YOHANÉS 6:2 - Bahasa Manggarai New Testament

² Do kétas ata londang lut Hia, ai ita lisé tanda lenget situt pandé Diha latang te isét beti.

YOHANÉS 6:2 ပူးပေါင်းရင်းမြစ်များ

MATÉUS 13:2

Itug kali cewurd maid ata do agu hesé rentum léok Hias, wiga Hia ngo léti wangka agu lonto nituy, maik ata do situ hesé pé’ang lupi sanos.

MATÉUS 14:14

Du wa’un Mori Yésus, itas Liha ata do situ monggur-kouk, itug kali pa’u nain le momang iséy agu Hia pandé inas isét beti.

MATÉUS 8:1

Du poli kolén Mori Yésus éta mai golon, dod ata lako londang, lut Hia.

MARKUS 1:45

Maik ata hitu ngo wéro-émbon pandé hitu agu tombo taung néténg ata, wiga Mori Yésus toé ngancéng kolé liba si’ang kétay nggere-oné béndar. Hia ka’éng bepé’angy oné osang ata lik mentuk kétay; koném nenggitu mai kéta kid ata do oné Hia, oné mai temu tana.

MARKUS 6:33

Maik du ngod isé, do kéta ata ita isé agu pecing nggere-nias ngod. Wajo kaut lako loléng sanos, rodo tuad maid ata do oné mai sanggéd béndar nggere-oné osang hitu wiga cai olos.

YOHANÉS 11:47

Itug kali isét imam kepala agu ata Parisi bénta Adak Agama kudut neki weki, mai taéd: “Co’o kali pandé dité ga? Ai ata hitu do pandé tanda lengetn.

YOHANÉS 12:18

Ali hitu ata do situ ngo curu Hias ai dengé lisé, Hiay hitut pandén tanda lenget situ.

YOHANÉS 12:37

Koném dod tanda lenget pandé le Mori Yésus wa ranga disé, maik toé kin imbi lisé Hia,

YOHANÉS 2:11

Tanda lenget hitut pandé le Mori Yésus oné Kana, tana Galiléa, ata te laring cain oné mai sanggéd tanda lenget Diha. Agu le hitu Hia pandé bong ngasang’N agu sanggéd ata nungku’N imbi Hias.

YOHANÉS 2:23

Agu du ngai oné Yérusalém’n Hia tédéng ramé Paska, do kéta ata imbi laing ngasang Diha, ai isé poli ita sanggéd tanda ata pandé Diha.

YOHANÉS 20:30

Bo ngai dod tanda lenget bana ata pandé de Mori Yésus wa ranga data nungkun, ata toé tulis oné buku ho’os,

YOHANÉS 3:2

Hia mai le wiéy oné Mori Yésus, agu mai taén: “Rabi, baé lami, te Ité mai ného Guru ata wuat le Mori Keraéngt; ai toé kéta manga cengatan ata ngancéng pandé tanda lengét ného pandé Dité hitu, émé toé kempéng le Mori Keraéng.”

YOHANÉS 6:14

Du poli itan lata do situ tanda lenget ata pandé Diha, mai taéd: “Hia ho’o tu’ung kéta nabi hitut mai oné tana linoy.”

YOHANÉS 6:22

Ného diangn, lawa do situt ngai ka’éng besinad toég manga itan lisé wangka, maik hio ca kali bao. Mori Yésus toé léti cama oné wangka hitut léti data nungku'N, maik ata nungku'N kanang situt ngo.

YOHANÉS 6:26

Mai walé de Mori Yésus: “Aku taé agu méu, moro matan, kawé Aku de méu, toé landing le ita tanda lenget situ, maik ali méu poli hang roti situ agu becurm.

YOHANÉS 6:30

Mai kolé réi disé: “Tanda apa kéta pandé Dité kudut ita lami, kudut ami imbi Itékm? Gori apa kéta hitut pandé Dité?