1 Koriŋ 4:15 - Ŋwaʼaŋlɨ Kɨǹ a Fhi

¹⁵ Nthɛ ŋa njiʼi nthɛ pi nɔ haʼaŋ pəɨ fāʼo wuŋ ŋkaŋ ghaŋ lɨna nu ni pəɨ moŋ piŋ yəɨ mbɨŋ Krishto nɛ, pəɨ lɔ njiʼi mfāʼo ntou pa tǎa. Ŋ̀ki gū tǎa vəɨ moŋ piŋ nu Krishto Jishɔ ntɔgɔ pi ŋkuoŋ pwa pishaʼakhɔ ŋa ŋki chīi ni pəɨ nɛ.

1 Koriŋ 4:15 ပူးပေါင်းရင်းမြစ်များ

Roma 15:20

Nnɛ, a khwā njùʼɔ a nɔ chīi nu pwa pishaʼakhɔ nɔ lɨʼɨ haʼaŋ pi lɔ naa nchīi nnu Krishto ŋgwa yaʼo nɛ, nnɛ ŋa kiʼi ŋ̀krao ŋkuoŋ kwonda haʼaŋ a niʼiŋ ŋoŋ nduoŋ,

1 Koriŋ 1:30

Ndɔ a chwīe Minnwi ŋa pəɨ pɔ taʼa yi pəɨ pa Krishto Jishɔ. Minnwi chwīe ŋa Krishto pɔ yia shiethɔ, pugu pa ndɨndɨ yia, mbɔ ŋgaŋ chwīe pia pɔ yi taoŋtaoŋ ndɔ mbɔ njaʼandiʼi yia.

1 Koriŋ 15:1

Ndwɛ, ma pa lǐŋ paŋ, ǹshi ŋkwiŋ vəɨ ni pwa pishaʼakhɔ ŋa mi ni nchīi ni pəɨ nɛ, ŋa pəɨ ni mbiŋ ndɔ nthi moŋ ghɔ a tɨnɨ nɛ.

1 Koriŋ 3:10

Ni fɨʼɨ pwapuŋ ŋa Minnwi fɛ vəɨ, nɔ ŋkiɛŋ ŋgaŋ krao nda ŋa a ji fàʼa ŋgaʼa nɛ, ŋki nūʼɔŋ kwonda, ŋoŋ nduoŋ krao nda ŋkuoŋ ghɔ. Shesheŋoŋ lɨna nu ŋkwaŋ nɔ haʼaŋ a krao nu ŋkuoŋ kwonda ghɔ nɛ.

1 Koriŋ 3:6

Ŋki phi mbhɛ̌, Apolo shāʼo ŋkhǐ ŋkuoŋ ghɔ. A chwīe Minnwi a kuʼɔ.

1 Koriŋ 3:8

Ŋoŋ ŋa a phī nɛ pugu ŋoŋ ŋa a shāʼo ŋkhǐ ŋkuoŋ ghɔ nɛ wuʼɔ taʼa yaoŋ, sheshe ŋgaŋ vi shi mfāʼo kɨ̀nɛiŋ yi wuʼɔ nɔ fɨʼɨ fàʼa yi.

1 Koriŋ 9:12

P̈ichəɨ ŋgwa mfāʼo ghrɨ́ nɔ kwe nu yaoŋ mbhɔ pəɨ, kaŋ pigi lɔ ŋka fāʼo fāʼo nchaa yie ghɔ? Ndɔ pigi shini ndɔ njiʼi nthi pi ŋkuoŋ njɨ yei, pigi ghà ŋgwɛ̄iŋ njùʼɔ moŋ ŋguoŋ yaoŋ ghao nchaa ŋa pigi nūʼɔŋ kɨʼɨŋgɨnɨ ni pwa pishaʼakhɔ Krishto.

1 Koriŋ 9:14

Wuʼɔ nɛnnɛ, Taathɔ fɛ gɨ́ ŋa ŋgwa pɛ ŋa pugu ghà nchīi pwa pishaʼakhɔ nɛ fāʼo njru yugu llɔ ŋkuoŋ pwa pishaʼakhɔ ghɔ.

1 Koriŋ 9:16

Nthɛ ŋa m̈i nchīi pwa pishaʼakhɔ, paʼa yie lɔ njiʼi nchwīe a ŋ̀kwēi njùʼɔ a. Nthɛ ŋa a yiyiʼi ŋa ǹchīi. Ŋgəʼɨ shi ŋgwɛ̄iŋ a nɔ haʼaŋ mi mieŋ ki lɔ nchīi ŋkɨ̀nɨ pwa pishaʼakhɔ.

