1 Jouŋ 2:16 - Ŋwaʼaŋlɨ Kɨǹ a Fhi

¹⁶ Nthɛ ŋa ŋguoŋ pa maoŋ ŋkuoŋ mbhi, yaoŋ ŋa frɛinoŋ tāʼa nu nɛ pugu pa yaoŋ ŋa ligi ŋoŋmishua yəɨ ŋkhwā nu nɔ fāʼo nu nɛ, pugu pa kwēi nu njùʼɔ moŋ nōoŋ noŋ nthɛ pa maoŋ ŋa ŋoŋ fāʼo nɛ, kaŋ taʼa nnu yei lɔ ndhɔ pi mbhɔ Tǎa, a pɔ pi yi ŋkuoŋ mbhi.

1 Jouŋ 2:16 ပူးပေါင်းရင်းမြစ်များ

Matio 4:8

Devɨ lɔ̄gɔ vi ŋkamuʼɔŋ ŋkuʼɔ ni ju ŋkuoŋ thɔ ŋkiɛŋ ntaaŋ mbra, nōoŋ ŋguoŋ pa laʼataoŋ ŋkuoŋ mbhi ghɔ pugu pa ndighaʼo yugu,

Matio 5:28

Ndɔ ǹchhu ni pəɨ ŋa, sheshe mimbia ŋa a pɛʼi miŋgwɛ nshɔ̄rɔ nūaŋ nu pugu yu nɛ, kwo nūaŋ pugu yu moŋ njùʼɔ yu.

Luka 4:5

Devɨ lɔ̄gɔ vi ŋkuʼɔ nɔ tɔthɨ nōoŋ ŋguoŋ pa laʼataoŋ ŋkuoŋ mbhi ghɔ taʼa ŋgɛ́ ŋa ŋməɨŋ!

Roma 13:14

Ndɔ p̂əɨ gwɛ Jishɔ Krishto, mbɔ Taathɔ, nɔ haʼaŋ ŋoŋ ghà ŋgwɛ ndhwí nɛ, ki lɔ mfɛ sheshe shɨ̀na ni frɛinoŋ yəɨ nɔ chwīe nu nnu yɛ ŋa a khwā nɛ.

1 Koriŋ 10:6

Nnɛ yei nnu ni ndɔ̄gɔ lɨʼɨ pi nɔ lì ni pia, nnɛ ŋa kiʼi pia khwā phɨ nɔ haʼaŋ pugu ni nchwīe nɛ.

Galashia 5:17

Nthɛ ŋa pa nnu ŋa frɛinoŋ khwā nɛ pɔ ni kipɨna pugu Jijwɛ, pa nnu ŋa Jijwɛ tāʼa nu nɛ pɔ ni kipɨna pugu pa frɛinoŋ. Pa nnu pei pɔ pi ni kipɨna, nnɛ minthɛ paʼa ɔ lɔ nchwīe nnu ŋa ɔ khwā nɔ chwīe nu nɛ.

Galashia 5:24

Ndɔ ŋgwa pɛ ŋa pugu yi Krishto Jishɔ nɛ kwo kwīŋ frɛinoŋ yugu ŋkuoŋ wáʼa pugu pa nnu pɨphɨ pi, pugu pa nnu pɛ ŋa a khwā nɛ.

Ɛfɛshɔ 2:3

Ŋguoŋ yia ni mbɔ nɔ pugu, nchhɔ chɔmbhi yia ŋkwaŋ haʼaŋ frɛinoŋ yia khwǎ nɛ, nthɔ nchwīe nnu haʼaŋ frɛinoŋ yia pugu pa njùʼɔ yia tāʼa nu nɛ, ŋa púoŋ yia ni mbɔ pi yi phɨ nɛ, pɨgɨtua Minnwi ni mbɔ mbɨŋ pia.

Taitu 2:12

Pwapuŋ yi ghɔ chhɔ ntɨgɨ via ŋa p̂ia mīʼaŋ ŋkwaŋ chɔmbhi ŋa a lɔ ŋgaʼo Minnwi nɛ pugu pa njùʼɔ maoŋ ŋkuoŋ ŋgrào mbhi, nchhɔ chɔmbhi shiethɔ, pugu pa chɔmbhi ndɨndɨ, pugu pa chɔmbhi pɔgɔ Minnwi moŋ mbhi yei,

Taitu 3:3

Nthɛ ŋa yichəɨ ndɨɨ pia ni noŋ yia ni mbɔ pa na, ntɨnɨthɔ, pi fāaŋ ndaoŋ ni pia, mbɔ pa kǔna mbhɔ ŋkwaŋ ŋkwaŋ njùʼɔ pugu pa nchhɔ shiʼi. Nchhɔ chɔmbhi yia moŋ khwā nu ŋa pichəɨ ŋgwa pɔ moŋ yúʼɔ, mfāʼo kighɨʼə, ŋgwa ki pɨ̄na via, pia pɨ̄na ŋgwa.

Jɛiŋ 3:15

Yie ŋkwaŋ shiethɔ lɔ njiʼi mbɔ yɛ ŋa a llɔ po nɛ, ndɔ a llɔ pi ŋkuoŋ shhɛ hɛiŋ, mbɔ yi moŋ frɛinoŋ pugu pa yi Shata.

Jɛiŋ 4:16

Ndɔ haʼaŋ a pɔ nɛ, ɔ ghà ŋkwēi njùʼɔ yɔ moŋ ntintaʼo, ŋguoŋ ŋkwaŋ kwēi njùʼɔ pighɔ nnu pɨphɨ.

1 Pita 1:14

Nɔ puoŋ yaʼo nchò, kiʼi pəɨ yiʼi mfɛ njùʼɔ yəɨ ni ŋkwaŋ shɔ̄rɔ nu ŋa pəɨ ni mfāʼo ndɨɨ ŋa pəɨ ni mbɔ moŋ ki ji nɛ.

1 Pita 2:11

Pa ŋkiɛŋ lǐŋ paŋ, ǹdɨ̄gəɨ vəɨ, pəɨ nɔ pa ghɨ̀nɨ ndɔ mbɔ nɔ ŋgwa ŋa pi yōu vugu nɛ, p̂əɨ ləʼɨ pa nnu khwā nu pa nnu tɔtrɔ ŋa pugu thɔ māʼaŋ nchhɔ̀ pugu pa nchə̌ɨ yəɨ nɛ.

2 Pita 2:10

mīʼɛŋ mbɔ ŋgwa pɛ ŋa pugu thɔ nchwīe pa nnu tɔtrɔ ŋa frɛinoŋ yugu tāʼa nu nɛ ndɔ mbɨnɨ nthɔ nchɨ̄ʼə pa njɨ Minnwi nɔ shaʼa nu. Pugu fāʼo tɨnɨnjuʼɔ pugu pa nōoŋ noŋ ndɔ ki lɔ mfāʼo pɔgɔ ndɨɨ ŋa pugu wɛʼi ghaŋ ndighaʼo nɛ.

2 Pita 2:18

Nthɛ ŋa pugu chrā mɛmmɛ chrà ghagha, ŋkwēi njùʼɔ nɔ ghɔ, mbīri ŋgwa pɛ ŋa pugu wuʼɔ ŋkakaa nɔ taoŋ nu shɨna ŋgwa pɛ ŋa pugu wuʼɔ nchhɔ pi moŋ ntəɨ nɛ, ŋgwɛ̄iŋ vugu ni fɨ̄ɨ nu vugu ni pa khwā nu shúoŋ.