YOHANÉS 14:2 - Bahasa Manggarai New Testament

² Oné Mbaru de Ema Daku dod osang te ka’éng. Émé toé nggitu, toét toé tombos Laku agu méu, ai ngo Daku nitu te ambi osang latang te méu.

YOHANÉS 14:2 ပူးပေါင်းရင်းမြစ်များ

2 KORINTUS 5:1

Ai pecing lami, émé ndéi ka’éng dité oné lino ho’o rongkasy, Mori Keraéng poli améng osang éta Surga latang te ité, osang baté ka’éng tédéng lén ata toé pandé le limé de manusia.

YOHANÉS 13:36

Mai taé di Simon Pétrus agu Mori Yésus: “Mori, te nggere-nia Ité ngod?” Mai walé de Mori Yésus: “Oné osang baté ngo Daku, hau toé ngancéng lut Aku te ho’on, maik tai hau ngancéng lut Akuh.”

IBRANI 13:14

Ai oné lino ho’o, toé manga osang ata makengn latang te ité. Ité kawé osang ata makengn te ka’éng du mosé nggere-olon.

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.

WIDANG SI’ANG ONÉ HI YOHANÉS 3:12

Céing ata ontong, hia hitu te pandé siri laingy Laku oné Mbaru Nggeluk de Mori Keraéng. Hia hitu te ka’éng tédéng lén oné osang hitu. Ngasang de Mori Keraéng agu ngasang de béndarN, ngong Yérusalém weru ata wa’u éta-mai Surgan, tulis Laku oné weki data hitu. Nenggitu kolé ngasang ata werun Daku te tulis oné hiay.

IBRANI 11:10

Ai hi Abraham, rémé géréng béndar hitut tédéng lén ata nanéng agu pandé le Mori Keraéng.

YOHANÉS 13:33

Ngong sanggés méu anak Daku, téké cekoén kali ga, Aku manga cama agu méuk. Méu te kawé Akum agu ného hiot poli taé Laku agu ata Yahudi: Oné osang ngo Daku, toé kéta ngancéng méu ngos, nenggitu kolé néng taé muing Laku te ho’on agu méu.

YOHANÉS 17:24

Yo Ema, ngoéng Daku, poro nia kaut mangag Aku, isé kolé manga cama laing agu Akus, isé situt poli téing Lité agu Aku, kudut isé lélo néra Dakus, hitut poli téing Lité agu Aku, ai Ité momang tu’ung Aku, du toéd mangan lino ho’o.

IBRANI 6:20

Mori Yésus poli karong salang latangt ité nggere-oné osang nggeluk hitu, du Hia ciri Imam Mésé tédéng lén ného hi Melkisédék.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

IBRANI 9:8

Ali wintuk ho’o, tombo si’ang le Nai Nggeluk, te salang nggere-oné Lo’ang Nggeluk Kéta hitu toéd céngkay émé manga kin ndéi hitut bolon.

TITUS 1:2

agu ligeng de bengkes kudut mosé tédéng lén hitut danong empo-walok poli reké le Mori Keraéng ata toé manga nggopétN.

TÉSALONIKA 5:9

Mori Keraéng toé manga wérét itén kudut hena le cempeng, maik latang te tiba selamak lut hi Yésus Kristus, Mori dité.

TOMBO PÉTÉ GORI DE RASUL-RASUL 9:16

Weki rug Aku te toi oné hia, do kéta susa ata paka tanggong liha ali ngasang Daku.”

YOHANÉS 14:28

Polip le méu dengén te Aku poli taé agu méu: Aku ngok, maik Aku mai kolék cé’é méu. Émé momang tu’ungk Aku le méu, naka laing dé le méu ngo Daku éta hi Ema. Ali hi Ema céwé mésén oné mai Aku.

LUKAS 14:22

Poli hitu, baro kolé le mendi hitu: Mori, apa situt susung dité, polis pandéd, maik koném po nenggitu, manga kid osang ata lingad.