ROMA 7:4 - Bahasa Manggarai New Testament

⁴ Landing hitu asé-ka’é daku, latang te méu wintuk Taurat poli matan, landing le mata di Kristus. Kudut méu ciri paéng Diha ata poli to’o kolén oné mai ata matan, wiga ité manga wuad latang te Mori Keraéng.

ROMA 7:4 ပူးပေါင်းရင်းမြစ်များ

1 PETRUS 2:24

Weki Run Mori Yésus poli pola panggol landing ndékok dité, kudut ité toé ngoéng te pandé ndékok kolé, maik mosé latang te pandé molor. Ali sanggéd réu Diha méu poli inas ga.

ROMA 8:2

Ai wintuk de Nai Nggeluk hitut téi mosé, poli ledo hau lut hi Kristus Yésus oné mai wintuk hitut ba ndékok agu mata.

ÉFÉSUS 2:15

Adak Taurat data Yahudi agu sanggéd perentan polig koarn li Yésus Kristus wiga sua wa’u situ ciri ca wa’u weru ata nai ca anggit agu Hia. Le hitu dé, hi Kristus pandé hambor.

ROMA 7:6

Maik te ho’on ga, ité poli célad oné mai wintuk Taurat, ai ité poli matad latang te wintuk hitut udeng ité. Wiga te ho’on ité keturu weru lorong Nai Nggeluk agu toé keturu manga lorong curup de wintuk Taurat.

GALATIA 5:18

Maik émé méu téing wekis lorong titong de Nai Nggeluk, ali hitu méu toé kuasa le wintuk Tauratm.

KOLOSÉ 1:22

te ho’on pandé hambor Liha oné weki di Kristus ali mata Diha kudut méu ciri nggeluk agu toé manga celas oné ranga Diha.

ROMA 6:22

Maik te ho’on du poli célas méu oné mai ndékok, agu du méu poli ciri mendi de Mori Keraéng, méu tiba wua ata dadé méu nggere-oné mosé nggeluk. Cemold taung situ méu tiba mosé tédéng lén.

GALATIA 3:13

Hi Kristus poli sambé ité oné-mai niur de wintuk Taurat. Hia pandé nenggitu ali ondang weki Run ciri niur landing ité. Ai manga tulis: “Nahé niury ata hitut wéo oné haju panggol.”

ROMA 6:14

Ai ndékok toé manga kuasan kolé latang te méu, ai méu toé manga be-wa mai wintuk Taurat, maik be-wa mai tabing de Mori Keraéng.

KOLOSÉ 2:14

ali koso surak raung hitut mangkong agu ngetek ité. Le pakus oné haju panggol, pandé moras Liha surak raung hitu.

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

WIDANG SI’ANG ONÉ HI YOHANÉS 19:7

Ali hitu, mait ga ité naka agu cembes nai te bong Hia! Ai leso kawing de Anak Jimbal cai gi, agu nacaN polig mengkekn.

ROMA 6:2

Toé nggituy! Toé weli ité ata poli célad oné-mai ndékok, co’o tara ngancéng mosé kid oné ndékok?

KOLOSÉ 2:20

Émé méu poli mata camas agu hi Kristus agu poli ledo oné-mai nai de lino ho'o, co’o tara ciri mendi de wintuk situm, néhot ngai mosé kis oné lino ho'o, rapangn:

KOLOSÉ 1:6

hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

PILIPI 4:17

Landing toé campé situt téing de méu ata kawé daku, maik cir ata pandé tambang mésén ontong de méu.

YOHANÉS 3:29

Ata ngaran wina molas hiat kopé harat; maik haé reba dihat kopé harat ata hesé ruis hia agu ata séngét hias nisang kéta naid dengé reweng dihat kopé harat hitu. Hituy nisang nai daku, agu te ho’on nisang naig hitu penongy.

MATÉUS 26:26

Du rémé hangd isé, Mori Yésus emi roti, étan ngaji wali di’a, pu’ils Liha agu téing oné rasul-rasuln, mai taén: “Emi ga, hang ga, ho’o dé weki Daku.”

WIDANG SI’ANG ONÉ HI YOHANÉS 21:9

Poli hitu, mai cengata oné-mai pitu malékat ata cau pitud piala, ata penong le pitu copél turung cemol hitu, cumang akuy mai taén, “Mai cé’é ho’o, aku kudut toto oné hau, haé kilo de Anak Jimbal.”

IBRANI 10:10

Ai ali ngoéng di Kristus, ité poli pandé nggeluk cangkalin latang te tédéng lén, le takung weki de Run.

2 KORINTUS 11:2

Ai aku kembung méuk neho kembung de Mori Keraéng. Ai aku poli pandé naca méu agu cengata ata rona, kudut dadé méu ného ata molas nggeluk oné hi Kristus.

1 KORINTUS 10:16

Toé weli piala ata papé te wali di’a oné Mori Keraéng, pandé neki-ca agu dara di Kristus? Toé weli roti hitut pu’il kudut hang cama laing, pandé neki-ca agu weki di Kristus?

YOHANÉS 15:8

Oné apa ho’o te bong Ema Daku, ngong émé méu do wuas, agu ali hitu dé ga méu ata nungku Dakum.”

YOHANÉS 6:51

Akuy dé roti te mosé laing, ata poli wa’u éta mai Surgag. Céing kaut ata hang roti ho’o, hia te haéng mosé tédéng lén. Roti ho’ot téing Daku, hituy weki Daku ata téing Laku te mosé de lino.”

MARKUS 4:20

Agu cemoln siot weri oné tana beheng ngong ata siot séngét agu tiba reweng hitu, itug kali wuad, manga ata alép telumpulud, manga ata alép enempulu agu mangas ata alép ceratusd.”

ROMA 6:11

Ného nggitu kolé latang te méu: Méu poli matas latang te ndékok, maik mosém latang te Mori Keraéng oné hi Kristus Yésus.

ROMA 7:3

Jari, du lari mosé ronan, hia mangkong loma latay émé hia ciri wina data rona banay, maik émé matag ronan, hia nia-ngoéngn oné mai wintuk, wiga hia toé loma latay émé hia ciri wina data banay.