YOHANÉS 3:6 - Bahasa Manggarai New Testament

⁶ Manusia loas oné mai ata tu’an, ata serani loas oné mai Nai Nggeluk.

YOHANÉS 3:6 ပူးပေါင်းရင်းမြစ်များ

YOHANÉS 1:13

ata situt dading toé oné mai dara ko oné mai humer de nai, toé kolé landing le ngoéng de cengata ata rona, maik oné mai Mori Keraéngn.

YOHANÉS 3:7

Néka lenget laing le hau émé nggo’o taé Daku agu hau: méu paka loas kolém.

ROMA 7:18

Ai pecing laku, te oné aku manusia lunggu-lepé ho’o toé manga can ata di’an. Ai bo get ata di’an manga oné aku, maik toé pandé laku.

ROMA 7:25

Hi Yésus Kristus, Mori dité! Wali di’a kamping Mori Keraéng!

ROMA 7:5

Ai danong, du ité lari moséd lorong belek de weki, nanang kéta te pandé ndékok ata katéng le wintuk Taurat oné weki dité, wiga cemoln mata laing latang te ité.

ROMA 8:13

Ai émé mosé de méu lorong belek de weki, méu te matam. Maik émé le kuasa de Nai Nggeluk méu pandé mata sanggéd belek de wekis, méu te mosém.

1 KORINTUS 6:17

Maik céi ata ulu-pukul agu Mori Yésus ciri ca nai agu Hia.

2 KORINTUS 5:17

Jari, céi ata manga oné hi Kristus, hia ata dédék weru: Hiat mangan laun ga, agu hitut weru polig cain.

GALATIA 5:24

Céing kaut ata ciri paéng di Kristus Yésus, hia poli panggol wekin agu sanggéd belek da’atn agu ngoéng don.

ÉFÉSUS 2:3

Bo danong sanggéd taung ité cama kolé ného isé. Du hitu mosé dité lut kaut belek da’at de weki agu nai dité. Ce-tu’ungn ité du hitu hena le rabo de Mori Keraéng cama ného ata bana situ.

KOLOSÉ 2:11

Ai nai ca anggit agu hi Kristus, méu poli sunats: toé ali sunat hitut pandé le manusia, maik ali sunat di Kristus hiot pandé céla meu one-mai belek de wekis hitut ndékok.

1 YOHANÉS 3:9

Néténg ata siot loas oné-mai Mori Keraéngd, hia toé ruda olo pandé ndékok, ai gauk de Mori Keraéng manga oné hiay. Hia toé tédéng pandé ndékok, ai hia loas oné-mai Mori Keraéngn.