YOHANÉS 9:5 - Bahasa Manggarai New Testament

⁵ Du rémé manga oné linog Aku, Akuy gérak de lino.”

YOHANÉS 9:5 ပူးပေါင်းရင်းမြစ်များ

YOHANÉS 8:12

Mori Yésus curup koléy oné isé, mai taéN: “Akuy de gérak de lino; céing-céing ata lut Aku, ata hitu toé manga lako oné nendepn, maik manga gérakn oné mosén.”

YOHANÉS 12:46

Aku poli wa’u oné lino ho’og ného gérak, kudut néténg ata situt imbi Akus, néka ka’éng oné nendeps.

TOMBO PÉTÉ GORI DE RASUL-RASUL 13:47

Ai ho’o perénta de Mori Keraéng oné ami: Aku poli pilé hau ciri gérak latang te wa’u bana, kudut hau ba selamak oné temu tana lino.”

ÉFÉSUS 5:14

Itu tara mangan curup nenggo’o: “Welam ga, oé méut toko, agu to’om ga oné-mai ata mata, ai hi Kristus te pandé gérak méuy.”

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

WIDANG SI’ANG ONÉ HI YOHANÉS 21:23

Béndar hitu toé manga sékék mata leson agu wulang latang te néran, ai mengit de Mori Keraéng pandé néran agu Anak Jimbal hitu luing lampun.

MATÉUS 4:16

uku ata sedep oné nendep itag lisé gérak mésé agu latang te isé siot kumbu le susa polig téa le gérak.”

TOMBO PÉTÉ GORI DE RASUL-RASUL 26:23

te Mesias paka ta’ong susay, agu te Hia ata laring cain ata to’o kolé oné mai ata matan agu te Hia ata keréba néra latang te wa’u ho’o agu latang te wa’u bana.”

LUKAS 2:32

ngong gérak hitut ciri si'ang latang té uku bana, agu ciri bong laing latang te ro’éngm Israél.”

MATÉUS 5:14

Méu dé gérak de lino. Béndar ata hesé éta pocoy, toé kong panggun.