1 Koriŋ 5:10 - Ŋwaʼaŋlɨ Kɨǹ a Fhi

¹⁰ Ǹshini ndɔ njiʼi nthɔ nchhu pi ghaŋ ki piŋ Minnwi ŋa pugu pa ghaŋ kwo shúoŋ nɛ, ki pa ghaŋ lúa pugu pa ghaŋ nchìgi, ki pa ghaŋ ghaʼo pa nnwi. Nthɛ ŋa ŋ̀kaŋ nchhu pi nɛnnɛ, a nōoŋ ŋa p̂əɨ taoŋ taoŋ ki lɔ nuʼuŋ mbiʼi ŋkuoŋ mbhi.

1 Koriŋ 5:10 ပူးပေါင်းရင်းမြစ်များ

Luka 18:11

Ŋoŋ Farashi ghɔ thi təʼɨ vi nduoŋ ŋa, ‘Ǹtōo ghɔ, ma Minnwi, ŋa ǹdɔ mbɔ ŋoŋ mbembe nɔ pichəɨ ŋgwa. Ǹshiʼa nchīgi ŋoŋ, paʼa ndɔ mbɔ ŋgaŋ mbe, ndɔ paʼa ndɔ mbɔ ŋkwoshuoŋ, ki mbɔ nɔ ŋgwɛ̄iŋ taashi yini hini nɛ.

Jouŋ 15:19

Pəɨ kaŋ ni mbɔ pi yi ŋgwa ŋkuoŋ mbhi, ŋgwa ŋkuoŋ mbhi kaŋ ŋkhwā vəɨ nɔ yugu. Ndɔ nthɛ ŋa pəɨ lɔ njiʼi mbɔ yi ŋgwa ŋkuoŋ mbhi, ndɔ a chuʼɔ mmu nchuʼɔ vəɨ ŋa pəɨ taoŋ shɨna ŋgwa ŋkuoŋ mbhi nɛ, a chwīe yie ghɔ ŋgwa ŋkuoŋ mbhi pɨ̄na vəɨ.

Jouŋ 17:6

“Mi ni nchwīe ŋgwa pɛ ŋa ɔ ni mfɛ vəɨ moŋ mbhi nɛ ji ghɔ. Pugu ni mbɔ jɔ, ɔ fɛ vugu vəɨ, pugu nūʼɔŋ chrà yɔ.

Jouŋ 17:9

“Ǹthɔ nduoŋ mfɛ nu ni pugu, ǹdɔ njiʼi nduoŋ pi ni ŋkuoŋ mbhi, ǹduoŋ pi ni ŋgwa pɛ ŋa ɔ ni mfɛ vugu vəɨ nɛ, nthɛ ŋa pugu jɔ.

Jouŋ 8:23

Jishɔ chhu ni pugu ŋa, “Pəɨ llɔ pi ŋkuoŋ mbhi yei mbɛmbiɛŋ, ndɔ ǹdhɔ nyaŋ pi tɔthɨ. Pəɨ llɔ pi ŋkuoŋ mbhi hɛiŋ, ǹdɔ njiʼi ndhɔ pi ŋkuoŋ mbhi hɛiŋ,

1 Koriŋ 1:20

Ghaŋ shiethɔ pighɔ hɨŋ? Ghaŋ ji ŋwaʼaŋlɨ pighɔ pɔ pi hɨŋ? Ki pa ghaŋ lōu pa nnu ni shiethɔ mbhi hɛiŋ pɔ pi hɨŋ? Minnwi lɔ ŋkwo chwīe shiethɔ ŋkuoŋ mbhi yei taoŋ nnu na?

1 Koriŋ 10:27

Ŋ̈oŋ ŋa a lɔ njiʼi nji Minnwi nɛ mɛ̄iŋ vəɨ lɨʼɨ jɨ, p̈əɨ khwā nɔ ghə̄ɨ nu, pəɨ ghə̄ɨ, sheshe yaoŋ ŋa pi tigi shhɨ pəɨ nɛ, pəɨ jɨ ki lɔ mbie sheshe pie nthɛ ŋgaŋthɔ yəɨ.

