YUDAS 1:3 - Bahasa Manggarai New Testament

³ Asé-ka’én ata momang kéta laku! Rémé koé mping’g aku tulis latangt méu, kudut te selamak cama dité. Tulis ho’o daku latangt méu ali hus naig te toing méu, kudut mping koé kis cau imbi hitut poli tiba le sanggéd weki serani.

YUDAS 1:3 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 17:3

Tombo agu toi liha agu isé te Mésias hitu paka ta’ong susay agu mosé koléy oné mai ata mata, itu kali mai taé diha: “Ho’oy Mésias, ngong Mori Yésus ho’ot keréba laku oné méu.”

TOMBO PÉTÉ GORI DE RASUL-RASUL 18:28

Ai ali séméngak hia koléng ata Yahudi wa ranga data do agu si’ang taung liha oné mai Surak Nggeluk te Mori Yésus hitu Mésias.

TOMBO PÉTÉ GORI DE RASUL-RASUL 20:27

Ai aku toé manga ngondég te ba keréba sanggéd-taung ngoéng de Mori Keraéng latang te méu.

TOMBO PÉTÉ GORI DE RASUL-RASUL 28:28

Landing hitu paka pecing le méu, te selamak hitut mai oné mai Mori Keraéng ho’o, keréba oné wa’u bana agu isé te séngét.” [

TOMBO PÉTÉ GORI DE RASUL-RASUL 4:12

Toé manga selamak oné mai céi-céing kaut, hanang oné Hia, ai oné lino ho’o, toé manga ngasang cebana ata téi oné manusia, kudut le ngasang hitu ité haéng selamak.

TOMBO PÉTÉ GORI DE RASUL-RASUL 6:7

Reweng de Mori Keraéng tambang bekan, agu tambang kéta dod ata nungku oné Yérusalém, agu manga kolé imam situt condo wekid agu imbis.

TOMBO PÉTÉ GORI DE RASUL-RASUL 9:13

Mai taé di Ananias: “Mori, oné mai sanggéd ata, dengé laku ata hitu do kéta pandé da’atn kamping ata lut Ité oné Yérusalém.

TOMBO PÉTÉ GORI DE RASUL-RASUL 9:22

Maik kérong di Saulus tambang mésén agu hia pandé bules nai de sanggéd ata Yahudi situt ka’éng oné Damsyik, ai hia téing tanda te Mori Yésus hitu Mésias.

1 KORINTUS 15:3

Ai ata céwé mésén polip laku tombon agu méu, apa ata poli tiba le weki rug, te hi Kristus polig matan landing ndékok dité lorong Surak Nggeluk.

GALATIA 2:5

Maik toé kéta teing pate lami te lorong isé, kudut Keréba Di’a hitu kong temer kin oné méu.

GALATIA 3:28

Itu tara, toég manga kolé woléngn, ata Yahudi ko ata Yunani, mendi ko ata toé mendi, ata rona ko iné-wai, ai sanggés taung méu ciri cam kali oné hi Kristus Yésus.

GALATIA 6:11

Lélo ga, mésé kétas hurup so’ot tulis daku latang te méu ali limé rug aku.

ÉFÉSUS 1:1

Oné-mai aku, hi Paulus, rasul di Kristus Yésus lorong ngoéng de Mori Keraéng, latang te méu sanggéd weki serani ata imbi hi Kristus Yésus oné béndar Éfésus.

PILIPI 1:1

Oné-mai hi Paulus agu hi Timotéus, mendi di Kristus Yésus. Latang te sanggéd ata nggeluk ata nai ca anggit agu hi Kristus Yésus oné Pilipi agu latang te diakon agu sanggéd ata lami weki serani.

PILIPI 1:27

Mosé de méu paka helek lorong Keréba Di’a di Kristus. Wiga, émé maik aku, ita laku; agu émé toé maik aku, dengé kin laku te méu cedek kis hesés oné nai ca anggit agu tuka ca léléng te rébok latang te imbi hitut todo oné mai Keréba Di’a.

KOLOSÉ 1:2

Latang te méu, weki serani agu ata nai ca anggit agu hi Kristus oné béndar Kolosé. Widang agu hambor-libur oné-mai Mori Keraéng, Ema dité, loréng méuy.

TÉSALONIKA 2:2

Maik ného hitut baé de méu, be-olon mai dami kamping méu oné Tésalonika, ami poli hena le wahéng agu lengga latagm oné Filipi. Maik ali campé de Mori Keraéng dité, ami rani-naigm latang te wéro Keréba Di’a oné méu ali mping kéta gorigm.

2 TIMOTÉUS 1:18

Timotéus, anak daku. Ho’oy perénta daku latangt hau, kopn agu tombo ata poli caingd le sanggéd nabi oné asé-kaé ca imbi. Pandé le hau pedé hitu te ciri bokong laing oné tili-mpoét ata di’an le imbi agu ici nai ata nggélokn.

2 TIMOTÉUS 6:12

Rié koém oné imbi ata molor, rumbu koé le méu mosé tédéng lén. Latang te hitu hau tara béntam agu poli wérét le hau reké ata molorn, olo-mai ranga data saka-si do.

2 TIMOTIUS 1:13

Cau le hau sanggéd cao-ca ata poli dengéd oné-mai aku, te ciri toming toing ata molord. Pandés le hau situ le imbi agu momang oné hi Kristus Yésus.

TITUS 1:4

Titus, hau tu’ung-tu’ung anak daku, ai hau agu aku cama-cama imbi oné Mori Yésus. Bengkes daku, nahé Mori Keraéng Ema agu hi Kristus Yésus Raja Ata Sambé dité téing berkak agu hambor-libur oné hau.

IBRANI 13:22

Aku pedé méu asé-ka’én, kudut sanggéd toing so’o tiba le méu ali lilek de nais, koném po wokokn surak daku ho’o.

IBRANI 6:9

Asé-ka’én, ata momang lami, koném po ami curup nenggitukm latang te méu, imbi lami te méu haéng paéng cao-ca ata céwé di’an ata ngancéng pandé selamak laing.

1 PETRUS 5:12

Létang li Silwanus asé-ka’é ca imbi ata junggu, tulis wokok kaut laku surak ho’o latang te méu. Kudut toing agu imbi le méu, te ho’oy widang ata tu’ung-tu’ung oné-mai Mori Keraéngn. Hesé lencek koém oné widang hitu!

2 PÉTRUS 1:1

Oné-mai hi Simon Pétrus, mendi agu rasul di Yésus Kristus; latang te méu ata cama-cama agu ami tiba imbi landing agil de Mori Keraéng agu hi Yésus Kristus, Ata Sambé dité.

2 PÉTRUS 2:21

Landing hitu, céwé di’an isé situ toé dé’it pecing po pecing Salang Molor, maik poli hitu holés kolé oné-mai perénta de Mori Keraéng hitut keréba oné isé.

YUDAS 1:1

Oné-mai hi Yudas, mendi de Mori Yésus Kristus agu asé-ka’é di Yakobus. Latang te isét poli piléd, ata momang le Mori Keraéng Ema agu sémbéng le Mori Yésus Kristus.

YUDAS 1:17

Asé-ka’é ata momang laku! Idep koé apa ata poli tombod oné méu danong le sanggéd rasul di Yésus Kristus Mori dité.

YUDAS 1:20

Asé-ka’én ata momang laku! Mbo koé mosés lut imbis oné hi Kristus agu ngaji koém oné Nai Nggeluk.

WIDANG SI’ANG ONÉ HI YOHANÉS 12:11

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.