YOHANÉS 4:11 - Bahasa Manggarai New Testament

¹¹ Mai taéd inéwai hitu kamping Hia: “Mori, Ité toé manga émbér té tékun agu délemn perigi ho’o; mai nia main Lité paéngn waé mosé hitu?

YOHANÉS 4:11 ပူးပေါင်းရင်းမြစ်များ

1 KORINTUS 2:14

Maik manusia siot paéng de lino ho’o toé tiba apa ata mai oné-mai Nai Nggeluk, ai le nuk nai disé, widang hitu néhot pandé bodok laing, agu isé toé ngancéng pecing, ai nggalas hitu ngancéng wolo’n hanang le widang de Nai Nggeluk.

YOHANÉS 3:4

Mai taé di Nikodémus ngong Hia: “Co’o ngancéng ata te loas koléy émé hia tu’a gi? Ngancéng weli hia ngo kolé oné tuka de endén kudut loas koléy?”

YOHANÉS 4:14

maik céing kaut ata inung waé ata kudut téing Laku agu hia, hia toé masa koléy tédéng lén, maik waé ata kudut téing Daku agu hia, kudut ciri mata waé oné weki dihay ata mboas molém taung dengkir tédéng lén.”

YOHANÉS 7:37

Du leso cemoln hitu kétag adak mésé hitu, hesé Mori Yésus agu mai taéN: “Céing-céing ata masa waéy, co’om mai inung oné Akuy!

TOMBO PÉTÉ GORI DE RASUL-RASUL 10:14

Maik mai taé di Pétrus: “Toé oo Mori, ai aku toé dé’it laséng hang apa kaut ata ireng agu rinek.”

WIDANG SI’ANG ONÉ HI YOHANÉS 7:17

Ai Anak Jimbal hitut oné bahi-réha seriga hitu te lami iséy. Hia te émba isé nggere-oné ulu waé ata téing mosé. Mori Keraéng te koso sanggéd lu’u mata disé.”

WIDANG SI’ANG ONÉ HI YOHANÉS 21:6

Ce duangn kolé curupN, “Sanggéd taung, polig jarid. Akuy dé Alfa agu Oméga, Du Wangkan agu Du Cemoln. Ata masa waé, téing bod kaut laku te inung oné-mai ulu waé mosé.

WIDANG SI’ANG ONÉ HI YOHANÉS 22:1

Itug kali toin liha oné aku ngalor waé mosé oné be réha salang de béndar hitu, ata cino ného watu nggireng wa’a oné-mai seriga de Mori Keraéng agu seriga de Anak Jimbal.

WIDANG SI’ANG ONÉ HI YOHANÉS 22:17

Taé de Nai Nggeluk agu haé-kilo de Anak Jimbal, “Mai ga!” Céing ata dengén, poro taé kolé liha, “Mai ga!” Céing ata masa waé, mai ga. Céing ata ngoéng te inung, inung kaut waé mosé hitu!