1 Koriŋ 5:11

Ndɔ ǹāʼaŋ mfɛ ni pəɨ pi ŋa kiʼi pəɨ chɨ kwò pəɨ pa ŋgwa ŋa pugu chhu ŋa pugu pa lǐŋ moŋ piŋ ndɔ mbɔ pi ŋkwoshuoŋ, ki ŋgaŋ lúa, ki ŋgaŋ ghaʼo pa nnwi, ki ŋoŋ ŋa a chhu phɨ nthɛ ndǐŋ vi nɛ ki mbaa làʼo, ki ŋgɨna. Kiʼi pəɨ yiʼi ndɔ nchɔchhɔ njɨ maoŋ pəɨ pa ŋkwaŋ ŋgwa pinɛ.

1 Koriŋ 5:9

Moŋ ŋwaʼaŋlɨ ŋa mi ni nāʼaŋ mfɛ ni pəɨ nɛ, ŋki chhu ni pəɨ moŋ ghɔ ŋa kiʼi pəɨ chɨ kwò pəɨ pa ghaŋ kwo shúoŋ.

2 Koriŋ 4:4

Nnwi ŋkuoŋ mbhi yei fhɨligi ŋgwa pɛ ŋa pugu lɔ mbiŋ, nnɛ ŋa kiʼi pugu yəɨ líʼɛ pwa pishaʼakhɔ ndighaʼo Krishto mbɔ fhi Minnwi.

Ɛfɛshɔ 2:2

ŋa pəɨ ni nchhɔ nu moŋ ghɔ ŋkwaŋ haʼaŋ ŋgwa ŋkuoŋ mbhi yei chwīe nu nɛ, mbɨnɨ mbɔ ŋkwaŋ haʼaŋ Shata, mbɔ nthishɨ njɨ moŋ tɔthɨ tāʼa nu nɛ, mbɔ jijwɛ ŋa a fāʼa nu mbɨŋ ŋgwa haʼaŋ pugu chɨ̄ʼə nchò Minnwi nɛ.

Filipai 2:15

nnɛ ŋa pəɨ pɔ pa puoŋ Minnwi pi tithi ki lɔ mfāʼo ntəɨ, ki kɔ̀rɔ moŋ mbhi ŋa ŋgwa tɔtrɔ pugu pa ghaŋ phɨ pɔ nɛ. Pəɨ fāʼo nɔ thɛ nu shɨna pugu nɔ líʼɛ ŋa a thɛ nu tɔthɨ,

1 Jouŋ 4:5

Ŋgwa pighɔ pɔ pi yi ŋkuoŋ mbhi yei, nthɛ yie ghɔ, pugu chrā nnu pugu pi nɔ ŋgwa ŋkuoŋ mbhi, ŋgwa ŋkuoŋ mbhi yaʼo vugu.

1 Jouŋ 4:7

Pa ŋkiɛŋ lǐŋ paŋ, p̂ia khwā noŋ pia, nthɛ ŋa khwǎ llɔ pi mbhɔ Minnwi. Shesheŋoŋ ŋa a nōoŋ khwǎ nɛ phi Minnwi mbhi vi ndɔ a ji Minnwi.

1 Jouŋ 5:19

Pia ji ŋa pia llɔ pi mbɔ Minnwi, ndɔ ŋguoŋ mbhi ghao pɔ pi mbhɔ ŋoŋ mbɨmbhɨ.

Nnu Nōoŋ 12:9

Pi māʼaŋ mmɛ minyieŋ ghɔ shhɛ, mbɔ mmɛ mitwɛʼi llɛshhɨ ŋa pi mɛ̄iŋ vi ni devɨ ki Shata nɛ, mbɔ ŋgaŋ fɨ̄ɨ ŋguoŋ mbhi. Pi ni māʼaŋ vi ŋkuoŋ shhɛ, māʼaŋ pa ghaŋ ntaoŋ pi pugu pugu.