YOHANÉS 15:4 - Bahasa Manggarai New Testament

⁴ Ka’éng ga oné Aku agu Aku oné méuk. Cama ného rengka toé ngancéng wua kaut le run, émé hia toé cing oné mai pu’u anggory, nenggitu kolé néng méu, toé wuam émé toé ka’éng oné Akum.

YOHANÉS 15:4 ပူးပေါင်းရင်းမြစ်များ

MATÉUS 12:33

Émé can pu’u haju di’an taé de méu, di’an kolé dé wuan, émé ca pu’u haju toé di’an taé de méu, toé de di’an kolé wuam, ai oné mai wuan haju hitu pecing kolé lata pu’un.

LUKAS 8:15

Tana beheng, ngong ata siot poli dengé curup situ, na’a oné naid hitut di’a, agu tua wua ata makengn.”

YOHANÉS 14:20

Du hitu di te pecing le méu, te Aku boné hi Emak, agu méu boné Akum, agu Aku kolé boné méuk.

YOHANÉS 17:23

Aku manga oné Ité, Ité manga oné Akut, kudut isé jepek ciri cas, te pecing le lino, te Ité ata wuatg Aku agu Ité momang isé cama ného Ité momang Aku.

YOHANÉS 6:56

Céing kaut ata hang Weki Daku agu inung Dara daku, hia ka’éng oné Akuy agu Aku oné hiak.

YOHANÉS 8:31

Mai taé Diha agu ata Yahudi situt imbi Hias: “Émé temer kin imbi de méu latang te sanggéd reweng Daku, méu tu’ung-tu’ung ata nungku Dakum,

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

2 KORINTUS 13:5

Damang koé weki rus, asa méu cedek kis oné imbi ko? Maring koé wekis! Asa méu toé imbi te hi Kristus Yésus manga oné weki de méu? Ai émé toé nenggitu, méu toé ta’ong damang.

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

ÉFÉSUS 3:17

Le imbis hitu, Mori Yésus ka’éng oné nai de méu agu mosé de méu ligéng le kuasa agu le momang.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 1:27

Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

KOLOSÉ 2:6

Méu poli tiba hi Kristus Yésus, Mori dité. Landing hitu, poro kong kin méu nai ca anggit agu Hiam.

TÉSALONIKA 3:5

Itup tara du kembung dami toég ngancéng ta’ong kolé, aku jera hi Timotéus kudut baé laku imbi de méu, ai simpung kétak aku, émé méu poli damang le jing da’at wiga rébok dami oké-bod.

IBRANI 10:39

Ité ho’o toé ata hedong kolé ko ata wéléng, maik ata imbi agu tiba mosé.

1 YOHANÉS 2:6

Céing kaut ata taé te hia nai ca anggit agu Mori Keraéng, paka mosé cama ného hi Kristus.

2 YOHANÉS 1:9

Ata siot toé cau tu’ung toing di Kristus agu wéléng oné-mai toing situ, hia hitu toé patun te ciri anak de Mori Keraéng. Maik céing kaut ata cau tu’ung sanggéd toing situ, hia patun te ciri anak de Mori Keraéng Ema agu Anak.