TÉSALONIKA 4:2 - Bahasa Manggarai New Testament

² Pecing kolép le méu apa ata paka pandé le méu, ai poli toingn lami oné méu le ngasang de Mori Yésus.

TÉSALONIKA 4:2 ပူးပေါင်းရင်းမြစ်များ

MATÉUS 28:20

agu toing koé isé te pandé sanggéd apa ata poli jera Laku agu méu. Agu paka idep di’a le méu, Aku loréng méu mtaungk dengkir cemoln lino.”

1 KORINTUS 9:21

Latang te ata toé mosé lorong Adak Taurat, aku ciri ného ata siot toé mosé lorong Adak Taurat. Koném po aku toé mosé be-pé’ang mai Adak de Mori Keraéng, ai aku mosé lorong Adak di Kristus. Aku pandé nenggitu, kudut aku haéng isét toé mosé lorong Adak Taurat.

TÉSALONIKA 4:1

Cemoln ga, asé-ka’én, toing agu titong dami latang te méu le ngasang de Mori Yésus: Méu poli dengé oné-mai ami, co’o ata di’an mosé de méu kudut pandé nisang nai de Mori Keraéng. Toing hitu, bo kali poli lorongn le méu ga, maik céwé di’an kolé émé méu pandé tu’ung-tu’ung kéta-mai wa-mai nain.

TÉSALONIKA 4:3

Ai ho’oy ngoéng de Mori Keraéng: méu paka mosé nggeluk agu tadang koém oné-mai pandé nelung.

2 TÉSALONIKA 3:10

Ai nenggitu kolé ami du oné bahi-réha méu, tombo lami langga ho’o oné méu: Émé hiat cengata toé ngoéng te gori, hia hitu néka hangy.

2 TÉSALONIKA 3:6

Asé-ka’én, oné ngasang de Mori Yésus Kristus ami pedé agu méu, kudut méu tadang koém oné-mai néténg asé-ka’é ca imbi situt ngondé agu toé lorong toing situt poli tiba oné-mai ami.