YOHANÉS 13:8 - Bahasa Manggarai New Testament

⁸ Mai taé di Pétrus ngong Hia: “Ité néka kéta waca wa’i dakut dengkir tain!” Mai walé de Mori Yésus: “Émé toé wacas Laku wa’im, hau toé tiba cimpa oné mai Akuh.”

YOHANÉS 13:8 ပူးပေါင်းရင်းမြစ်များ

MATÉUS 16:22

Maik hi Pétrus ndol Mori Yésus lupi racapn agu rengkes Hia, taén: “Mori, nahé Mori Keraéng oké tadang koéy ného curup Dité hitu! Nahé curup hitu néka kéta hena Itéy.”

MATÉUS 21:29

Mai walé de anak hitu: Toé gorig. Maik bemusi main teser agu ngon.

MATÉUS 26:33

Mai walé di Pétrus: “Koném gégo taung imbi disé, landing Ité, aku kali tadan te gégok.”

MATÉUS 26:35

Mai taé di Pétrus ngong Hia: “Koném matak aku cama-cama agu Ité, aku toé pali Iték.” Nggitu kolés curupd rasul do.

YOHANÉS 13:6

Caig Hia oné hi Simon Pétrus. Mai taé di Pétrus ngong Hia: “Mori, Ité kudut waca wa’i daku?”

YOHANÉS 13:9

Mai taé di Simon Pétrus ngong Hia: “Mori, néka hanang wa’ig kaut, maik limég agu ulug kolé!”

YOHANÉS 3:5

Mai walé de Mori Yésus: “Aku curup agu hau, ata te tu’ungn émé ca ata toé loas oné mai waé agu Nai Nggeluk, hia toé ngancéng ngo oné Adak de Mori Keraéngn.

TOMBO PÉTÉ GORI DE RASUL-RASUL 22:16

Ho’o ga, co’o tara sésénga’i kim hau? To’o ga, agu sendo wekim te cebong le waé serani agu sanggéd ndékokm pandé nggeluk ali caro ngasang de Mori Keraéng.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

KOLOSÉ 2:18

Néka ondang ontong de méu génggél lata siot pisik kasi-asi naid, agu suju malékats ko bombong-rakd le wéla-mata agu toé manga comongn pandé mésé-nai weki ru ali nuk de lino,

KOLOSÉ 2:23

Koném po itad penong ali nggalas agu ngaji pandé le rud neho suju malékat, kasi-asi nai, wahéng weki rud, sanggéd wintuk so’o toé manga betua laingd, hanang latang te pandé nisang mosé oné lino.

TITUS 3:5

Hia poli sambé itén, toé landing le pandé di’a dité, maik landing le weki Run Hia poli momang itéN. Hia sambé ité létang le Nai Nggeluk ata pandé nggélok nai dité, ngong pandé célung taung mosé dité le ba weki ata werun.

IBRANI 10:22

Landing hitu, mait ga ité ngo cumang Mori Keraéng ali molor nai agu metek imbi; ai nai dité poli pandé nggélokn oné-mai ici nai da’at agu weki dité poli cebong le waé gélon.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

WIDANG SI’ANG ONÉ HI YOHANÉS 7:14

Walé daku, “Mori, ité ata pecingn.” Itu kali mai taé diha agu aku, “Ho’os ata siot poli célad oné-mai susa mésé. Isé poli wewas jubad le dara de Anak Jimbal kudut ciri bakok.