YOHANÉS 1:12 - Bahasa Manggarai New Testament

¹² Maik sanggéd ata te tiba di’a Hia, téing Liha kuasa te ciri anak de Mori Keraéngs, isét ata imbi oné ngasang Diha;

YOHANÉS 1:12 ပူးပေါင်းရင်းမြစ်များ

MATÉUS 10:40

Céi-céing ata tiba méu, hia tiba Akuy, agu céing ata tiba Akuy, hia tiba Hiat wuat Akuy.

MATÉUS 12:21

Agu oné Hias kali demingd sangged uku do.”

MATÉUS 18:5

Agu céing ata tiba cengatan anak koé ného ho’o le ngasang Daku, hia tiba akuy.”

YOHANÉS 1:11

Hia mai oné paéng decukn, maik sanggéd ata decuk'N situ toé tiba Hias.

YOHANÉS 1:7

mai diha te téing sakasi latang te gérak hitu, kudut lut hia sanggéd ata ngancéng imbis.

YOHANÉS 11:52

Agu toé latang te uku hitu kanang, maik latang kolé te impung agu pandé neki cas Anak de Mori Keraéng situt bégas.

YOHANÉS 2:23

Agu du ngai oné Yérusalém’n Hia tédéng ramé Paska, do kéta ata imbi laing ngasang Diha, ai isé poli ita sanggéd tanda ata pandé Diha.

YOHANÉS 20:31

maik sanggéd so’ot mangad poli tulisd kudut imbi le méu te Mori Yésus hitu hi Mesias, Anak de Mori Keraéng, agu landing imbis hitu, méu manga mosés oné ngasang Diha.

YOHANÉS 3:18

Céing kaut ata imbi Hia, toé manga hena le wahéng; céing kaut ata toé imbin, poli mangan ka’éng oné wahéngy, ai hia toé imbi oné ngasangd Anak léca de Mori Keraéng.

TOMBO PÉTÉ GORI DE RASUL-RASUL 3:16

Landing ali imbi oné Ngasang de Mori Yésus wiga Ngasang hitu poli pandé mberes ata ho’ot ita agu pecing de méu, agu ali imbi hitu kolé tara pandé inan ata ho’o wa ranga de méu.

ROMA 8:14

Sanggén taung ata titong le Nai Nggeluk de Mori Keraéng, isé situ ciri anak de Mori Keraéngs.

ROMA 8:16

Weki run Nai Nggeluk hitu téi saka-si cama laing agu nai dité, te ité ho’o ciri anak de Mori Keraéngt.

ROMA 8:19

Ai ali nuk kéta sanggéd ata poli dédék, géréng lété sanggéd anak de Mori Keraéng te si’ang.

GALATIA 3:26

Ai sanggés taung méu ciri anak de Mori Keraéng lut imbis oné hi Yésus Kristus.

GALATIA 4:6

Ai méu hitu anak, itu tara Mori Keraéng poli jera Nai de Anak Diha mai oné nai dité. Ngong Nai Nggeluk, ata caro, “Yo Abba, ngong Yo Ema!”

KOLOSÉ 2:6

Méu poli tiba hi Kristus Yésus, Mori dité. Landing hitu, poro kong kin méu nai ca anggit agu Hiam.

2 PÉTRUS 1:4

Ali hitu, Hia poli widang ité sanggéd reké ata belard agu mésé tu’ung, kudut ngancéng cépé oné-mai belek da’at hitut pandé ampus lino agu tiba gauk de Run Mori Keraéng.

1 YOHANÉS 3:1

Idep dia-dia! Mésén tu’ung momang hitut widang de Mori Keraéng latang te ité, wiga ité téti ciri anakN. Tu’ung kéta dé, te ité ho’o anak de Mori Keraéngt. Hitu tara toé pecing itén lino ho’o, ai lino ho’o toé pecing Mori Keraéngy.

1 YOHANÉS 3:10

Ho’os tarad sanggéd anak de Mori Keraéng ko anak de jing da’at: ata siot pandé molor, loas oné-mai Mori Keraéngd. Maik, céing kaut ata toé momang asé-ka’é ca imbin, hia anak de jing da’aty.

1 YOHANÉS 3:2

Asé-ka’én ata momang laku! Te ho’on ité anak de Mori Keraéngt, maik toé di si’ang ného niay mosé dité tai. Maik pecing lité, émé cai hi Kristus tai, ité te ciri cama ného Hiat. Du hitu po ngancéng lélo dungka lité Hia, te ného niay cetu’ungn taraN.

1 YOHANÉS 3:23

Ho’oy peréntaN: Ité paka imbi hi Yésus Kristus, AnakN agu momang haé ata lorong perénta di Kristus hitu.