YOHANÉS 10:3 - Bahasa Manggarai New Testament

³ Latang te hia, hiat lami céngka para agu sanggéd jimbal situ séngét rewengn, hia bénta gici cas jimbaln lut ngasang de rud, agu todang nggere-pé’angs.

YOHANÉS 10:3 ပူးပေါင်းရင်းမြစ်များ

YOHANÉS 10:14

Akuy ata lami jimbal situt di’a, agu pecings Laku jimbalg, jimbal Daku kolé pecing Akus,

YOHANÉS 10:16

Oné Aku manga kolé jimbal bana, ata toé oné mai kandang ho’od; jimbal situ todang kolés Laku, agu isé te séngét reweng Dakus, agu isé te ciri ca impungs agu ca ata lamid.

YOHANÉS 10:4

Émé pé’ang kéta taungs sanggéd jimbal ga, hia lako bolo mai iséy, agu jimbal situ lut hias, ai pamot lisé reweng diha.

YOHANÉS 10:9

Aku ho’o cama ného para; Céing ata ngo lut Akuy onén, hia te mo’éngy, agu hia te nggere-oné-nggere-pé’angy te kawé remang oné satar.

YOHANÉS 6:37

Sanggéd taung ata situt téing li Emag oné Aku, te mai oné Akus, agu céing situt mai cé’é Akus, hia toé okéy Laku.

YOHANÉS 6:45

Manga tulisd oné surak de sangged nabi: Agu sanggéd isé te toing le Mori Keraéngs. Agu néténg ata, ata poli dengé agu tiba toing oné mai hi Ema, mai cé’é Akus.

ROMA 8:30

Isét poli petok Liha du wangkan isé situ kolé ata bénta Diha. Isét bénta Diha, isé situ kolé ata tibad Liha. Isét tibad Liha, isé situ kolé ata pandé mengits Liha.

1 KORINTUS 16:9

ai manga kin linga latang te aku kudut pandés gori ata dai méséd agu mengit, koném po manga ata léwangn.

PILIPI 4:3

Ngot tegi kolé laku hau Sunsugos, haé reba daku ata junggu: campé koé isét sua. Ai isé poli mping cama laing agu akud oné wéro Keréba Di’a. Nenggitu kolé haé reba daku hi Kléméns agu haé reba daku situt iwod, ata manga ngasangd oné Buku Data Mosé.

KOLOSÉ 4:3

Ngaji kolém latang te ami, kudut Mori Keraéng wuka para latang te keréba dami, wiga ami ngancéng tombo latang te pété ceha di Kristus, ai landing hitu tara buig aku.

2 TIMOTIUS 2:19

Maik ligéng ata tena le Mori Keraéng hitu mberesn agu ho’oy capn: “Pecing le Morin céing ata ciri paéng Diha,” agu “Néténg ata siot caro ngasang de Mori poro oké koés pandé da’atn.”

1 PETRUS 1:12

Latang te nabi situ poli si’ang le Mori Keraéng, te isé toé gori keturu latang te weki rud, maik gori keturu latang te méu; ngong sanggéd cao-ca ata poli si’ang dengéd le méu oné-mai ata ba Keréba Di’a. Sanggéd ata situt ba Keréba Di’a, téing kuasa le Nai Nggeluk hitut wuat éta-mai Surga. Ngot sanggéd malékat kolé nanang te pecing Keréba Di’a hitut wéro disé.

1 YOHANÉS 4:6

Maik ité ho’o paéng de Mori Keraéng. Wiga céing kaut ata pecing Mori Keraéng, hia séngét itéy; céing kaut ata toé paéng de Mori Keraéngn, hia toé séngét itéy. Hituy woléngn, Nai Nggeluk te pandé molor agu nai te pandé wéléng.

3 YOHANÉS 1:14

Ai mésén bengkes daku te gélang mai cumang hau kudut tombo dungkas laku.

WIDANG SI’ANG ONÉ HI YOHANÉS 20:15

Néténg ata situt toé ita ngasangd oné Surak Data Mosé hitu, peké nggere-oné api mésé hituy.

WIDANG SI’ANG ONÉ HI YOHANÉS 3:20

Lélo dé, Aku hesé bolo-mai para agu nontong. Émé manga ata dengé nontong Daku hitu, céngka dé liha para, Aku ngo bonék kudut cumang agu hang cama-cama agu hia.

WIDANG SI’ANG ONÉ HI YOHANÉS 7:17

Ai Anak Jimbal hitut oné bahi-réha seriga hitu te lami iséy. Hia te émba isé nggere-oné ulu waé ata téing mosé. Mori Keraéng te koso sanggéd lu’u mata disé.”