1 Koriŋ 1:21 - Ŋwaʼaŋlɨ Kɨǹ a Fhi

²¹ Ŋa moŋ shiethɔ Minnwi, ŋgwa ŋkuoŋ mbhi shini ndɔ nji Minnwi ntɔgɔ pi ŋkuoŋ shiethɔ, Minnwi ni mfāʼo pwatua ntɔgɔ pi ŋkuoŋ chrà nnu na ŋa pigi chīi nu nɛ, nɔ kwe nu ŋgwa pɛ ŋa pugu piŋ nɛ.

1 Koriŋ 1:21 ပူးပေါင်းရင်းမြစ်များ

Matio 11:25

Moŋ ndɨɨ ghɔ Jishɔ chhu ŋa, “Tǎa, a gɔ̀ mbɔ Taathɔ po pugu pa ŋkuoŋ shhɛ. Ǹtōo ghɔ nthɛ ŋa yaoŋ ŋa ɔ lə̄ɨŋ ni ghaŋ shiethɔ pugu pa ghaŋ lɨna nɛ, ɔ nōoŋ ni pa puoŋ fhu.

Luka 10:21

Moŋ ndɨɨ ghɔ, Jishɔ fāʼo pwanjuʼɔ moŋ Jijwɛ Minnwi nchhu ŋa, “Tǎa, a gɔ̀ mbɔ Taathɔ po pugu pa ŋkuoŋ shhɛ. Ǹtōo ghɔ nthɛ ŋa yaoŋ ŋa ɔ lə̄ɨŋ ni ghaŋ shiethɔ pugu pa ghaŋ lɨna nɛ, ɔ nōoŋ ni pa puoŋ fhu. Ooŋ, ma Tǎa, yei ŋkwaŋ haʼaŋ ɔ ni ŋkhwā ŋa a lɔ̄gɔ lɨʼɨ nɛ.

Luka 12:32

“Njiʼi nthɛ nɔ haʼaŋ pəɨ, ghaŋ younjiŋ paŋ pɔ pi shɨgɛi nɔ muuŋ kwíe minjɨɨ nɛ, kiʼi pəɨ fāʼo pɔgɔ gu ŋa mbaʼa pəɨ yiʼi mfāʼo yaoŋ ŋa a pie ŋa pəɨ yru ŋkuoŋ ghɔ nɛ, nthɛ ŋa Tǎa vəɨ Minnwi lɔ̄gɔ nthi Mi moŋ khwǎ njùʼɔ yi ŋa pəɨ pugu shi nshaʼa fùoŋ kaʼa.

Jouŋ 12:31

Ndwɛ ndɨɨ ŋa pi shi nshaʼa ŋkuoŋ mbhi yei nɛ. Ndwɛ pi shi mbɨʼɨ ŋoŋ ŋa a shaʼa ŋkuoŋ mbhi yei ŋkuoŋ faaŋ.

Roma 1:28

Ndɔ nɔ haʼaŋ pugu shini ndɔ mbīʼi a kāʼo nɔ ji nu Minnwi nɛ, Minnwi chaʼa vugu mfɛ ni mbīʼi nu nnu pa ŋgwa pɨphɨ ŋa pugu chwīe pa nnu pɛ ŋa a pie ŋa kiʼi pugu chwīe nɛ.

Roma 11:33

Yo, fɨʼɨ nthɨŋkwo fàʼo pugu shiethɔ ni lɨna Minnwi ghaʼo pi fɨʼɨ yi nɛiŋ! A nthɛ a ji gɔ̌ ŋkwaŋ haʼaŋ Minnwi ghà ndīi nnu nɛ! A nthɛ a ji gɔ̌ pa shɛndaoŋ pi?

1 Koriŋ 1:18

Nthɛ ŋa ŋkɨ̀nɨ nthɛ gu Krishto ŋkuoŋ wáʼa pɔ pi nnu na ni ŋgwa pɛ ŋa pugu phɛ nu gha nɛ, ndɔ ni pia ŋa pia lūgu nu nɛ, a ghrɨ́ Minnwi.

