1 Jouŋ 2:13 - Ŋwaʼaŋlɨ Kɨǹ a Fhi

¹³ Ǹthɔ nāʼaŋ nu ni pəɨ, ma pa tǎa, nthɛ ŋa pəɨ ji vi, mbɔ ju yɛ ŋa a ni ŋkwo pɔ nɔ njɛ̄ yi nɛ. Nāʼaŋ nu ni pəɨ, ma pa kuoŋoŋ, nthɛ ŋa pəɨ ghaʼa ŋoŋ mbɨmbhɨ. Ǹāʼaŋ nu ni pəɨ, ma pa puoŋ nthɛ ŋa pəɨ ji Tǎa.

1 Jouŋ 2:13 ပူးပေါင်းရင်းမြစ်များ

Matio 11:27

“Tǎa a kwo chaʼa ŋguoŋ yaoŋ mfɛ mbhɔ mu, yichəɨ ŋoŋ lɔ nji ŋoŋ ŋa Muuŋ yie ghɔ nɛ ŋkiɛŋ Tǎa, ndɔ paʼa yichəɨ ŋoŋ lɔ nji ŋoŋ ŋa Tǎa yie ghɔ nɛ ŋkiɛŋ Muuŋ pugu pa shesheŋoŋ ŋa muuŋ chuʼɔ nɔ nōoŋ nu Tǎa ghɔ nɛ.

Matio 13:19

Ndɨɨ ŋa shesheŋoŋ yaʼo chrà Shaʼafuoŋ Po ki lɔ nji njiŋ yi nɛ, ŋoŋ mbɨmbhɨ thɔ mfuʼu yaoŋ ŋa pi phi njùʼɔ yu nɛ. Yei pɔ nɔ yɛ mbhɛ̌ ŋa pugu ni ŋgū pi shɛmbua nɛ.

Matio 13:38

Moŋ nyìeŋ ghɔ pɔ ŋkuoŋ mbhi, mbhɛ̌ maoŋ shiʼi pɔ ŋgwa pɛ ŋa pugu puoŋ Shaʼafuoŋ Po nɛ, pa trǔ pɔ pa puoŋ ŋoŋ mbɨmbhɨ,

Matio 5:37

Ndɔ a pie ŋa, ‘Ooŋ’ yəɨ pɔ ‘Ooŋ’ ki ‘Ŋga’ yəɨ pɔ ‘Ŋga.’ Sheshe nnu nduoŋ ntɔgɔ yei llɔ pi mbhɔ ŋoŋ mbɨmbhɨ.

Luka 10:22

“Tǎa a kwo chaʼa ŋguoŋ yaoŋ mfɛ mbhɔ mu, yichəɨ ŋoŋ lɔ nji ŋoŋ ŋa Muuŋ yie ghɔ nɛ ŋkiɛŋ Tǎa, ki nji ŋoŋ ŋa Tǎa yie ghɔ nɛ ŋkiɛŋ Muuŋ pugu pa shesheŋoŋ ŋa Muuŋ chuʼɔ nɔ nōoŋ nu Tǎa ghɔ nɛ.”

Jouŋ 14:7

P̈əɨ ŋkwo ji a, kaŋ pəɨ shi ŋkwo ji Tǎa a ŋkaa yu. Llɔ ndwɛ ŋgə̄ɨ nu shhɨ, pəɨ ji vi ndɔ njəɨ vi.”

Jouŋ 14:9

Jishɔ chhu ghɔ ŋa, “Pia kwo pɔ nɔ fɨʼɨ ntaaŋ ndɨɨ yei, pəɨ wuʼɔ mbiʼi ki lɔ nji a, Fili? Ŋoŋ ŋa a kwo yəɨ a nɛ kwo yəɨ Tǎa. Ti minthɛ ɔ kie pi nɛiŋ nchhu ŋa, ‘Nōoŋ Tǎa ghɔ ni pigi?’

Jouŋ 16:3

Pugu shi nchwīe pa nnu pei nthɛ ŋa pugu lɔ nji Tǎa, ki nji a.

Jouŋ 16:33

“Ǹchhu nnu pei ni pəɨ nnɛ ŋa pəɨ shi mfāʼo ghɨghrɨ ntɔgɔ pi ŋkuoŋ pɔ nu taʼa yi pia kaʼa. Moŋ mbhi yei, pi shi mfɛ wuwuru ŋgəʼɨ ni pəɨ. Ndɔ pəɨ fāʼo māʼaŋ ghrɨ́, nthɛ ŋa ŋ̀kwo ghaʼa ŋkuoŋ mbhi yei.”

Jouŋ 17:21

nnɛ ŋa ŋguoŋ yugu shi nchīri mbɔ taʼa yi, wuʼɔ nɔ haʼaŋ gɔ̀ Tǎa pɔ mbɨŋ mu, mmu nduthɔ a pɔ mbɨŋ ghɔ nɛ, nnɛ ŋa pugu pɔ mbɨŋ pɔgɔ, nnɛ ŋa minthɛ ŋkuoŋ mbhi piŋ ŋa a taoŋ gɔ̀ ntaoŋ a.

Jouŋ 17:3

Ndɔ yei pɔ chɔmbhi ki mmɛ, ŋa pugu ji ghɔ mbɔ fiɛŋ taʼa Minnwi shini, ndɔ mbɨnɨ nji Jishɔ Krishto ŋa ɔ taoŋ nɛ.

Jouŋ 8:19

Nthɛ yie, pugu chhu ghɔ ŋa, “Tǎa ghɔ ghɔ hɨŋ?” Jishɔ khwɛ̄ ni pugu ŋa, “Pəɨ lɔ njiʼi nji a ki Tǎa a, pəɨ kaŋ ni nji a, pəɨ kaŋ nji Tǎa a ŋkaa yu.”

