YOHANÉS 4:34 - Bahasa Manggarai New Testament

³⁴ Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

YOHANÉS 4:34 ပူးပေါင်းရင်းမြစ်များ

MATÉUS 26:39

Itu kali Hia lako nggere-olo cekoén, tikuly agu ngaji, mai taéN: “Yo Ema, Emét ngancéng kéta, co’om laun piala séang ho’o oné mai Akun; landing néka ného hitut ngoéng Daku, maik lorong hitut baté ngoéng Dité.”

MATÉUS 3:15

Mai wantil de Mori Yésus agu hia, taén: “Kong jarid sanggéd situ, ai nenggitu muing ata kopn lité kudut rapak sanggéd ngoéng de Mori Keraéng.” Lorong kaut Hia li Yohanés.

MATÉUS 9:19

Og ngon Mori Yésus cama laing agu ata hitu agu ata nungku Diha.

LUKAS 15:10

Aku taé agu méu: Nenggitu kolé nakad sanggéd malékat de Mori Keraéng, landing tesérn cengata ata ndékok.”

LUKAS 19:10

Ai main Anak Manusia te kawé agu te selamak ata situt moras.”

LUKAS 2:49

Mai walé Diha ngong isé: “Co’o néng tara kawé Akus méu? Toé néng pecing le méu, te Aku paka manga oné Mbaru de Emag?”

YOHANÉS 17:4

Aku poli bong Ité oné lino ho’o, ali poli pandéd gori situt téing Lité agu Aku te wintuks.

YOHANÉS 19:28

Poli hitu, ai pecing le Mori Yésus, te sanggéd cao-ca polis ga, maig taéN: Kudut cai olod situt tulis oné Surak nggeluk: “Aku masa waék.”

YOHANÉS 19:30

Du poli inung anggor héo hitun Mori Yésus, mai taéN: “Poli ga!” Itug kali tenggukn sa’iN agu beté naiN.

YOHANÉS 4:32

Maik mai taé Diha ngong isé: “Oné Aku manga hang ata toé baéy le méu.”

YOHANÉS 5:30

Aku toé ngancéng pandé apa-apa oné mai weki rug; Aku beté bicar lorong apa ata poli dengé Daku, agu beté bicar Daku agiln ai Aku toé lorong ngoéng de weki Rug, maik lorong ngoéng Diha hitut wuat Aku.

YOHANÉS 5:36

Maik manga ca kétay sakasi Daku ata céwé mésén oné mai sakasi di Yohanés, ngong sanggéd taung gori ata poli téing li Ema kamping Aku, kudut pandés Laku. Gori situ kolé ata pandé Daku te ho’on, agu sanggéd pandé Daku situ te téing sakasi latang te Aku, te Aku ho’o wuat le Ema'G.

YOHANÉS 6:33

Ai roti hitut oné mai Mori Keraéng, hituy roti ata wa’u éta mai Surga agu téing mosé oné lino.”

YOHANÉS 6:38

Ai Aku poli wa’u éta mai Surga, toé kudut pandé lorong ngoéng Daku, maik kudut lorong Hia hitut poli wuat Aku.

YOHANÉS 8:29

Hia hitut poli wuat Aku, Hia kempéng Akuy. Hia toé ondang Aku hanang koég, ai Aku pandé taung situt henan oné nai Diha.”

TOMBO PÉTÉ GORI DE RASUL-RASUL 20:35

Oné sanggén cao-ca poli taung toming laku agu méu, te ali gori nenggitu ité paka campé sanggéd ata les agu paka nuk curup de Mori Yésus, ai weki Run Hia poli taé: Céwé di’a téing itu po tiba.”

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.