1 Koriŋ 1:23

Ndɔ pigi ghà nchīi pi Krishto ŋa pi kwīŋ vi ŋkuoŋ wáʼa, mbɔ kɨʼɨŋgɨnɨ ni ŋgwa Juu mbɨnɨ mbɔ nnu na ni ŋgwa taoŋ nduoŋ.

1 Koriŋ 1:24

Ndɔ ni pa ŋgwa haʼaŋ pi gɛ̄ vugu nɛ, pa Juu pugu pa ŋgwa taoŋ nduoŋ, Krishto pɔ pi njɨ Minnwi pugu pa shiethɔ Minnwi.

1 Koriŋ 1:25

Nthɛ ŋa yaoŋ Minnwi ŋa a pɔ pi nɔ nnu na ni ŋgwamishua nɛ, fāʼo shiethɔ moŋ ghɔ ŋa a chaa yi ŋgwamishua nɛ, ndɔ yaoŋ Minnwi ŋa a pɔ nɔ kɨ̌ʼɨ ni ŋgwamishua nɛ, tɨnɨ nchaa njɨ ŋgwamishua.

1 Koriŋ 1:27

Ndɔ Minnwi chuʼɔ pa ŋgwa ŋa ŋkuoŋ mbhi pīʼi ŋa pugu ŋgwa gha nɛ, nɔ shhū nu pa ghaŋ shiethɔ nɔ ghɔ, Minnwi chuʼɔ ŋgwa ŋa pugu pa ŋkɨ̌ʼɨ moŋ mbhi nɛ nɔ shhū nu pa ghaŋ njɨ nɔ ghɔ.

1 Koriŋ 11:32

Ndɔ ndɨɨ ŋa Taathɔ shaʼa via nɛ, a yuʼu via yuʼu nnɛ ŋa kiʼi pia ma mbɔ pa ŋgushaʼa pia pa ŋkuoŋ mbhi kaʼa.

1 Koriŋ 2:14

Ŋoŋ ŋa a lɔ njiʼi mfāʼo Jijwɛ Minnwi nɛ minthɛ paʼa a lɔ njiʼi mbiŋ pa nnu ŋa a llɔ mbhɔ Jijwɛ Minnwi nɛ, nthɛ ŋa pa nnu pighɔ pɔ pi nɔ pa nnu na, nthɛ ŋa minthɛ pi wuʼɔ nji ghɛ̀rɛ nnu pighɔ pi moŋ Jijwɛ.

1 Koriŋ 4:10

Ŋgwa pīʼi ŋa pigi pa na nthɛ ligi Krishto ndɔ pəɨ pīʼi ŋa pəɨ pa ndɨna moŋ Krishto. Ŋgwa pīʼi ŋa pigi kɨ̌ʼɨ ndɔ pəɨ pīʼi ŋa pəɨ tɨnɨ. Pi tuo vəɨ nɔ pa ŋgwa chɨɨchɨɨ, ndɔ pigi pɔ pa miŋkwasha.

1 Koriŋ 6:2

Pəɨ lɔ nji ŋa pa ŋgwa Minnwi pi taoŋtaoŋ lɛ nshaʼa ŋkuoŋ mbhi? Ti ä mbɔ ŋa a shi nshaʼa pəɨ nshaʼa ŋkuoŋ mbhi, a kie pi nɛiŋ paʼa pəɨ lɔ ŋkāʼo nɔ shaʼa nu pa puoŋ mi sháʼa?

Galashia 1:15

Ndɔ ndɨɨ ŋa ju yɛ ŋa a ni ŋkwo chuʼɔ a llɔ ndɨɨ ŋa mǔuŋ a ni nshūu a nɛ, ndɔ mbɨnɨ nuʼuŋ ŋgɛ̄ a ntɔgɔ pi ŋkuoŋ pwapuŋ yi,

Galashia 4:8

A ni mbɔ ndɨɨ shhɨ, mbɔ ndɨɨ ŋa pəɨ shini ndɔ naa nji Minnwi nɛ, pəɨ ni mbɔ pa ŋkǔna mbhɔ pa maoŋ ŋa pugu lɔ ndɔ mbɔ nnwi nɛ.

