YOHANÉS 15:1 - Bahasa Manggarai New Testament

¹ “Akuy dé pu’u anggor ata molor, agu Ema Daku ata rébokn.

YOHANÉS 15:1 ပူးပေါင်းရင်းမြစ်များ

MATÉUS 15:13

Mai walé de Mori Yésus: “Sanggéd po’ong ata toé weri le Ema Daku ata ka’éng éta Surga, kudut kebut agu waké-wakéd.

MATÉUS 20:1

“Latang te Adak Surga cama ného cengata ata ngara uma anggor ata gula ucap to’oy te ngo kawé ata pala oné uma anggorn.

MATÉUS 21:33

Séngét koé ca rapang pali bana: Manga cengata mori tana, duat uma anggory agu pandé kena léok main. Hia caké lewo, te kerak anggor agu hesé ténda éta te lami uma hitu. Poli hitu hia téing célong agu isét duat liha uma hitu, poli hitu hia ngo oné tana banay.

MARKUS 12:1

Og kali Mori Yésus pu’ung toing isén ali rapang: “Manga cengata rimu uma kudut po’ong anggorn agu kena taung baling-main. Hia tekang di’a galang watu te kerak waé anggor, agu hesé sékang langkas kudut lamin. Poli hitu téi célong liha uma hitu oné isét ciwaln, itu kali ngo pé’ang tana pé’angy.

LUKAS 13:6

Mai Mori Yésus tombo rapang ho’o: “Cengata ata manga haju aran ata todo oné uma anggorn, hia ngo tuluk wuan, maik toé manga itad liha.

YOHANÉS 1:17

ai Adak Taurat ata widang li Musa, maik widang momang agu ata molorn mai oné mai hi Yésus Kristus.

YOHANÉS 1:9

Gérak ata tu’ungn, hitut téing gérak néténg ata, rémé kudut mai oné lino.

YOHANÉS 15:2

Néténg rengka oné Aku situt toé wuas, rociks Liha, maik néténg rengka ata wuad, dawings Liha kudut tambang recut wuad.

YOHANÉS 6:32

Mai walé de Mori Yésus: “Taé tu’ung Daku agu méu; moro-matan, toé hi Musa hitut téing méu roti éta mai Surga, maik roti ata tu’ungn kéta, roti hitut téing de Ema Daku éta mai Surga.

YOHANÉS 6:55

Ai weki Daku tu’ung-tu’ung kéta latang te hang, nenggitu kolé dara Daku, tu’ung-tu’ung te inung.

ROMA 11:17

Landing hitu émé pisad dangka haju zaitun, ngong ata Yahudi poli ndapud, agu méut ata toé Yahudi, cama ného cing siot tangkep oné dangka situt poli ndapud. Wiga méu kolé ného dangka ata tiba lahén onémai nunu de haju zaitun.

1 KORINTUS 3:9

Ai ami haé-reba oné ca gori latang te Mori Keraéng, méu cama ného uma lokang agu cama ného mbaru de Mori Keraéng.

1 YOHANÉS 2:8

Koném po nenggitu, weru kin perénta ho’ot tulis daku. Molorn perénta weru ho’o, ai polig toton oné Hia agu oné méu. Cemolg nendep, ai gérak hitut molor polig néran.