YOHANÉS 1:18 - Bahasa Manggarai New Testament

¹⁸ Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

YOHANÉS 1:18 ပူးပေါင်းရင်းမြစ်များ

MATÉUS 11:27

Sanggéd taung poli widang agu Akud le Emag, agu toé cengatan ata pecing ngasang Anak, émé toé le Ema, agu toé cengatan ata pecing Ema émé toé le Anak agu oné ata hituy henan toin le Anak hitu.

LUKAS 10:22

Sanggéd ménan poli téing oné Akud le Emag; agu toé cengatan ata pecingn céingy Anak, bom hi Ema, agu céingy hi Ema, bom hi Anak, agu oné ata hitut oné hia henan le Anak hitu, te toi molor hitu.”

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 12:41

Curup ho’o di Yésaya ai hia poli ita dirapn agu poli curup latang te Hian.

YOHANÉS 13:23

Cengata oné mai ata nungku de Mori Yésus, ata hitut momang Diha, bérit ruis Hiay du racap wanangn.

YOHANÉS 14:9

Mai walé de Mori Yésus ngong hia: “Naisg Aku cama-cama agu méuk Pelipus, maik hau toé kin pecing Akuh? Céing ata poli ita Akun hia poli ita hi Ema. Co’og taé de hau ga: Toto koé agu ami hi Ema hitu.

YOHANÉS 17:26

agu Aku poli toin ngasang Dité oné isé, agu Aku te toin, kudut mohas hitut téing Lité oné Aku, manga oné iséy, agu Aku oné isék.”

YOHANÉS 17:6

Aku poli toi ngasang Dité oné sanggéd ata situt téing Lités agu Aku oné mai lino ho’o. Isé situ, Dités morid, agu Ité poli téing isé oné Aku, agu isé lut tu’ung curup Dités.

YOHANÉS 3:11

Aku tombo agu hau, tu’ung-tu’ung kéta ami tombo latangt apa situt pecings lami agu ami ata sakasi latangt apa situt ita lamid, maik toé imbis le méu sakasi dami.

YOHANÉS 6:46

Sanggéd situ toé nggo’o ga, te manga atan ata poli itan hi Ema. Hanang Hia hitut mai oné mai Mori Keraéngn, Hiay ata poli ita hi Ema.

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

KOLOSÉ 1:15

Hiay gambar de Mori Keraéng ata toé ita le matay, ata ngaso, céwé lando oné-mai sanggéd ata poli dédék.

2 TIMOTÉUS 1:17

Nahé sanggén taung ata, hiang agu bong Mori Keraéng hitut tédéng lén, ata toé ita le matay agu ata léca’y. Hia de Raja ata perénta tédéng lén! Amén.

2 TIMOTÉUS 6:16

Hia kanang kali ata toé koday le mata, ka’éng oné gérak ata toé cung te ruisy. Toé manga cengatan ata poli ita Hia, agu toé muing manga manusia ata ngancéng ita Hia. Latang te Hia kali hiang agu kuasa tédéng lén! Amén.

1 YOHANÉS 4:12

Toé déit manga cengatan ata poli ita Mori Keraéng. Maik émé ité momang taud, Mori Keraéng nai ca anggit agu ité agu momangN hitu jepeky oné ité.

1 YOHANÉS 4:20

Émé manga ata taé nenggo’o, “Aku momang Mori Keraéngk,” maik kodo asé-ka’é ca imbin, hia hitu ata nggopét. Ai émé toé momang liha asé-ka’é ca imbin hitut ita dungka, apan kolé Mori Keraéng hitut toé ita liha.

1 YOHANÉS 4:9

Ho’oy toton momang de Mori Keraéng oné bahi-réha ité: Hia poli wuat Anak LécaN nggere-oné lino, kudut ité paéng mosé.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.