YOHANÉS 8:2 - Bahasa Manggarai New Testament

² Du le gula ucap, Hia manga koléy oné Mbaru de Mori Keraéng, agu sanggéd taung ro’éng mai oné Hias. Hia lontoy agu toing isé.

YOHANÉS 8:2 ပူးပေါင်းရင်းမြစ်များ

MATÉUS 26:55

Du hitu mai taé de Mori Yésus ngong ata do situ: “Nuk de méu aku ho’o ata tako mésé, wiga méu améng taung sempilang agu semambus te deko Aku? Égém Aku néténg leso lonto toing atak oné Mbaru de Mori Keraéng, maik méu toé deko Akum.

LUKAS 21:37

Le leso Mori Yésus toing oné Mbaru de Mori Keraéng, agu le wié Hia ngo be pé’ang agu toko éta pocoy, hitut ngasangn Golo Zaitun.

LUKAS 21:38

Agu le gula ucap, sanggéd ata do mai cé’é Hias, oné Mbaru de Mori Keraéng kudut séngét toing Dihas.

LUKAS 4:20

Poli hitu tadu Liha buku hitu, téing kolé oné hiat caun, itug kali lonton; lepot oné Hia taungs mata disét manga oné Mbaru ngaji hitu.

LUKAS 5:3

Hia léti oné can wangka situ, wangka di Simon, agu jera hia kudut dur oné koéy cekoén, tadang oné mai lupi sano. Itug kali lonton Hia agu toing ata do situ éta mai wangkan.

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

YOHANÉS 8:20

Sanggéd curup situ tombo le Mori Yésus ruis baté na’a cao-ca du Hia rémé toing oné Mbaru de Mori Keraéng. Agu toé manga cengatan te deko Hia, ai toéd cai leson.

YOHANÉS 8:3

Mai isét pecing Taurat agu ata Parisi dadé nggere-oné Hia cengata inéwai ata regéng lisé du loma latay.

TOMBO PÉTÉ GORI DE RASUL-RASUL 5:21

Du poli dengé pedé hitu, du gérak tana, ngos isé oné Mbaru de Mori Keraéng, itus kali toing atad nitu. Du hitu kolé Imam Mésé agu sanggéd ata lutn jera nempung taungs sanggéd Adak Agama, sanggéd ata tu’an wa’u Israél, agu jera lisé, dadés rasul-rasul situ oné mai buid.