1 Koriŋ 9:18

Ti pe a pɔ pi khɔ? A fāʼo nu shɨ̀na nɔ chīi nu pwa pishaʼakhɔ ki lɔ ŋkwe pe, ki lɔ nthi pi ŋkuoŋ njɨ a nɔ fāʼo nu pe moŋ pwa pishaʼakhɔ.

1 Koriŋ 9:23

Ǹchwīe ŋguoŋ nnu pighɔ ghao nthɛ pi ŋkɨ̀nɨ pwa pishaʼakhɔ, ŋa pigi pugu fāʼo shéi yi kaʼa.

2 Koriŋ 4:5

Nthɛ ŋa pigi lɔ njiʼi nthɔ nchīi pi noŋ yigi. Pigi chīi pi Jishɔ Krishto nɔ Taathɔ, ni pigi ŋa pigi pɔ pi puoŋ fàʼa ni pəɨ nthɛ Jishɔ nɛ.

Galashia 3:24

Nɛnnɛ, gɨ́ ni mbɔ ŋgaŋ nōoŋ ndaoŋ ni pigi ti Krishto nuʼuŋ nthɔ, nnɛ pigi kie ŋkuoŋ piŋ mbɔ ŋgwa ndɨndɨ shhɨ Minnwi.

Galashia 3:25

Ndɔ ndwɛ nɔ haʼaŋ piŋ kwo thɔ nɛ, a lɔ nuʼuŋ mbie ŋa a thɔ ndɨna gɨ́ ni pigi.

Galashia 4:19

Pa puoŋ mi puoŋ paŋ, m̀bɨnɨ nchhɔ ŋgwie noŋ a nɔ miŋgwɛ shūu ŋa a phi nu nɛ, nnɛ ti pəɨ nuʼuŋ ntɨnɨ moŋ Krishto.

2 Timoti 4:3

Nthɛ ŋa ndɨɨ chhɔ nthɔ nu ŋa mbaʼa ŋgwa yiʼi nuʼuŋ ŋgwɛ̄iŋ njùʼɔ yugu njaʼo yaoŋ yɛʼi ŋa a kāʼo nɛ, pugu shi njōu njiŋ nnu ŋa njùʼɔ yugu tāʼa nu nɛ, ŋkɨrɨ pa ghaŋ yɛʼi ŋgwa pugu yɛʼi vugu ni yaoŋ ŋa tə́nə yugu yɨ̄gao nu nɔ yaʼo nu nɛ.

Taitu 1:4

Ǹāʼaŋ ŋwaʼaŋlɨ yei mfɛ vɛ, ma Taitu, ŋkiɛŋ muuŋ a moŋ taʼa kwò piŋ. Ǹduoŋ ŋa Minnwi Tǎa pugu Krishto Jishɔ, mbɔ ŋkwe via, fɛ pwapuŋ pugu pa ghɨghrɨ vɛ.

Filemu 1:19

Ǹāʼaŋ yei lɨʼɨ pi ni nyaŋ mbhɔ: Mmu, Pɔɔ, nshi nduʼu vɛ. Ǹdɔ nuʼuŋ mfāʼo nɔ kwiŋ nu ghɔ ŋa ŋkrù a puŋ ghɔ yiɛŋ ti ŋgaʼa nthɛ ŋa ɔ tɔgɔ pi mbhɔ mu mfāʼo chɔmbhi ki mmɛ.

Jɛiŋ 1:18

Nthɛ khwǎ njùʼɔ yi, a chwīe pia pɔ phi ŋkamuʼɔŋ ntɔgɔ pi ŋkuoŋ chrà yi, mbɔ nnu shini, nnɛ ŋa pia pɔ nɔ yichəɨ ŋkwaŋ fǔoŋ ntíɛŋ thɨ moŋ ŋguoŋ pa maoŋ ŋa a puoŋ nɛ.

1 Pita 1:23

ŋa pi phi vəɨ ŋkamuʼɔŋ, paʼa ndɔ ntɔgɔ pi ŋkuoŋ mbhɛ̌ yaoŋ ŋa a ghà mbɨrɨ nɛ, pi phi vəɨ ntɔgɔ pi ŋkuoŋ yaoŋ ŋa a shiʼa njiʼi mbɨrɨ nɛ, mbɔ chrà Minnwi. Chrà ghɔ yi maoŋ ndɔ ŋkɨna ki ndugwi yi.