Sanggéd ménan poli téing oné Akud le Emag; agu toé cengatan ata pecingn céingy Anak, bom hi Ema, agu céingy hi Ema, bom hi Anak, agu oné ata hitut oné hia henan le Anak hitu, te toi molor hitu.”
Mai kolé taé disé agu Hia: “Niay néng Ema de Hau?” Mai walé de Mori Yésus: “Aku agu Ema Daku toé pecing le méu. Émé pecing Aku méu, pecing bon kolé Ema Daku.”
égém toé pecing le méu Hia, maik Aku pecing Hiak, agu émé nggo’o taé Daku: Aku toé pecing Hiak, Aku ho’o ata nggopét, cama ného méu, maik Aku pecing Hiak, agu Aku lut reweng Dihak.
Bo tu’ung kali, danong aku manga dé’it lawang Mori Yésus, wahéng agu pandé mericu Hia. Maik Mori Yésus momang akuy, ai pandé situ daku ali toé di manga paéng imbi oné naig, wiga aku toé pecing apa situt pandé daku.
Idep dia-dia! Mésén tu’ung momang hitut widang de Mori Keraéng latang te ité, wiga ité téti ciri anakN. Tu’ung kéta dé, te ité ho’o anak de Mori Keraéngt. Hitu tara toé pecing itén lino ho’o, ai lino ho’o toé pecing Mori Keraéngy.
Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.