YOHANÉS 8:52 - Bahasa Manggarai New Testament

⁵² “Ho’og pecingn lami, Hau hena le jing da’at. Ai hi Abraham polig matan, nenggitu kolés sanggéd nabi, maik mai taé de Hau: Céing ata lut reweng Daku, toé manga matan dengkir lén.

YOHANÉS 8:52 ပူးပေါင်းရင်းမြစ်များ

MATÉUS 11:18

Soho mai di Yohanés, toé hang agu toé inung maig taé disé: Hia hena le jing da’aty.

YOHANÉS 1:19

Ho’oy dé sakasi di Yohanés du ata Yahudi oné béndar Yérusalém wuat pisa taus imam agu ata Léwi kamping hia, kudut te réi: “Céing léng hau?”

YOHANÉS 14:23

Mai walé de Mori Yésus: “Émé ca ata momang Akuy, hia te lorong curup Dakuy, Ema Daku te mohas hiay, agu Ami te mai oné hiakm agu ka’éng cama laing agu hiakm.

YOHANÉS 15:20

Nuk dé apa hiot poli taé Laku agu méu: Cengata mendi toé kéta céwé teke éta oné mai morin. Émé isé poli pandé da’at Akud, isé kolé te pandé da’at méu; émé isé poli lut reweng Dakud, isé kolé te lut taé de méus.

YOHANÉS 17:6

Aku poli toi ngasang Dité oné sanggéd ata situt téing Lités agu Aku oné mai lino ho’o. Isé situ, Dités morid, agu Ité poli téing isé oné Aku, agu isé lut tu’ung curup Dités.

YOHANÉS 7:20

Mai wantil data do situ: “Hau hena le koro de jing da’at; céingy ata kudut te ala Hau?”

YOHANÉS 8:22

Wiga maig taé disét Yahudi situ: “Asa kudut te ala le weki Run Hia, itu tara nggo’o taén: Oné osang baté ngo Daku, toé kéta ngancéng ngos méu?”

YOHANÉS 8:48

Sanggéd tu’a data Yahudi koléng Mori Yésus: “Toé weli tu’ung taé dami te Hau ata Samariah agu hena le jing da’ath?”

YOHANÉS 8:51

Aku curup agu méu ata tu’ungn kéta, céing ata lut reweng Daku, hia toé manga matan dengkir lén.” Mai kolé walé de tu’a data Yahudi situ ngong Hia:

YOHANÉS 8:55

égém toé pecing le méu Hia, maik Aku pecing Hiak, agu émé nggo’o taé Daku: Aku toé pecing Hiak, Aku ho’o ata nggopét, cama ného méu, maik Aku pecing Hiak, agu Aku lut reweng Dihak.

YOHANÉS 9:24

Itu kali bénta kolé te suangkalin ata hitut baon butay, mai taéd ngong hia: “Curup kéta ata tu’ungn oné ranga de Mori Keraéng; Pecing lami hia hitu ata ndékoky.”

IBRANI 11:13

Oné imbi, sanggéd taung isé siot poli carod éta hio bao, polis matad ga. Sanggéd isé situ, toé manga tiba apa hitut poli reké de Mori Keraéng, maik lélo tadang main kaut agu soé kaut liméd. Ali hitu, tura lisé te isé ata long agu mbéot oné lino ho’o.

IBRANI 2:9

Ata ita dité kali, te Mori Yésus cerepa-mata kauty céwé radak oné-mai sanggéd malékat. Ali susa mésé, Hia te pandé lonto oné osang mengit agu hiang kéta. Landing le tabing de Mori Keraéng, Hia matay latang te sanggén manusia.