YOHANÉS 13:5 - Bahasa Manggarai New Testament

⁵ poli hitu légé waé oné bintang, agu pu’ung waca wa’i data nungku'N agu koso le nggebar hiot pongo oné awakN.

YOHANÉS 13:5 ပူးပေါင်းရင်းမြစ်များ

LUKAS 7:38

Cang agu rétangn hia ngo hesé bemusi mai Mori Yésus ruis wa’in, pandé baca wa’i de Mori Yésus le lu’u matan agu koso le wukn, omo wa’in, poli hitu luma le mina bengé.

LUKAS 7:44

Cang agu holésn nggere oné inéwai hitun, Hia curup agu hi Simon: “Ita le hau inéwai ho’oh? Aku mai oné mbaru de hauk, maik hau toé téing Aku waé te waca wa’ig; ngot hia waca wa’i Daku, ali lu’u agu koso le wukn.

YOHANÉS 13:10

Mai taé de Mori Yésus agu hia: “Céing ata poli cebong, hia asig waca kolé wekin, waca kaut wa’in kali ga, ai hia poli nggélok taungn. Méu kolé poli nggéloks, maik toé sanggés taung.”

YOHANÉS 13:6

Caig Hia oné hi Simon Pétrus. Mai taé di Pétrus ngong Hia: “Mori, Ité kudut waca wa’i daku?”

YOHANÉS 13:8

Mai taé di Pétrus ngong Hia: “Ité néka kéta waca wa’i dakut dengkir tain!” Mai walé de Mori Yésus: “Émé toé wacas Laku wa’im, hau toé tiba cimpa oné mai Akuh.”

YOHANÉS 19:34

maik cengata oné mai serdadu situ rodak pucuN le korung; wiga concang daraN agu waé.

TOMBO PÉTÉ GORI DE RASUL-RASUL 22:16

Ho’o ga, co’o tara sésénga’i kim hau? To’o ga, agu sendo wekim te cebong le waé serani agu sanggéd ndékokm pandé nggeluk ali caro ngasang de Mori Keraéng.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

2 TIMOTÉUS 5:10

Tandan, baé lata te hia iné-wai ata gauk di’ay, ného: aréng anak, dumpek oné mbarun, waca wa’i de asé-ka’é ca imbi, campé ata siot mosé oné susa – wokokn ga, iné-wai luang siot poli papé sanggéd sokor latang te pandé di’a.

IBRANI 10:22

Landing hitu, mait ga ité ngo cumang Mori Keraéng ali molor nai agu metek imbi; ai nai dité poli pandé nggélokn oné-mai ici nai da’at agu weki dité poli cebong le waé gélon.

1 YOHANÉS 1:7

Maik émé ité mosé oné gérak cama ného Mori Keraéng ka’éng oné gérak, ité te ulu-pukul agu haé-ata agu sanggéd ndékok dité koso taungs le Dara de Mori Yésus, AnakN.

1 YOHANÉS 5:6

Yésus Kristus poli wa’u oné lino ho’o. Hia cebong le waé agu bowo daraN. Toé hanang le waé, maik le waé agu dara. Nai Nggeluk ata téing saka-si, te sanggéd taung situ molord agu Nai Nggeluk hitu patun te imbi.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

WIDANG SI’ANG ONÉ HI YOHANÉS 7:14

Walé daku, “Mori, ité ata pecingn.” Itu kali mai taé diha agu aku, “Ho’os ata siot poli célad oné-mai susa mésé. Isé poli wewas jubad le dara de Anak Jimbal kudut ciri bakok.