YOHANÉS 17:3 - Bahasa Manggarai New Testament

³ Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

YOHANÉS 17:3 ပူးပေါင်းရင်းမြစ်များ

MARKUS 9:37

“Céing kaut ata tiba anak koé nenggo’o landing ngasang Daku, hia tiba Akuy. Agu céing kaut ata tiba Aku, toé Aku hitut tiba liha, maik Hia hitut wuat Aku.”

LUKAS 9:48

agu mai taéN ngong isé: “Céing kaut ata tiba anak koé ho’o le ngasang Daku, hia tiba Akuy; agu céing ata tiba Akun, ata hitu tiba Hia hitut wuat Akuy. Ai ata koé-kojékn oné mai sanggés méu, hia hituy ata céwé mésén.”

YOHANÉS 10:36

ngancéng taé kin weli le méu ko, oné Hia hitut pandé nggeluk Liha Ema, agu hitut poli wuat Liha oné tana lino; Hau mbéis Mori Keraéng! Landing kaut poli curup Laku: Aku Anak de Mori Keraéng?

YOHANÉS 11:42

Pecing laku Ité pinga mtaung Akut, maik ali ata do so’ot hesé baling mai Aku, taé Laku, kudut imbi lisé, te Itéy hitut poli wuat Aku.”

YOHANÉS 14:26

maik Hiat campé, ngong Nai Nggeluk, hitut wuat Liha Ema le ngasang Daku, Hiay dé ata kudut toing sanggé-ménan oné méu, agu te pandé tingengd le méu sanggéd taung situt poli taéd Laku oné méu.

YOHANÉS 17:18

Cama ného Ité poli wuat Aku mai oné lino ho’o, nenggitu kolé Aku poli wuat isé ngo oné lino;

YOHANÉS 17:21

kudut isé ciri cas, cama ného Ité yo Ema oné Aku, agu Aku oné Iték, kudut isé kolé oné Ités, kudut imbi le lino ho’o, Ité ata wuatg Aku.

YOHANÉS 17:23

Aku manga oné Ité, Ité manga oné Akut, kudut isé jepek ciri cas, te pecing le lino, te Ité ata wuatg Aku agu Ité momang isé cama ného Ité momang Aku.

YOHANÉS 17:25

Yo Ema ata agil, bo muing lino ho’o, toé baé itéy, maik Aku baé Iték agu pecing lisé so’o, te Ité ata wuatg Aku;

YOHANÉS 17:8

Ai sanggéd curup situt caings Lité agu Aku, polis Laku caingd agu isé, agu polisg tibad lisé. Pecing kéta tu’ung lisé, te Aku mai oné mai Itég, agu imbi lisé, te Ité ata wuatg Aku.

YOHANÉS 3:17

Ai Mori Keraéng susung Anak'N oné lino toé te toto bicar de lino, maik te pandé selamaks Liha.

YOHANÉS 3:34

Ai céing ata wuat le Mori Keraéng, Hia ata caingn reweng dé Mori Keraéng, ai Mori Keraéng widang Nai Nggeluk toé manga beténgn.

YOHANÉS 5:44

Co’o kaut tara ngancéng imbin le méu, émé méu kawé hiang oné mai cama taus, maik toé kawé hiang hitut mai éta mai Mori Keraéng hitut ca-y kali?

YOHANÉS 6:57

Cama ného hi Ema hitut mosé ata wuat Aku, agu Aku mosé li Emak, nenggitu kolé, céing ata hang weki Daku, hia hitu te mosé Lakuy.

YOHANÉS 7:29

Aku pecing Hiak, ai Aku mai oné mai Hiag agu Hia ata wuat Aku.”

YOHANÉS 8:19

Mai kolé taé disé agu Hia: “Niay néng Ema de Hau?” Mai walé de Mori Yésus: “Aku agu Ema Daku toé pecing le méu. Émé pecing Aku méu, pecing bon kolé Ema Daku.”

1 KORINTUS 15:34

Noing koé di’a-di’a agu néka pandé ndékok kolé! Manga oné-mai méu ata toé pecing Mori Keraéng. Sanggéd so’o, tombos laku kudut ritak méu.

1 KORINTUS 8:4

Ngong hang nuru situt takung oné io pina-naéng, pecing lité: “Toé manga io pina-naéng oné lino ho’o agu toé manga Mori Keraéng bana, ai hanang ca kanangy kali Mori Keraéng.”

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

PILIPI 3:10

Ca kaut ngoéng daku: pecing Hia agu manté kuasaN te to’o kolé, neki ca oné ta’ong susaN agu ce tara ného Hiak oné mataN.

PILIPI 3:8

Ngot sanggéd cao-ca rékéng laku toé manga betuad. Latang te aku, pecing hi Kristus Yésus Mori daku hitu céwé angos oné-mai sanggéd taung cao-ca. Landing ali Hia, aku poli ledo sanggéd taung situ ai rékéng laku sanggéd situ ného wéangs, kudut aku tiba hi Kristusk

TÉSALONIKA 1:9

Ai weki rud isé tombo, co’o méu tiba ami du ami lété ho’o mai oné méu. Tombo kolé lisé, co’o méu ledo imbi pina-naéng ciri imbi oné Mori Keraéng hitut mosé agu molor latang te keturu Hia.

2 TÉSALONIKA 1:8

Mori Yésus téing susa oné isét toé imbi Mori Keraéngs, agu toé lorong Keréba Di’a.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

2 PÉTRUS 1:2

Tabing agu hambor-libur penong oné méu landing le pecing Mori Keraéng agu te hi Yésus, Mori dité.

2 PÉTRUS 1:3

Mori Keraéng pu’un kuasa poli tabing latang te ité sanggéd cao-ca ata betua laing kudut mosé nggeluk. Pandé hitu Diha, ai ité pecing hi Kristus hitut poli bénta itén, ali kuasaN hitut mengit agu dio-dolokn.

2 PÉTRUS 1:8

Émé sanggéd taung gauk di’a situ manga do kétas oné méu, toét-toé méu ciri seber agu cir lahé oné pecing hi Yésus Kristus, Mori dité.

1 YOHANÉS 1:2

Mosé hitu polig nesan, agu polig itan lami. Te ho’on ga, ami téing saka-si agu keréba mosé tédéng lén hitu oné méu. Mosé hitu, manga cama-cama agu hi Ema agu poli si’angn oné ami.

1 YOHANÉS 1:3

Ata poli ita agu poli dengé dami, hituy dé ata keréba kolé lami, kudut méu nai-ca anggit agu amim. Tuka ca léléng dami hitu, ngong tuka ca léléng agu hi Ema agu hi Yésus Kristus AnakN.

1 YOHANÉS 2:23

Ai céing ata pali hi Anak, hia kolé toé imbi Ema. Maik céing ata tiba hi Anak, hia kolé imbi hi Ema.

1 YOHANÉS 4:6

Maik ité ho’o paéng de Mori Keraéng. Wiga céing kaut ata pecing Mori Keraéng, hia séngét itéy; céing kaut ata toé paéng de Mori Keraéngn, hia toé séngét itéy. Hituy woléngn, Nai Nggeluk te pandé molor agu nai te pandé wéléng.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.