YOHANÉS 17:1 - Bahasa Manggarai New Testament

¹ Nenggituy curup de Mori Yésus. Itu kali congan nggere-éta awang, mai taéN: “Ema caig leson; bong koé Anakm, kudut Anakm bong itéy.

YOHANÉS 17:1 ပူးပေါင်းရင်းမြစ်များ

MARKUS 14:41

Poli hitu Hia mai kolé te telu ngkalin agu taé oné isé: “Toko kis méu agu asi maéls ko? Emo dé’it. Ho’og redun, lélo, Anak Manusia condo oné limé data ndékoky.

LUKAS 18:13

Maik hiat tegi béa hitu hesé déu-déuy, ngot hia toé nga’on te conga nggere-éta awang, maik hia kali entap di’a berambangn, agu mai taén: Yo Mori, ba’éng koé aku ho’ot ndékok.

LUKAS 22:53

Musuk néténg lesok Aku manga agu méug oné Mbaru de Mori Keraéng, maik méu toé deko Akum. Landing ho’og leso de méu, agu ho’oy kuasa de nendep hitu.”

YOHANÉS 11:4

Du dengé tombo hitu le Mori Yésus, mai taén: “Beti hitu toé manga mata laingn, maik kudut toto mésén kuasa de Mori Keraéng, ai le beti hitu Anak de Mori Keraéng te bongy.”

YOHANÉS 11:41

Og kali tétin lisé watu hitu, itug kali congan Mori Yésus nggere-éta, mai taéN: “Ema, Aku wali di’a agu Iték, ai Ité séngét Akut.

YOHANÉS 12:23

Mai walé de Mori Yésus, taéN: “Ho’og leson te bongy Anak Manusia.

YOHANÉS 13:1

Rémé nggitun du toéd pu’ung ramé Paska, poli pecing le Mori Yésus, caig leson kudut ngo oné mai lino ho’on nggere-éta hi Ema. Hia momang taungs ata paéngN oné lino ho’o, agu Hia momang isé dengkir agu cemol.

YOHANÉS 16:32

Lélo, kudut cai leson, ngot polig cain, te méu mbihi-mbehar ngo néténg osang de rus, agu méu te pencang Aku hanang koég. Maik toé hanang koég Aku, ai hi Ema loréng Akuy.

YOHANÉS 7:30

Bo kudut te deko Hia lisé, maik toé kéta cengatan ata cadi Hian, ai toé di hitu leson.

YOHANÉS 7:39

Betuan taé Diha, ngong Mori Keraéng Nai Nggeluk, ata kudut tiba lisét imbi Hia; tara toé di wa’uy Nai Nggeluk hitu ai Mori Yésus toé di bongy.

YOHANÉS 8:20

Sanggéd curup situ tombo le Mori Yésus ruis baté na’a cao-ca du Hia rémé toing oné Mbaru de Mori Keraéng. Agu toé manga cengatan te deko Hia, ai toéd cai leson.

TOMBO PÉTÉ GORI DE RASUL-RASUL 3:13

Mori Keraéng di Abraham, Ishak agu hi Yakob, Mori Keraéng de empo dité, poli bong ngasang de Mendi Run ngong Mori Yésus hitut téi de méu agu capu olo mai ranga di Pilatus koném po hi Pilatus beté-bicar kudut lego Hia.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.