Ɛfɛshɔ 1:9

Minnwi chwīe nnu ŋa a ni ŋkāʼa njùʼɔ yu ndɔ paʼa ŋgwa lɔ nji nɛ, pia ji, mbɔ pa nnu ŋa a ni ŋkwo lɔ̄gɔ nthí mi nɔ chwīe nu ntɔgɔ pi mbɨŋ Krishto nɛ.

Ɛfɛshɔ 3:10

Nɛnnɛ ŋa ndwɛ, minthɛ chɔshi chwīe pa thishɨ pugu pa mɛmmɛ njɨ moŋ mbhi mooŋ jijwɛ ji shiethɔ Minnwi moŋ ŋguoŋ pa ŋgwrà pi.

Koloshe 1:19

Minnwi ni mfāʼo pwatua nɔ chwīe nu ŋa ŋguoŋ púoŋ yi lɨnaoŋ mbɨŋ ju Krishto.

Hibru 1:14

Pa ghaŋ ntaoŋ pighɔ lɔ ŋguʼɔ mbɔ pi pa puoŋ fàʼa jijwɛ ŋa pi taoŋ vugu ŋa pugu ghɛ̄rɛ pa ŋgwa pɛ ŋa pugu shi mfāʼo lūgu nu nɛ?

Hibru 2:3

Ti minthɛ pia tei kiʼɛ pi nɛiŋ nɔ haʼaŋ p̈ia mieŋ ki tigi thɔ yia ŋkuoŋ ŋkiɛŋ shɛndaoŋ lūgu nu yei? A ni mfǔoŋ Taathɔ nchīi lūgu nu yei, pa ŋgwa pɛ ŋa pugu ni njaʼo nɛ nōoŋ ni pia ŋa a yie ghɔ shini.

Hibru 7:25

Nthɛ yie ghɔ, ndwɛ pugu pa ŋguoŋ ndɨɨ ghao, a fāʼo ghrɨ́ nɔ kwe nu ŋgwa pɛ ŋa pugu tɔgɔ mbɨŋ yu nchənə mbara yəɨ Minnwi nɛ, nthɛ ŋa a ghà ŋguʼɔ mbɔ yi maoŋ nɔ lɨ̄gəɨ nu Minnwi nthɛ vugu.

Jɛiŋ 4:4

Pa shakhɨ moŋ piŋ pei! Pəɨ lɔ nji ŋa khwā nu pa nnu ŋkuoŋ mbhi pɔ pi ŋa pəɨ pɨ̄na Minnwi? Nthɛ yie ghɔ, shesheŋoŋ ŋa a khwā nɔ chwīe nu taannu pugu pa ŋkuoŋ mbhi nɛ, chwīe noŋ yi mbɔ mbɨ̌na Minnwi.

Jɛiŋ 5:15

luoŋ Minnwi ŋa pi luoŋ moŋ piŋ nɛ shi njɨ̄gɨ ghɨ̌nɔ ŋgaŋ ghɨ̌nɔ, Minnwi pɨʼɨ vi kúoŋ ghɨ̌nɔ, ti ä mbɔ yɛ ŋa a ni nchwīe phɨ nɛ, Minnwi līʼɛ phɨ yi.

Jɛiŋ 5:20

â ji nu nɛ ŋa shesheŋoŋ ŋa a pɨnɨ mbɨ̄nɨ ni ŋgaŋ phɨ ŋkuoŋ nnu shini nɛ shi ŋkwe nchə̌ɨ ŋoŋ ghɔ moŋ gu, ndɔ shi nchwīe pi līʼɛ ntou phɨ.