YOHANÉS 3:3 - Bahasa Manggarai New Testament

³ Mai walé de Mori Yésus, taén: “Aku curup agu hau, moro matan, émé cengatan ata toé loas koléy, hia toé ngancéng itan Adak de Mori Keraéng.”

YOHANÉS 3:3 ပူးပေါင်းရင်းမြစ်များ

MATÉUS 16:17

Mai walé de Mori Yésus ngong hia: “Mosé di’a hau Simon Bin Yunus, ai toé manusia hitut taé agu hau, maik Ema Daku hitut éta Surga.

MATÉUS 19:24

Te cengkalin kolé Aku taé agu méu, céwé émong can kaba ngo nggeroné lewo jarum itu po can ata bora ngo oné osang Surga.”

MATÉUS 21:31

Céing weli oné mai isét sua situ ata pandé lorong wintuk de emad?” Mai walé disé: “Hiat laring cain.” Mai taé de Mori Yésus ngong isé: “Aku taé agu méu, moro matan, ata tegi béa agu inéwai mbérong bolo mai méu ngo oné Mbaru de Mori Keraéng.

MATÉUS 5:18

Landing taé Daku agu méu, ata tu’ungn rémé toéd moran awang agu lino ho’o, koném te ca wuku miténgn kaut toé ngancéng moran oné mai Adak Taurat, du toéd jari taung situ.

MARKUS 10:14

Du ita hitu le Mori Yésus, rabo kolé Hia agu mai taén agu isé: “Ondangs anak koé situ mai cé’é Akud, néka cakas isé, ai ata cama ného anak koé so’o kali paéngn Adak de Mori Keraéng.

MARKUS 9:47

Agu émé matam pandé ndékok hauy, nggé’iy, ai céwé di’am hau ngo nggere-oné Adak de Mori Keraéng déméng mata cam, po déméng mata suam maik oké nggere-wa neraka,

YOHANÉS 1:13

ata situt dading toé oné mai dara ko oné mai humer de nai, toé kolé landing le ngoéng de cengata ata rona, maik oné mai Mori Keraéngn.

YOHANÉS 1:5

Gérak hitu néra oné nendepy agu nendep hitu toé ngancéng koda Hian.

YOHANÉS 1:51

Poli hitu taé le Mori Yésus oné hia: “Aku tombo agu hau, moro matan, ata tu’ungn hau te ita léngay awang, agu sanggéd malékat de Mori Keraéng nggere-wa nggere-étas mai cé’é Anak Manusia.”

YOHANÉS 12:40

“Hia poli pandé buta matad, agu tadu salang naid kudut néka ita le matad agu néka idep oné naid, itu kali holés, wiga Aku pandé ina isék.”

YOHANÉS 3:4

Mai taé di Nikodémus ngong Hia: “Co’o ngancéng ata te loas koléy émé hia tu’a gi? Ngancéng weli hia ngo kolé oné tuka de endén kudut loas koléy?”

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

2 KORINTUS 5:17

Jari, céi ata manga oné hi Kristus, hia ata dédék weru: Hiat mangan laun ga, agu hitut weru polig cain.

GALATIA 6:15

Ai sunat ko toé sunat, toé manga betuan, maik ciri manusia weru, hitu kali ata manga betuan.

ÉFÉSUS 2:1

Danong méu poli matas landing le lagéng agu ndékoks.

TITUS 3:5

Hia poli sambé itén, toé landing le pandé di’a dité, maik landing le weki Run Hia poli momang itéN. Hia sambé ité létang le Nai Nggeluk ata pandé nggélok nai dité, ngong pandé célung taung mosé dité le ba weki ata werun.

JAMES 3:17

Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

1 PETRUS 1:3

Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,

1 YOHANÉS 2:29

Émé pecing le méu te hi Kristus hitu ciri Anak le pandé molor, méu paka pecing kolé, te sanggéd ata situt pandé molor loas oné-mai Mori Keraéngd.

1 YOHANÉS 3:9

Néténg ata siot loas oné-mai Mori Keraéngd, hia toé ruda olo pandé ndékok, ai gauk de Mori Keraéng manga oné hiay. Hia toé tédéng pandé ndékok, ai hia loas oné-mai Mori Keraéngn.

1 YOHANÉS 5:1

Céing kaut ata imbi te Mori Yésus hitu hi Kristus, ata hitu loas oné-mai Mori Keraéngn. Céing ata momang Mori Keraéng, hia kolé momang isét loas oné-mai Mori Keraéngd.

1 YOHANÉS 5:18

Pecing lité te néténg atat loas oné-mai Mori Keraéng toé ruda olo pandé ndékok, ai Anak de Mori Keraéng sémbéng hiay agu toé ngancéng cegotn le jing da’at.

1 YOHANÉS 5:4

Ai sanggéd ata loas oné-mai Mori Keraéngd, ngancéng pandé koda lino ho’o. Ali imbid, tara ngancéng pandé kodan lité lino ho’o.

WIDANG SI’ANG ONÉ HI YOHANÉS 3:14

“Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.