ ghrɨ́ yəɨ ndɔ nchhu nu ni pəɨ ŋa yei pwapuŋ Minnwi shishini. Pəɨ thi moŋ ghɔ a tɨnɨ.

1 Pita 5:8

P̂əɨ chhɔ ni lɨna məɨ, nchhɔ njra nu. Mbɨ̌na vəɨ, mbɔ devɨ, nyīeŋ nu nɔ paʼo ŋa a wara nu, nthɔ ntāʼa ŋoŋ nshāa vi.

1 Jouŋ 3:3

Shesheŋoŋ ŋa a chhɔ mfāʼo yei kwàʼa mbɨŋ yu nɛ chwīe noŋ yi mbɔ yi taoŋtaoŋ, wuʼɔ nɔ haʼaŋ ju nduthɔ yi, yi taoŋtaoŋ nɛ.