YOHANÉS 2:4 - Bahasa Manggarai New Testament

⁴ Mai taé de Mori Yésus agu hia: “Apa weli ngoéng dité oné mai Aku endé? Toép di rapak lesog Aku.”

YOHANÉS 2:4 ပူးပေါင်းရင်းမြစ်များ

MATÉUS 15:28

Og walén le Mori Yésus agu mai taén ngong hia: “Oé endé, mésén tu’ung imbi de hau, itu tara jarin, ného baté tégim.” Agu du hitu muing inan anakn.

MATÉUS 8:29

Isé situ ciéks taéd: “Te co’og ami Lité, oé Anak de Mori Keraéng? Cala mai Dité kudut wahéng ami bebolon cai wié leson?”

LUKAS 2:49

Mai walé Diha ngong isé: “Co’o néng tara kawé Akus méu? Toé néng pecing le méu, te Aku paka manga oné Mbaru de Emag?”

YOHANÉS 12:23

Mai walé de Mori Yésus, taéN: “Ho’og leson te bongy Anak Manusia.

YOHANÉS 13:1

Rémé nggitun du toéd pu’ung ramé Paska, poli pecing le Mori Yésus, caig leson kudut ngo oné mai lino ho’on nggere-éta hi Ema. Hia momang taungs ata paéngN oné lino ho’o, agu Hia momang isé dengkir agu cemol.

YOHANÉS 2:3

Du tiong te taungs anggor disé, mai taé de endé de Mori Yésus ngong Hia: “Taungs waé anggor disé ga.”

YOHANÉS 20:13

Mai taé de Malékat situ agu hia: “Endé, co’o tara rétangm hau?” Mai walé de Maria agu isé: “Mori daku polig emi latan, toé pecing kolé laku nia na’an Hia lata?”

YOHANÉS 20:15

Mai taé de Mori Yésus agu hia: Endé, co’o tara rétangm hau? Kawé céing hau?” Nuk di Maria ata hitu ata lami po’ong, mai taén ngong Hia: “Keraéng, émé ité hitut emi Hia, toi koé agu akuy niay wan na’an lité kudut ngancéng emin laku.”

YOHANÉS 7:30

Bo kudut te deko Hia lisé, maik toé kéta cengatan ata cadi Hian, ai toé di hitu leson.

YOHANÉS 7:6

Mai taé de Mori Yésus agu isé: “Leso Daku toéd caiy, maik latang te méu mangam taung linga.

YOHANÉS 7:8

Ngom ga oné ramé hitu, Aku toé ngok nitu, ai toé di rapak leso’G.”

YOHANÉS 8:20

Sanggéd curup situ tombo le Mori Yésus ruis baté na’a cao-ca du Hia rémé toing oné Mbaru de Mori Keraéng. Agu toé manga cengatan te deko Hia, ai toéd cai leson.

2 KORINTUS 5:16

Landing hitu, ami kolé toé wolo belar de cengata lorong wolo de manusia. Émé ami poli dé’it wolo belar hi Kristus lorong wolo de manusia, te ho'on ami toé kolé wolo belar nenggitu kamping Hia.