1 Jouŋ 3:19 - Ŋwaʼaŋlɨ Kɨǹ a Fhi

¹⁹ Ntɔgɔ pi ŋkuoŋ yie, pia shi nji ŋa pia ŋgia nnu shini ndɔ mfāʼo tɨnɨnjuʼɔ shhɨ Minnwi.

1 Jouŋ 3:19 ပူးပေါင်းရင်းမြစ်များ

Jouŋ 13:35

Ŋguoŋ ŋgwa shi nji ŋa pəɨ ghaŋ younjiŋ paŋ nɔ haʼaŋ p̈əɨ mfāʼo khwǎ noŋ pəɨ.”

Jouŋ 18:37

Nnɛ Pailɛ chhu ghɔ kiʼɛ ŋa, “Yie nōoŋ ŋa ɔ fùoŋ?” Jishɔ khwɛ̄ ŋa, “Ɔ chhu ŋa a mmu mbɔ fùoŋ. Yei nnu ŋa pi ni mbhi a nɔ nɛ, yei nnu ŋa ǹthɔ ŋkuoŋ mbhi yei nɔ nɛ, nɔ pɔ nu miŋkwentie nɔ nnu shini. Shesheŋoŋ ŋa a yi nnu shini nɛ ghà njwɛrɛ nnu ŋa ǹchhu nu nɛ.”

Roma 4:21

Nja nji nu ŋa Minnwi fāʼo ghrɨ́ nɔ chwīe nu nnu haʼaŋ a kāʼa nɛ.

Roma 8:38

Nthɛ ŋa ǹja mfāʼo tɨnɨnjuʼɔ ŋa njiʼi nthɛ pi gu, chɔmbhi, ki ghaŋ ntaoŋ Minnwi, ki ghaŋ ghrɨ́ shaʼa lɨʼɨ, ki pa nnu ndwɛ ki pa nnu ŋa a piʼi shhɨ nɛ, ki pa pichəɨ ghrɨ́,

2 Timoti 1:12

mbɔ nnu ŋa ǹjəɨ ŋgəʼɨ nɔ ghɔ nɛiŋ nɛ. Ndɔ, ǹdɔ njiʼi mfāʼo lrithɔ, nthɛ ŋa ǹji ŋoŋ ŋa m̀biŋ vi nɛ, ndɔ ǹji ŋa a fāʼo ghrɨ́ nɔ kɛ̄ʼi nu yaoŋ ŋa a lə̄ɨŋ nɛ ti ŋgə̄ɨ nchəɨŋ yua ghɔ.

Hibru 10:22

Nthɛ pa nnu pei, p̂ia chənə nthɔ yəɨ Minnwi ni njùʼɔ nnu shini pugu pa tɨnɨnjuʼɔ moŋ piŋ, ni ŋgaŋthɔ ŋa pi kwo yrā a pɔ yi taoŋtaoŋ llɔ moŋ phɨ, ni pa noŋ ŋa pi kwo shɨ̄gao ni ŋkhǐ taoŋtaoŋ nɛ.

Hibru 11:13

Ŋguoŋ pa ŋgwa pei ni ŋkhu moŋ piŋ ki lɔ naa mfāʼo yaoŋ ŋa pi ni ŋkāʼa nɛ, ndɔ pugu ni njəɨ pi fie shhɨ pugu ndɔ mbiŋ maoŋ pighɔ, ndɔ mbɨnɨ nchhu ŋa pugu pɔ pi pa ghɨ̀nɨ ndɔ paʼa ŋkuoŋ shhɛ yei lɔ mbɔ laʼa yugu.

1 Jouŋ 1:8

P̈ia nchhu ŋa pia lɔ mfāʼo phɨ, kaŋ pia fɨ̄ɨ pi noŋ yia, paʼa nnu shini lɔ mbɔ njùʼɔ pia.

1 Jouŋ 2:21

Ǹāʼaŋ mfɛ ni pəɨ paʼa ndɔ nthɛ pi ŋa pəɨ shi lɔ nji nnu shini, nthɛ pi ŋa pəɨ ji, ndɔ pəɨ ŋkaa pəɨ ji ŋa lɛʼiŋgiɛŋ shiʼa ndhɔ mbhɔ nnu shini.

1 Jouŋ 3:14

Pia ji ŋa pia kwo taoŋ moŋ gu nii moŋ chɔmbhi, pia ji nthɛ ŋa pia khwā lǐŋ pia. Shesheŋoŋ ŋa a lɔ njiʼi mfāʼo khwǎ nɛ, kɨna moŋ gu.

1 Jouŋ 3:20

N̈jùʼɔ yia ŋgwɛ̄iŋ via nɔ ŋgushaʼa, pia ji nu ŋa Minnwi chaa njùʼɔ yia ndɔ nji ŋguoŋ nnu ghao.

1 Jouŋ 3:21

Ŋkiɛŋ lǐŋ paŋ, n̈jùʼɔ yia mieŋ ki wɛ̄iŋ via nɔ pa ŋgushaʼa, kaŋ pia fāʼo tɨnɨnjuʼɔ shhɨ Minnwi.