YOHANÉS 3:34 - Bahasa Manggarai New Testament

³⁴ Ai céing ata wuat le Mori Keraéng, Hia ata caingn reweng dé Mori Keraéng, ai Mori Keraéng widang Nai Nggeluk toé manga beténgn.

YOHANÉS 3:34 ပူးပေါင်းရင်းမြစ်များ

MATÉUS 12:18

“Lélo ga, hitu Mendi ata pilé Rug ata momang Laku, hitut oné, Hia henan wakar Daku; Aku te na’a Naig nggeréta Hia, agu Hia caing bati agil oné uku do.

LUKAS 4:18

“Nai de Mori Keraéng manga oné Akuy, ali Hia palas Akuy, kudut caing keréba di’a oné ata lénggé; agu Hia poli wuat Akun

YOHANÉS 1:16

Ai oné mai penongN, sanggéd ité poli tiba widang momang lawang widang mohas;

YOHANÉS 15:26

Émé mai Hiat campé hitut kudut katu Laku oné mai hi Ema, ngong “Nai Molor” ata pé’ang oné mai hi Eman, Hia te sakasi latang te Aku.

YOHANÉS 16:7

Maik tu’ung kéta ho’ot taé Daku agu méu: Céwé di’an latang te méu émé ngok Aku. Ai émé toé ngok Aku, Hiat campé toé mai cé’é méuy; maik émé ngok Aku, Aku te wuat Hia mai nggere-cé’é méuy.

YOHANÉS 3:17

Ai Mori Keraéng susung Anak'N oné lino toé te toto bicar de lino, maik te pandé selamaks Liha.

YOHANÉS 5:26

Ai cama ného hi Ema manga mosé oné weki de Run, nenggitu kolé téing Liha oné Anak manga mosé oné weki de Run.

YOHANÉS 7:16

Mai walé de Mori Yésus agu isé: “Toing Daku toé oné mai weki Rug, maik oné mai Hiat wuat Akuy.

YOHANÉS 8:40

Maik méu kudut te mbelé Akum, Aku ata tombo molor oné méu, molor hitut dengé Laku oné mai Mori Keraéng; gori nenggitu toé manga pandé li Abraham.

YOHANÉS 8:47

Céing ata mai oné mai Mori Keraéngn, hia séngét reweng de Mori Keraéngy, ali hitu le méu tara toé séngéd, ai méu bom mai oné mai Mori Keraéngs.”

TOMBO PÉTÉ GORI DE RASUL-RASUL 1:2

haéng du leso héndéngN nggere-éta Surga. Bebolon mai hitu Hia poli téing perénta lut Nai Nggeluk kamping sanggéd rasul situt pilé Diha.

TOMBO PÉTÉ GORI DE RASUL-RASUL 10:38

ngong latang te Mori Yésus oné mai Nasarét: Co’o Mori Keraéng palas Hia ali Nai Nggeluk agu ali kuasa. Hia lako-léok béoy, cang agu pandé di’ay agu pandé ina sanggéd ata situt hena le jing da’at, ai Mori Keraéng loréng Hiay.

ROMA 8:2

Ai wintuk de Nai Nggeluk hitut téi mosé, poli ledo hau lut hi Kristus Yésus oné mai wintuk hitut ba ndékok agu mata.

ÉFÉSUS 3:8

Aku ho’o dé ata céwé bocikn oné-mai sanggéd taung weki serani. Maik Mori Keraéng téing aku widang ho’o: gori kudut wéwa Keréba Di’a oné sanggéd ata toé Yahudi latang te bora di Kristus ata toé ngancéng taungd.

KOLOSÉ 1:19

Ai sanggén taung besik de Mori Keraéng manga taungs oné weki de AnakN.

KOLOSÉ 2:9

Ai nai de Mori Keraéng ka'éng oné hi Kristus, ngong oné wekiN hitut ita le matay.

WIDANG SI’ANG ONÉ HI YOHANÉS 21:6

Ce duangn kolé curupN, “Sanggéd taung, polig jarid. Akuy dé Alfa agu Oméga, Du Wangkan agu Du Cemoln. Ata masa waé, téing bod kaut laku te inung oné-mai ulu waé mosé.

WIDANG SI’ANG ONÉ HI YOHANÉS 22:1

Itug kali toin liha oné aku ngalor waé mosé oné be réha salang de béndar hitu, ata cino ného watu nggireng wa’a oné-mai seriga de Mori Keraéng agu seriga de Anak Jimbal.