YOHANÉS 2:11 - Bahasa Manggarai New Testament

¹¹ Tanda lenget hitut pandé le Mori Yésus oné Kana, tana Galiléa, ata te laring cain oné mai sanggéd tanda lenget Diha. Agu le hitu Hia pandé bong ngasang’N agu sanggéd ata nungku’N imbi Hias.

YOHANÉS 2:11 ပူးပေါင်းရင်းမြစ်များ

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 1:17

ai Adak Taurat ata widang li Musa, maik widang momang agu ata molorn mai oné mai hi Yésus Kristus.

YOHANÉS 1:43

Ného diang leson kolé ga, Mori Yésus poli ngalis'N te ngo nggere-oné Galiléa, Hia cumang agu hi Pelipus, agu mai taén ngong hia: “Mai ga, lut Akuh!”

YOHANÉS 1:50

Walé de Mori Yésus, mai taéN: “Méséng tombo Laku agu hau: Aku ita hau wa mai pu’u haju ara, itu tara imbin le hau? Hau kudut te ita kolé apa ata céwé mésén oné mai hitu.”

YOHANÉS 10:41

Dod ata mai oné Hia, agu mai taéd: “Bo kali hi Yohanés toé manga pandé ca tanda lengetn maik sanggéd situ taé dé’its liha latang te ata ho’o, toé kéta manga salang be pé’angd.”

YOHANÉS 11:15

maik delék Laku woko toé mangak Aku du hitu, ai hitu céwé di’an latang te méu, kudut méu ngancéng imbim. Mai ga ité ngo sina hiat.”

YOHANÉS 11:47

Itug kali isét imam kepala agu ata Parisi bénta Adak Agama kudut neki weki, mai taéd: “Co’o kali pandé dité ga? Ai ata hitu do pandé tanda lengetn.

YOHANÉS 12:18

Ali hitu ata do situ ngo curu Hias ai dengé lisé, Hiay hitut pandén tanda lenget situ.

YOHANÉS 12:37

Koném dod tanda lenget pandé le Mori Yésus wa ranga disé, maik toé kin imbi lisé Hia,

YOHANÉS 12:41

Curup ho’o di Yésaya ai hia poli ita dirapn agu poli curup latang te Hian.

YOHANÉS 14:13

agu apa kaut ata tegi de méu le ngasang Daku, sendos Laku kudut Hi Ema bong oné Anaky.

YOHANÉS 16:27

ai weki Run hi Ema momang méu, ai méu momang tu’ung Aku agu imbi te Aku mai oné mai Mori Keraéng’g.

YOHANÉS 16:30

Ho’og pecingn lami, te Ité pecing sanggéd-ménan, agu te co’on ata réi oné Ité. Ali hitu tara imbin lami, te Ité mai éta mai Mori Keraéngd.”

YOHANÉS 2:1

Du leso te telun manga ramé kawing oné Kana hitut oné tana Galiléa, agu endé de Mori Yésus manga kolé nituy;

YOHANÉS 2:23

Agu du ngai oné Yérusalém’n Hia tédéng ramé Paska, do kéta ata imbi laing ngasang Diha, ai isé poli ita sanggéd tanda ata pandé Diha.

YOHANÉS 3:2

Hia mai le wiéy oné Mori Yésus, agu mai taén: “Rabi, baé lami, te Ité mai ného Guru ata wuat le Mori Keraéngt; ai toé kéta manga cengatan ata ngancéng pandé tanda lengét ného pandé Dité hitu, émé toé kempéng le Mori Keraéng.”

YOHANÉS 4:3

Hia néng ga legong tana Yudéa agu holés koléy nggere-oné tana Galiléa.

YOHANÉS 4:46

Og holés kolé nggere-oné Kana oné tana Galiléan Mori Yésus, oné béo hiot pandé Liha waé ciri anggor. Agu oné Kapérnaum manga cengata pegawé de raja ata rémé betin anakn.

YOHANÉS 4:54

Agu hitu dé tanda lenget te suan ata pandé de Mori Yésus du kolén oné mai Yudéa nggere-oné Galiléa.

YOHANÉS 5:23

kudut sanggéd ata situt hiang hi Anak cama ného hiang hi Ema. Céing kaut ata toé hiang hi Anak, cama ného toé hiang hi Emay hitut wuat Hia.

YOHANÉS 6:14

Du poli itan lata do situ tanda lenget ata pandé Diha, mai taéd: “Hia ho’o tu’ung kéta nabi hitut mai oné tana linoy.”

YOHANÉS 6:2

Do kétas ata londang lut Hia, ai ita lisé tanda lenget situt pandé Diha latang te isét beti.

YOHANÉS 6:26

Mai walé de Mori Yésus: “Aku taé agu méu, moro matan, kawé Aku de méu, toé landing le ita tanda lenget situ, maik ali méu poli hang roti situ agu becurm.

YOHANÉS 6:30

Mai kolé réi disé: “Tanda apa kéta pandé Dité kudut ita lami, kudut ami imbi Itékm? Gori apa kéta hitut pandé Dité?

YOHANÉS 7:31

Maik oné mai isét do situ, manga dod ata imbi Hia, agu mai taéd: “Émé cai hi Kristus, ngancéng kéta Hia pandé tanda lenget ata céwé do oné mai Hia ho’o?”

YOHANÉS 9:16

Mai kolé taéd ata iwod ata Parisi situ: “Ata ho’o toé mai oné mai Mori Keraéngn, ai Hia toé hiang leso Sabaty.” Tungku kolé lata iwod: “Ba’ang kétag néng ga ca ata ndékok ngancéng pandé tanda lenget nenggitu?” Wiga mangag léwang taud cama isén.

2 KORINTUS 3:18

Sanggéd taung ité ho’o toé manga rédung rangad, ai sereméng mengit de Mori Keraéng. Mengit hitu mai oné mai Mori Keraéng, itu tara ité rémé célungd te ciri cama agu gambar Diha, oné mengit hitut tambang mésén.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

1 YOHANÉS 5:13

Sanggéd taung situ tulis laku latang te méut imbi Anak de Mori Keraéng, kudut pecing te méu hitu paéng mosé tédéng lén.