YOHANÉS 10:1 - Bahasa Manggarai New Testament

¹ Aku curup agu méu: Moro matan, céing ata ngo oné kandang jimbal, toé lorong paray onén, maik tuké lut pété bana, hia hitu ata takoy agu ata rampoky;

YOHANÉS 10:1 ပူးပေါင်းရင်းမြစ်များ

MATÉUS 7:15

“Jerék-jerék agu sanggéd nabi tangké, ata mai cé’é méu, biluk ného jimbals, kali cetu’ungn isé situ serigala da’ats.

YOHANÉS 10:7

Te cangkalin kolé taé de Mori Yésus: “Aku taé agu méu, moro matan, Akuy parad jimbal situ.

YOHANÉS 3:3

Mai walé de Mori Yésus, taén: “Aku curup agu hau, moro matan, émé cengatan ata toé loas koléy, hia toé ngancéng itan Adak de Mori Keraéng.”

ROMA 10:15

Agu co’o ata ngancéng keréba Hia, émé toé manga ata wuatn? Ného manga ata poli tulis, “Cembes kéta nai ali mai disét ba keréba di’a!”

ROMA 16:18

Ai sanggéd ata nenggitu toé keturu latang te hi Kristus, Mori dité, maik keturu kaut tuka rud. Ali curup ata di’an agu ali curup ata mecikn isé nggopét atas siot lulus naid.

TITUS 1:11

Sanggéd ata nenggitu paka jera hema kauts, ai isé pandé biké ka’éng kilo data le toing ata toé manga betuad, kudut pala tiba ontong ata toé patun.

IBRANI 5:4

Toé manga cengatan ata téti le weki run te ciri imam mésé, maik le bénta de Mori Keraéng cama ného hi Harun danong.

1 PETRUS 1:10

Selamak hitu ata mbajik kéta cécan le sanggéd nabi, ata poli keréban latang te méu.

2 PÉTRUS 2:1

Danong, oné bahi-réha ro’éng de Mori Keraéng manga nabi tangké. Nenggitu kolé te ho’on, oné bahi-réha méu manga guru tangké. Isé ba toing te pandé wéléng agu pandé ampus. Ngot isé te pali hiat Cau Kuasa hitut poli sambé isé. Ali hitu, isé ba ampus latang te weki rud.

2 PÉTRUS 2:3

Ali goméngd, sanggéd guru tangké situ tombo joak te kawé ontong oné mai méu. Maik latang te pandé disé situ, béhéng’g poli ambin wahéng agu ampus toé ngancéng renggé kolén.

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.