1 Koriŋ 4:12 - Ŋwaʼaŋlɨ Kɨǹ a Fhi

¹² pigi fāʼa ki jwɛ ni mbhɔ miŋi nɔ yōu nu, pigi fɛ mbɔrɔ ni ŋgwa pɛ ŋa pugu chɔ̄nɔ vigi nɛ, ndɨɨ ŋa pi fɛ ŋgəʼɨ ni pigi nɛ, pigi wɛ̄iŋ njùʼɔ paʼa a lɔ mfhi nnu.

1 Koriŋ 4:12 ပူးပေါင်းရင်းမြစ်များ

Matio 5:11

“Mbɔrɔ yəɨ ndɨɨ ŋa ŋgwa wɛʼi vəɨ, mfɛ ŋgəʼɨ ni pəɨ, ndɔ ndɛʼi ŋgiɛŋ nchhu ŋguoŋ ŋkwaŋ nnu pɨphɨ thɔ pəɨ nthɛ a nɛ.

Matio 5:44

Ndɔ ǹchhu ni pəɨ ŋa, P̂əɨ khwā pa mbɨ̌na pəɨ, nduoŋ Minnwi mfɛ ni ŋgwa pɛ ŋa pugu fɛ ŋgəʼɨ ni pəɨ nɛ,

Luka 23:34

Jishɔ chhu ŋa, “Tǎa, līʼɛ phɨ yugu nthɛ ŋa pugu lɔ nji nnu haʼaŋ pugu chwīe nu nɛ.” Nɛnnɛ, pugu māʼaŋ yaoŋ nɔ pɛʼi nɔ yəɨ nu ŋa a shi njɨ gɔ̌ ndhwí yi shɨna pugu.

Luka 6:28

Luoŋ mbɔrɔ mbhɔ Minnwi mfɛ ni ŋgwa pɛ ŋa pugu chɔ̄nɔ ghɔ nɛ, nduoŋ Minnwi mfɛ ni ŋgwa haʼaŋ pugu fɛ ŋgəʼɨ vɛ nɛ.

Jouŋ 15:20

Pəɨ kwiŋ chrà ŋa mi ni nchrā ni pəɨ nɛ, ‘Muuŋ fàʼa shiʼa nchaa Taathɔ vi.’ P̈ugu mfɛ ŋgəʼɨ vəɨ, kaŋ pugu shi mfɛ ŋgəʼɨ ni pəɨ ŋkaa pəɨ. Pugu kaŋ ni nūʼɔŋ chrà a, kaŋ pugu shi nūʼɔŋ yəɨ ŋkaa pəɨ.

Fàʼa 18:3

Ndaʼa pugu pugu ndɔ mfāʼa pugu pugu kaʼa nthɛ ŋa ŋguoŋ vugu ni mbɔ pa ghaŋ chwīe ntǎa mfīni nu.

Fàʼa 20:34

Pəɨ ŋkaa pəɨ ji ŋa mbhɔ ma mei yru ju ni mmu pigi pa pakwo paŋ.

Fàʼa 7:60

A kwiŋ kwɛ́rɛ yi shhɛ, ŋkə̄ɨ ni njɨ ŋa, “Taathɔ, kiʼi ŋgwɛ̄iŋ vugu nthɛ nnu pɨphɨ yei ŋa pugu chwīe nɛ.” A ni nchhu nɛnnɛ ŋkhu.

Roma 12:14

Luoŋ mbɔrɔ mfɛ ni ŋgwa pɛ ŋa pugu fɛ ŋgəʼɨ vɛ nɛ, kiʼi nchɔ̄nɔ vugu, luoŋ pi mbɔrɔ mfɛ ni pugu.

Roma 12:20

Ŋwaʼaŋlɨ Minnwi ka chhu pi ŋa, “Njì njia mbɨ̌na yɔ, ɔ fɛ maoŋ jɨ ghɔ, ti njùʼɔ yi njaoŋ, ɔ fɛ yaoŋ nnu ghɔ, moŋ chwīe nu nɛnnɛ, ɔ shi māʼaŋ lrithɔ thɔ yu.”

Roma 8:35

Minthɛ a fɛ̄nɛ gɔ̌ mfɛ̄nɛ via moŋ khwǎ Krishto? Minthɛ a pɔ mmɛ pa ŋgəʼɨŋgəʼɨ ki mmɛ yúʼɔ, ki ŋgəʼɨŋgəʼɨ ŋa ŋgwa fɛ nu ni pia nthɛ piŋ yia, ki njì ŋa a gū, ki pou ndhwí nɔ māʼaŋ nu, ki cho ndua, ki nnu khu nu?

