YOHANÉS 15:2 - Bahasa Manggarai New Testament

² Néténg rengka oné Aku situt toé wuas, rociks Liha, maik néténg rengka ata wuad, dawings Liha kudut tambang recut wuad.

YOHANÉS 15:2 ပူးပေါင်းရင်းမြစ်များ

MATÉUS 13:12

Ai céing-céing ata mangad ga, téing oné hias, wiga diha héla-haéd; maik céing ata toé mangad, apa kaut ata mangad oné hia, te emi oné mai hiad.

MATÉUS 13:33

Agu tombo kolé Liha rapang ho’o agu isé: “Latang te Adak Surga weli ga, cama ného ragi hiot emi le cengata inéwai, hamol agu terigu telumpulu kilo, wiga ramong taungn.”

MATÉUS 15:13

Mai walé de Mori Yésus: “Sanggéd po’ong ata toé weri le Ema Daku ata ka’éng éta Surga, kudut kebut agu waké-wakéd.

MATÉUS 21:19

Oné ruis salang ita Liha pu’u haju ara, itu kali ngo nitun, maik toé manga ita apa-apan Liha oné pu’u haju ara hitu, hanang saungn kali. Mai taén ngong haju hitu: “Hau toé kéta ngancéng wua koléh tédéng lém!” Agu du hitu kéta muing dangon haju ara hitu.

MATÉUS 25:29

Ai néténg ata hitut mangad, oné hia te téing wiga diha héla-haéd. Maik céing ata toé kéta manga apa-apan, situt manga oné hiad, te emi kolés oné mai hiad.

MATÉUS 3:10

Polig ambin cola lobo waké haju, agu néténg haju ata toé manga cir wua ata di’an, toét toé wését agu longgo oné api taungs.

MATÉUS 3:12

Doku polig oné limén. Hia kudut pandé nggelong osang te rik agu kudut moi sanggéd gandum nggere-oné joréng, maik embod situ, kudut tapas Liha oné api ata toé ngancéng pesay.”

MATÉUS 7:19

Agu néténg-néténg haju situt cir wua toé di’a, toét-toé wéséts agu oké longgo oné apiy.

MARKUS 4:20

Agu cemoln siot weri oné tana beheng ngong ata siot séngét agu tiba reweng hitu, itug kali wuad, manga ata alép telumpulud, manga ata alép enempulu agu mangas ata alép ceratusd.”

LUKAS 8:13

Tana nampar, ngong ata siot poli dengé curup situ, tiba kéta di’as lisé, maik isé toé wakés, wiga dokong kaut imbid, wiga du cain damang, okésg lisé.

YOHANÉS 15:1

“Akuy dé pu’u anggor ata molor, agu Ema Daku ata rébokn.

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

YOHANÉS 15:3

Bo kali méu nggélokm ga le curup ata poli taé Laku agu méu.

YOHANÉS 15:6

Céing ata toé ka’éng oné Akun, hia te rocik oké pé’angy ného rengka, agu dangon ga. Poli hitu congko lata oké oné api te tapas.

YOHANÉS 15:8

Oné apa ho’o te bong Ema Daku, ngong émé méu do wuas, agu ali hitu dé ga méu ata nungku Dakum.”

YOHANÉS 17:12

Lawang cama laing agu iség Aku, Aku tinu isé le ngasang Dité, ngong ngasang Dité hitut poli téing oné Akun; Aku poli lami iség, agu toé kéta cengatan oné mai isé ata ampus, bom hia hiot ata ngoéng te ampusy, kudut rapakn apa ata poli tulis oné buku nggeluk.

ROMA 11:17

Landing hitu émé pisad dangka haju zaitun, ngong ata Yahudi poli ndapud, agu méut ata toé Yahudi, cama ného cing siot tangkep oné dangka situt poli ndapud. Wiga méu kolé ného dangka ata tiba lahén onémai nunu de haju zaitun.

ROMA 11:22

Landing hitu pélét di’a-di’a, Mori Keraéng hitu gawas agu wegerN. WegerN hitu latang te sanggéd ata situt poli pa’ud, maik gawasN latang té méu, tama kong kis méu manga oné gawas Diha. Émé toé, méu kolé te ndapum Liha.

ROMA 8:28

Ité pecing ho’o ga, te Mori Keraéng lut gori oné sanggéd cao-ca kudut te di’a latangt isét momang Hia, ngong latang te isét poli béntad lorong ngoéng de Mori Keraéng.

1 KORINTUS 13:1

Koném po aku ngancéng tombos sanggéd curup de manusia agu curup de malékat, maik émé aku toé momang haé atak, aku cama ného nggong hiot tolos agu runing ncihing ata toé manga betuan.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 12:15

Jerék koém: boto manga cengatan ata mora tabing de Mori Keraéng, te ciri waké pa’it ata pandé rasung laing, wiga mangan ngai-ngaok agu rowak mosé ka’éng cama.

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.

WIDANG SI’ANG ONÉ HI YOHANÉS 3:19

Céing ata momangn Laku, hia rondong agu boboly Laku. Landing hitu, wingker agu teser koém ga!