YOHANÉS 7:36 - Bahasa Manggarai New Testament

³⁶ Apa weli betuan taé Diha te nggo’o: Méu te kawé Akum, maik méu toé ngancéng cumang Akum, agu: méu toé ngancéng ngo oné osang baté ka’éng Dakum?”

YOHANÉS 7:36 ပူးပေါင်းရင်းမြစ်များ

YOHANÉS 12:34

Mai walé data do situ: “Ami poli dengé oné mai adak Taurat, te hi Mésias mosé tédéng lén. Co’o kéta molég néng taé de Hau te Anak Manusia paka téti nggere-étay? Céing néng Anak Manusia hitu?”

YOHANÉS 13:33

Ngong sanggés méu anak Daku, téké cekoén kali ga, Aku manga cama agu méuk. Méu te kawé Akum agu ného hiot poli taé Laku agu ata Yahudi: Oné osang ngo Daku, toé kéta ngancéng méu ngos, nenggitu kolé néng taé muing Laku te ho’on agu méu.

YOHANÉS 3:4

Mai taé di Nikodémus ngong Hia: “Co’o ngancéng ata te loas koléy émé hia tu’a gi? Ngancéng weli hia ngo kolé oné tuka de endén kudut loas koléy?”

YOHANÉS 3:9

Mai walé di Nikodémus, taén: “Co’o kéta moléy jarin apa hitu?”

YOHANÉS 6:41

Itug kali ndu’usd ata Yahudi landing Hia, ai poli taé Diha: “Akuy roti hitut wa’u éta mai Surga.”

YOHANÉS 6:52

Sanggéd ata Yahudi léwang cama taud, agu mai taéd: “Co’oy Hia ho’o ngancéng téing weki'N te hang dité?”

YOHANÉS 6:60

Du poli dengéd taung tombo situ, dod ata nungku de Mori Yésus ata curup nenggo’o: “Curup ho’o cirang kéta bailn, céing ata ngancéng ta’ongn te séngétn?”

YOHANÉS 7:34

Méu te kawé Akum, maik méu toé ita Akum ai méu toé ngancéng ngo oné osang baté ka’éng Daku.”

YOHANÉS 8:21

Mai kolé taé de Mori Yésus agu isé: “Aku kudut ngok ga, agu méu kudut kawé Akum, maik méu te mata oné ndékoks. Oné osang baté ngo Daku, toé ngancéng ngos méu.”

1 KORINTUS 2:14

Maik manusia siot paéng de lino ho’o toé tiba apa ata mai oné-mai Nai Nggeluk, ai le nuk nai disé, widang hitu néhot pandé bodok laing, agu isé toé ngancéng pecing, ai nggalas hitu ngancéng wolo’n hanang le widang de Nai Nggeluk.