1 Koriŋ 9:6

Ki a wuʼɔ pigi Banaba ŋa a yīʼi ŋa pigi fāʼa nɔ fāʼo nu yaoŋ?

2 Koriŋ 11:8

Mi ni nchīgi pa chɔshi nduoŋ nthɛ ŋa mi ni ŋkwe pe mbhɔ pugu nɔ fāʼa nu mbhɔ pəɨ.

Ɛfɛshɔ 4:28

Kiʼi ŋoŋ ŋa a ni mbɔ ŋgɨna nɛ nuʼuŋ njōo, a pie ŋa a fāʼa, nthɔ mfāʼa fàʼa shiʼi ni mbhɔ mi, nnɛ ŋa mimfɛ a fɛ yi ŋoŋ ŋa a lɔ njiʼi mfāʼo nɛ.

1 Teshalonika 2:9

Pa lǐŋ paŋ, pəɨ kwiŋ fàʼa yigi pugu pa wie noŋ yigi, pigi fāʼa moŋ tuʼu pugu pa naoŋchɨ nnɛ ŋa kiʼi pigi pɔ lrì ni shesheŋoŋ vəɨ ndɨɨ ŋa pigi ni nthɔ nchīi ŋkɨ̀nɨ pwa pishaʼakhɔ Minnwi ni pəɨ nɛ.

2 Teshalonika 3:8

Pigi shini ndɔ njɨ maoŋ shesheŋoŋ ki lɔ mbe ghɔ, ndɔ moŋ ŋgəʼɨ pugu pa wie noŋ, pigi fāʼa moŋ tuʼu pugu pa naoŋchɨ nnɛ ŋa kiʼi pigi pɔ lrì ni shesheŋoŋ vəɨ.

1 Timoti 4:10

A pɔ nthɛ pi yei nnu ŋa pigi ghà mfāʼa, ndɔ ŋgwie noŋ yigi, nthɛ ŋa pigi nūʼɔŋ kwàʼa yigi pi ŋkuoŋ Minnwi maoŋ, ŋa a ŋkwe ŋguoŋ ŋgwa ghao, mīʼɛŋ mbɔ ŋgwa pɛ ŋa pugu ghaŋ piŋ nɛ.

1 Pita 2:23

Ndɨɨ ŋa pi ni ŋgwɛʼi vi nɛ, a shini ndɔ nduʼu, ndɨɨ ŋa a ni njəɨ ŋgəʼɨ nɛ, a shini ndɔ ŋgūru ŋoŋ, a ni ŋguʼɔ ŋgə̄ɨ shhɨ nthɔ mfɛ noŋ yi ni Minnwi, mbɔ ŋoŋ ŋa a ghà nshaʼa ŋgwa ni ndɨndɨ nɛ.

1 Pita 3:14

Ndɔ p̈əɨ njiʼi njəɨ ŋgəʼɨ nthɛ ŋa pəɨ chwīe nnu ŋa a kāʼo nɛ Minnwi fɛ mbɔrɔ ni pəɨ. Kiʼi pəɨ pɔgɔ shesheŋoŋ, ndɔ kiʼi njùʼɔ yəɨ ghana vəɨ.

1 Pita 3:9

Kiʼi nduʼu phɨ ni phɨ, ki wɛ́ʼi ni wɛ́ʼi, ndɔ ka luʼu pi ni mbɔrɔ, nthɛ ŋa mbɔrɔ yaoŋ ŋa Minnwi ni ŋkāʼa nɔ fɛ nu vɛ ndɨɨ ŋa a ni ŋgɛ̄ ghɔ nɛ.

1 Pita 4:19

Nthɛ yie ghɔ, ŋgwa pɛ, ŋa pugu yəɨ ŋgəʼɨ nthɛ ŋa a nnu ŋa Minnwi tāʼa nu nthɛ vugu nɛ, fɛ nchə̌ɨ yugu ni Minnwi mbuoŋ vugu ŋa a kàʼa ki fɨ̄ɨ, nɔ haʼaŋ pugu ghə̄ɨ shhɨ nthɔ nchwīe nnu ŋa a kāʼo nɛ.

Jude 1:9

Ndɔ ndɨɨ ŋa nthishɨ pa ghaŋ ntaoŋ Minnwi, mbɔ Maikə, ni nshūu nu pugu Shata ndɔ ndōu nu nthɛ khu Mushi nɛ, a shini ndɔ njiʼi mbīʼi nɔ chrā nu chrà nchɨʼəshə nɔ shaʼa nu Shata, ndɔ a ni chhu pi ŋa, “Taathɔ pɨ̄ga ghɔ.”