YOHANÉS 14:3 - Bahasa Manggarai New Testament

³ Agu émé poli ngo nitug Aku agu poli ambi osang latang te méu, Aku mai kolék, agu dadé méu oné osang Daku, kudut oné osang nia mangag Aku, méu kolé manga nitum.

YOHANÉS 14:3 ပူးပေါင်းရင်းမြစ်များ

YOHANÉS 12:26

Céing ata tiba Akuy, hia paka lut Akuy, agu nia Aku mangag nitu kolé sekontu Daku mangan. Céing ata tiba Aku, hia te hiang le Emag.

YOHANÉS 14:28

Polip le méu dengén te Aku poli taé agu méu: Aku ngok, maik Aku mai kolék cé’é méu. Émé momang tu’ungk Aku le méu, naka laing dé le méu ngo Daku éta hi Ema. Ali hi Ema céwé mésén oné mai Aku.

YOHANÉS 14:4

Agu nggere-niak Aku ngog, pecing le méu salang ngo nitu.

YOHANÉS 17:24

Yo Ema, ngoéng Daku, poro nia kaut mangag Aku, isé kolé manga cama laing agu Akus, isé situt poli téing Lité agu Aku, kudut isé lélo néra Dakus, hitut poli téing Lité agu Aku, ai Ité momang tu’ung Aku, du toéd mangan lino ho’o.

TOMBO PÉTÉ GORI DE RASUL-RASUL 1:11

agu mai taéd: “Oé ata Galiléa, co’o tara lélo nggere-éta awangs méu? Mori Yésus hitut héndéng nggere-éta Surga, legong méuy, te mai koléy, cama ného ita le méu Hia héndéng nggere-éta Surga.”

ROMA 8:17

Émé ité ho’o anak, ité ho’o kolé ata tiba mbaté. Ngong ata manga hakd te tiba reké de Mori Keraéng, ata tiba lité cama-cama agu hi Kristus. Émé ité ta’ong susa cama-cama agu Hia, ité kolé mengit cama laing agu Hia.

PILIPI 1:23

Nai daku do’ong nggere-olo, dungki nggere-musi: Aku nanang ngo te ka’éng cama agu hi Kristus, ai hitu muing ata céwé di’an.

2 TÉSALONIKA 1:12

Ali hitu, ngasang di Yésus Mori dité ciri mengit oné méuy, agu méu oné Hiam, lorong tabing de Mori Keraéng dité agu Mori Yésus Kristus.

2 TIMOTIUS 2:12

émé ité seberd, ité kolé te perénta cama-cama agu Hiat; émé ité pali Hiat, Hia kolé te pali itéy;

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.