2 Koriŋ 4:6

Nthɛ ŋa Minnwi mbɔ ŋoŋ ŋa a ni nchhu ŋa, “Líʼɛ thɛ llɔ moŋ njiŋ nɛ,” kwo thɛ moŋ njùʼɔ pigi nɔ fɛ nu líʼɛ ji nu ndighaʼo Minnwi nɔ miŋi Jishɔ Krishto.

1 Timoti 5:1

Kiʼi mbɨ̄ga ŋoŋ ŋa a kwo pɔ mmɛŋoŋ nɛ, ka māʼaŋ ghrɨ́ yi nɔ haʼaŋ a pɔ pi tǎa ghɔ, ntuo pimbia ŋa pugu piʼi mikəʼɨ nɛ nɔ lǐŋ pɔ,

Taitu 2:6

Wuʼɔ nɛnnɛ tɨgɨ pa pimbia ŋa pugu piʼi mikəʼɨ nɛ ŋa pugu chhɔ chɔmbhi shiethɔ.

1 Jouŋ 1:1

Pigi chīi yɛ ŋa a ni mbɔ nɔ njɛ̄ yi nɛ ni pəɨ, mbɔ yɛ ŋa pigi ni njaʼo, mbɔ yɛ ŋa pigi ni njəɨ. Pigi ni njəɨ yie ni ligi yigi, ŋkāoŋ ni mbhɔ yigi, nthɛ chrà chɔmbhi.

1 Jouŋ 2:1

Pa puoŋ mi puoŋ paŋ, ǹchhɔ nāʼaŋ pa nnu pei ni pəɨ nnɛ ŋa kiʼi pəɨ chwīe phɨ. Ndɔ ti s̈hesheŋoŋ nchwīe phɨ, kaŋ pia fāʼo ŋgaŋ lɨ̄gəɨ ŋa a shi ndɨ̄gəɨ Tǎa mfɛ via nɔ, mbɔ Jishɔ Krishto ŋoŋ ndɨndɨ.

1 Jouŋ 2:12

Ǹthɔ nāʼaŋ nu mfɛ ni pəɨ, ma pa puoŋ mi puoŋ paŋ, nthɛ ŋa pi kwo līʼɛ phɨ yəɨ nthɛ pi Jishɔ.

1 Jouŋ 2:14

Ǹāʼaŋ mfɛ ni pəɨ, ma pa tǎa nthɛ ŋa pəɨ ji vi ŋa a ni mbɔ nɔ njɛ̄ yi nɛ. Ǹāʼaŋ mfɛ ni pəɨ, ma pa kuoŋoŋ nthɛ ŋa pəɨ fāʼo njɨ, chrà Minnwi kɨna mbɨŋ pəɨ, ndɔ pəɨ kwo ghaʼa ŋoŋ mbɨmbhɨ.

1 Jouŋ 3:12

Kiʼi pia pɔ pi nɔ Keiŋ ŋa a ni mbɔ yi ŋoŋ mbɨmbhɨ, mbɔ Shata, njwi ndǐŋ vi nɛ. A ni njwi vi nthɛ pi khɔ? Nthɛ ŋa fàʼa yi ni mbɔ yi pɨphɨ, ndɔ yi ndǐŋ vi pɔ fàʼa ndɨndɨ.

1 Jouŋ 4:4

Pa puoŋ mi puoŋ paŋ, pəɨ pɔ pi yi Minnwi ŋkwo lɔ ŋgaʼa vugu, nthɛ ŋa ju ŋa a chhɔ njùʼɔ pəɨ nɛ chaa vi ŋa a pɔ moŋ mbhi nɛ.

1 Jouŋ 5:18

Pia ji ŋa shesheŋoŋ ŋa a phi Minnwi mbhi vi nɛ shiʼa ŋgə̄ɨ shhɨ nchhɔ nchwīe phɨ, nthɛ ŋa Muuŋ Minnwi shi ndɨʼɨ vi, nnɛ mbaʼa ŋoŋ mbɨmbhɨ, mbɔ Shata, kāoŋ vi.

1 Jouŋ 5:20

Pia ji ŋa Muuŋ Minnwi thɔ ndɔ mfɛ shiethɔ ni pia, nnɛ ŋa a nthɛ pia ji Minnwi, mbɔ ju ŋa a yi shini nɛ. Pia pɔ moŋ ju ŋa a yi shini nɛ, moŋ Muuŋ vi, mbɔ Jishɔ Krishto. A ju mbɔ ŋkiɛŋ Minnwi shini mbɔ chɔmbhi ki mmɛ.

Nnu Nōoŋ 12:11

Pi kwo ghaʼa vi ntɔgɔ pi ŋkuoŋ chhǐ Muuŋ Minjɨɨ pugu pa nnu shini haʼaŋ pugu chīi nɛ, ndɔ pugu ni ŋkhwā chɔmbhi yugu wuʼɔ shɨgɛi ti nchəɨŋ nthɨŋkwo ŋa mimfɛ pugu khu nthɛ vi.

Nnu Nōoŋ 2:7

“ ‘Ŋoŋ ŋa a fāʼo tə́nə nɛ, â yaʼo nnu ŋa Jijwɛ chhu ni pa chɔshi nɛ. Ni ŋoŋ ŋa a māʼaŋ ti ŋgaʼa nɛ, ǹshi mfɛ njɨ ghɔ nɔ jɨ nu ntíɛŋ llɔ ŋkuoŋ thɨ chɔmbhi, ŋa a pɔ moŋ nyìeŋ Minnwi nɛ.’