YOHANÉS 1:16 - Bahasa Manggarai New Testament

¹⁶ Ai oné mai penongN, sanggéd ité poli tiba widang momang lawang widang mohas;

YOHANÉS 1:16 ပူးပေါင်းရင်းမြစ်များ

MATÉUS 13:12

Ai céing-céing ata mangad ga, téing oné hias, wiga diha héla-haéd; maik céing ata toé mangad, apa kaut ata mangad oné hia, te emi oné mai hiad.

MATÉUS 3:11

Aku cebong méu le waé te tanda tesér, maik Hia ata mai bemusi mai aku, ata céwé mésé kuasan oné mai aku, agu toé remog aku te tiwit sepatun. Hia kudut te cebong méu le Nai Nggeluk agu le api.

MATÉUS 3:14

Maik hi Yohanés damang te ré’ing Hia, mai taén: “Aku kali ata kopn te cebong Lité, landing Ite kolé ata mai kamping aku?”

LUKAS 21:15

Ai weki rug Aku te téing oné méu nai nggalas, wiga méu toé ngancéng koléng ko ganggas le ata balis.

YOHANÉS 3:34

Ai céing ata wuat le Mori Keraéng, Hia ata caingn reweng dé Mori Keraéng, ai Mori Keraéng widang Nai Nggeluk toé manga beténgn.

ROMA 5:17

Ai émé landing ndékok de cengata, mata hitu manga kuasan lut hiat cengata. Céwén kéta isét ata poli tiba dod tabing agu tiba le Mori Keraéng te mosé agu kuasa ali hiat cengata hitu, ngong hi Yésus Kristus.

ROMA 5:2

Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

ROMA 5:20

Oné wintuk Taurat, cai-wan ndékok cirik céwé do. Maik nia ndékok tambang dod, nitu tabing cirik monggu-roud.

ROMA 8:9

Maik méu toé mosé lut belek de wekis, maik lut Nai Nggelukm émé tu’ung kéta Nai Nggeluk de Mori Keraéng hitu ka’éng oné méuy. Maik émé ata toé paéng Nai di Kristus, hia toé paéng di Kristusy.

ÉFÉSUS 1:23

Weki serani situ ngong weki di Kristus, ata pandé jepek Liha te rapakd sanggéd cao-ca nia kaut wan.

ÉFÉSUS 3:19

ata toé ngancéng pecing le utek de manusia, wiga méu penong le nai di’a de Mori Keraéng hitut besik.

KOLOSÉ 1:19

Ai sanggén taung besik de Mori Keraéng manga taungs oné weki de AnakN.

KOLOSÉ 2:3

Ai oné Hi Kristus cehad sanggéd nggalas agu nggepuk de Mori Keraéng.

1 PETRUS 1:11

Isé kolé mbajik kéta cécan, te du niay agu co’oy jarin lorong nuk de Nai di Kristus hitut manga oné isé. Nai hitu dé ata poli keréba latang te sanggéd susa ata kudut hena hi Kristus agu latang te sanggéd mengit situt tua musi-maid.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.